انا بفكر اشترى ام جى ٣
حد يعرف ايه عيوبها وسوقها ماشى ولا ؟؟
ولما احب ابيعها هخسر فيها كتير ولا ايه ؟؟
عرض للطباعة
انا بفكر اشترى ام جى ٣
حد يعرف ايه عيوبها وسوقها ماشى ولا ؟؟
ولما احب ابيعها هخسر فيها كتير ولا ايه ؟؟
وقطع غيارها عامل ازاى ؟؟
طبعا الكلام المعتاد
انها من انضف العربيات االصيني
وتتفوق علي الكوري في الجوده
لكن غير منتشره نهائي وفشلت في البيع في مصر
بسبب سعرها المرتفع
اكيد طبعا مش هاتلاقي ليها قطع غيار بره التوكيل ان وجدت في التوكيل اصلا
اعاده بيع تحت الارض اكيد
وجهه نظري اي عربيه منتشره افضل
تسلملى
طيب ايه الحاجه الى فى سعرها وكويسه ؟؟ كيا بيكانتو مثلا
سعرها كام
البيكانتو انا مستحرم 90 الف فيها
سعنى مثلا فى حدود 100 الف ؟؟ وتكوون اتوماتك
النيسان الصني والرينو لوجان والبيكانتو مش بجودة ال ام جي 3 للاسف , لاحظت جهد للوكيل وهو انه بدأ يوحد الديكور لاي موزع ومن وقت للتاني بيعمل عروض و تخفيضات ..
واتكلمت قبل كده بان يا ريت اللي له تجربة سيئة مع ام جي يشرحهلنا بحيث نستفاد ..
لو روحت بسيط على العربية وقارنت سعرها بين الصيني العادي والكلام ده للي يفهم هيعرف ان توكيلات الصيني العادي حرمية و نصابين .. الام جي مخدومة اوي و مصروف عليها جدا وفي اعتقادي الشخصي بانه لو قررت تخفيض السعر فلازم المستهلك يعرف ان فيه حاجة مش طبيعيه في العربية ..
العربية اوروبية بس اتصنعت في الصين
طب ماتجيب امجراند
أقولك على عربيه تحفه في فئة ال 100 ألف وأوتوماتيك .. البروتون بيرسونا أو جين 2 عربيات ليها سوق وقطع غيارها متوفره وقويه وممتازه وسعرها حوالي 110000 للأوتوماتيك .
سبحان الله ..
كانت معايا البروتون جين 2 2008 وكنت شاريها زيرو و وقتها كانت كل الناس بتقولي بلاش العربية لانها ملهاش سوق وكمان ملهاش قطع غيار برة التوكيل .
مع اختلاف شوية حجات بين البروتون وال ام جي وهي ان البروتون بتطلع بعيوب صناعه زي علبة الدركسيون وكمان مشاكل تيل الفرامل والطنابير ده غير ردائة الخامات الداخلية والتقفيل ومعل كل ده انا كنت بحبها جدا ..
بس الحق يتقال بان حضرتك متقارنش اي عربية من ام جي بالجين 2 لان الام جي نضيفة اوي