الموضوع: عفشة .... عفشة لادا 2105

السلام عليكم ورحمة الله وبركاتة

النهاردة بعد ما طلعت العربية من السمكرة والدوكو وكلفتني 900 جنية ّّ!!!!!!

روحت اعمل الكهربا واظبط اللي فيها ... روحت لعمرو الشربيني في السيوف شماعة

قالي هات ( ماكينة ستوب ) الحديد منها 15 جنية والبلاستيك منها 10 جنية

وبعدين روحت جبت جوز لمض خلفي للفوانيس اللي ورا .. فية الصيني اللمبة ب جنية ؟,,, وفية الروسي اللمبة 3.5 جنية

المهم جبت ماكنة ستوب حديد + جوز لمض روسي 3.5 + جوز كشافات اشارات جناب الواحد ب 7 جنية من عند البلغاري + ظبط العوامة بتاعت البنزين (اللي مغلباني ومش لاقيلها حل) شوية

وخد مصنعية بعد ما خلص 30 جنية ...روحت بعد كدة ... لمحمد كريمة بتاع ظبط زوايا برضة في السيوف راجل معروف وشغلة رهيب .. رفع العربية علي المقاس وكانت صدمة العمر .....
كتبلي علي حاجات أجبها وبعدين اروح للعفشجي اللي بعدة يعملها اية هية بقي :

-- 2 بيضة دركسيون طوال ( سألت عليها عند البلغاري التركي جديد الاتنين ب 80 جنية )

-- 2 جلب سنارة ( ب5 جنية الاتنين )

-- 8 جلب مقاصات مش عارف كاتب جمبها اية تيل أو تبك ( سعرهم 110 جنية جديد من البلغاري )

-- 2 بيضة مقص شمال ( سعرهم 110 )

دول اللي طلبهم اشتريهم فية حاجات تانية العفشجي ح يعملهم وهنا المصيبة ::: ومحتاج رأيكم بشدة ..

-- نزع صواميل تحت المقص الشمال

-- حشو علي علبة الدريكسيون وكاتب جمبها ( مبوشة )

المصيبة بقي هنا :

-- لحام شاسية يمين عند البرشامة مكان الكوع ( ودي نتيجة المطبات بتاعت بلادنا )

-- لحام شاسية يمين أمام الصدر تقريبا كاتب كدة ( انتوا عارفين خطهم نقش فراخ )

--لحام الشاسية تحت علبة الدركسيون ...


الاستلة : علل (ههههههه)


1 - العفشجي مصنعيتة حتبقي كام خاصة اني متوصي عليا من محمد كريمة بتاع الزوايا

2- لحامات الشاسية دي اللي اسمعة انها بتضر من عنصر الأمان بتاع العربية وكمان السعر هل صح أو غلط ؟

3- العربية بتزييأ من قدام علي الشمال ( مزيكة حسبواا بتاع الفول ) وما شاحمتهاش من شهرين أو أكتر لعدم التفرغ ( حلوة عدم التفرغ دي ) مش فاضي يعني

4- العربية موديل 82 لادا 2105 معمولها سمكرة ودوكو تقفيل النهاردة بس ... دة للعلم بس مش سؤال

5 - هل الأسعار اللي موجودة كويسة ولا غالية وهل الجديد أحسن ولا الاستيراد ولو حد من اسكندرية يقولي منين ؟

وكتر ألف خير اللي حيرد عليا ويارب يا رب اللي يرد عليا يركب همر موديل السنة هههههههههههه


تسلموا يا حبايب ... وانا اسف لو أتأخر عليكم شوية لأني عندي امتحان بكرة دراسات عليا وان شاء الله أكون موجود لتبادل الخبرات االلي هية مش عندي أساسا ههههههههههه

--

بالنسبة ل900جنية سمكرة ودوكو فالسعر دة معقول جدا بس هو بيرجع برضو لحجم الشغل اللى كان فى السيارة بس خلينا فى المهم وهو لحامات الشاسية ودى لازم يعملها سمكرى نضيف علشان يشوف الامر يحتاج الى زرجينة ولا الابعاد مضبوطة الامر الثانى هو العفشة وعلبة الدركسيون انا راى انك تستغنى عن علبة الدركسيون وبيض الدركسيون والمناولات وتركب اسكاترا فهى احسن بكتير وقرات هنا فى المنتدى فى مهندس فى المنصورة بيركب القصة دى ثمنها بمصنعيتها ب1000جنية والدركسيون بيكون انعم وافضل بكتير اما بالنسبة لبيض المقصات فى نوع بيض جديد مش بيملص لان الجزىء اللى خارج منة العمود شكلة مستطيل وليس دائرة النوع دة انتاج شركة الامل