إخواني الأعزاء أنا شفت عربية عجيبة وعايز نصيحتكم

**mohamed2002** · 28-09-2008 06:03 PM

المشاركة الأصلية كتبت بواسطة ahmadkeshta

العربية بدأت أقتنع بيها أكتر وأكتر خصوصا إنها بتلبي كل احتياجاتي ، واسعة ومصاريفها قليلة ومشاكلها بسيطة ديتها زيارة للعفشجي كل شهرين ثلاثة ، وتستحمل شوارع مصر ، لكن بقول لنفسي بعد سنتين ثلاثة مش هيبقى ليها سوق خالص تقريبا ، مش عارف أعمل إيه ؟ وكمان لو رجعت للتاجر بعد ما سبته ومشيت أول مرة هيبيع ويشتري فيه وجايز يغليها علي أكثر باعتبار إن أنا رجعتله برجلي تاني .
عامة ما حدش هياخدها غير صاحب نصيبها

بص بعد 10 سنين حتي التفكير اللي انت بتقوله دة مش عندنا ال 128 موديل 79 بيتطلب فيها 16 الف وناس بتتدفع وتشتري والادا برضه ليها الناس اللي غاويها (اللي بيستعملو العربية استعمال شديد بيحملو فيها بضاعة ,طرق مكسرة ,كدة يعني فمتقلقش من النقطة دي )

**mesho** · 28-09-2008 06:05 PM

زمانك اشتريت بس هى أفضل من 128 طبعا الا لو كنت بتفكر فى حاجة تالتة

**Nader** · 28-09-2008 06:18 PM

هي اكيد افضل من الـ128، لكن هتخرج من عربية وتدخل

في اختها.... شوف حاجة تانية على الاقل تحس بالتغيير.

**ahmed_su** · 28-09-2008 10:50 PM

الف مبروك ياباشا

ربنا يديك خيرها ويكفيك شرها

**mohamed2002** · 29-09-2008 01:07 AM

المشاركة الأصلية كتبت بواسطة ahmadkeshta

طول الأيام اللي فاتت وأنا محتار ، وكل مابدأ أفكر في 128 أو ماروتي أو 131 وهي العربيات اللي ممكن تكون نضيفه وفي نفس السعر ألاقي إن اللادا رغم عيوبها وخصوصا العربية إللي أنا شوفتها دي لأنها تقريبا فابريقة أميل فورا إلى اللادا . على الأقل عربية أنا عارفها كويس وما عملتش معايا أي دقه نقص قبل كده .
النهاردة بعد العصر صحيت من قيلولة الظهر حاسم أمري ورحت وخلصت على 29 ألف و250 عمولة و مصاريف التسجيل بكرة إن شاء الله حوالي 350 جنيه . والحمد لله أنا راضي جدا عن قراري . وأشعر بأني حصلت بفضل الله على الحل المثالي لكل مشاكلي مع المواصلات . وسبحان الذي سخر لنا هذا وما كنا له مقرنين . والحمد لله رب العالمين.

الف مبروك وربنا يديك خيرها ويكفيك شرها وننتظر مشاركتك بقسم الادا

**nil_gem** · 07-10-2008 11:14 PM

ياريت حد ينصحنى فى موضوع دركسيون اللادا ده لأنى ناوى اشترى لادا 2107 جديدة بالقسط على أد فلوسى ! هل الباور اللى بيقولوا عليه ده بيعمل حاجة فعلا أم كلام ؟ وهل التكييف بتاعها حلو ؟ وهل اشترى العربية دى ولا بلاش ؟ يا ريت حد يرد على على الايميل بتاعى
gamal3010@hotmail.com
على فكرة العربية على الزيرو هتقف عليا بـ 68000 ج لانى هادفع 6100 ج مقدمة فقط وبالتأمين كمان .
يا ريت ماتنسونيش بالنصيحة

**ahmed1981** · 08-10-2008 07:52 AM

المشاركة الأصلية كتبت بواسطة nil_gem

ياريت حد ينصحنى فى موضوع دركسيون اللادا ده لأنى ناوى اشترى لادا 2107 جديدة بالقسط على أد فلوسى ! هل الباور اللى بيقولوا عليه ده بيعمل حاجة فعلا أم كلام ؟ وهل التكييف بتاعها حلو ؟ وهل اشترى العربية دى ولا بلاش ؟ يا ريت حد يرد على على الايميل بتاعى
gamal3010@hotmail.com

الرد والتوضيح بالموضوع التالي:
http://www.nilemotors.net/Nile/showthread.php?t=41351