| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 34

  1. #1

    الصورة الرمزية د.أبونضال

    رقم العضوية : 18512

    تاريخ التسجيل : 10Sep2008

    المشاركات : 1,246

    النوع : ذكر

    الاقامة : المنصورة

    السيارة: لا يوجد

    السيارة[2]: ميتسوبيشي لانسر 1998

    دراجة بخارية: لا يوجد

    الحالة : د.أبونضال غير متواجد حالياً

    افتراضي إخواني الأعزاء أنا شفت عربية عجيبة وعايز نصيحتكم - Facebook Twitter whatsapp انشر الموضوع فى :

    hasad">

    إمبارح وأنا راجع من الشغل لفتت نظري عربية مستعملة واقفة في معرض جنب بيتي ، كان فيه في المعرض عربيتين لانسر وعربية شارك ، لكن دول ما لناش دعوة بيهم ، العربية الرابعة كانت أخت اللي كانت معايا من عشر شهور وبعتها بس اللون مختلف ، يمكن علشان كدة لفتت نظري ، طبعا علشان العربية كانت معايا قبل كدة كنت عارف أنا هاشوف إيه فيها ، اتفرجت على العربية من برة وكانت فابريقة وفيها حكات كتير وصاحبها عاملها بالقلم بشكل مش حلو مش راششها ، بصيت تحت العربية وعلى الكارتيرات لقيت تراب مزيت وحسست بإيدي تحت العتب وجوه الكارتيرات لقيتها لسة مقفولة بالبلاستيك بتاع بلادها ، فتحت الكبوت اندهشت أكتر ، المتور ما عليهوش أي نقطة زيت وحوض الموتور نضيف ما فيهوش ولا كلمة ، العربية اللي كانت معايا قبل كدة كان صاجها متقشر ومليانة زيت ولون الموتور أسود لكن دي دهان الماتور لسة بلونة ، حتى خرطوم العمة مفيش فيه ولا شق ، حوض الموتور تحفة ، لفيت وفتحت الشنطة لقيتها زيرو مافيهاش ولا حكة ولا حتة مقشرة والدهان لسة جديد كأنها خارجة من المصنع لسة ، حتى الكلبسات بتاعة الإكصدامات إللي ورا لسة ما اتفتحتش ، الفوانيس إللي ورا وإللي قدام لسة بتوع بلادها رغم إن العربية موديل 95 ، ولما دخلت الصالون استغربت أكثر ، العربية عاملة 47000 كيلو في 13 سنة يعني بمعدل أقل من 4000 كيلو في السنة ، أغرب شيء إن الأكياس بتاعة الفرش لسة عليه ما اتشالتش ، دورت الموتور ، دار من أول مرة ، زودت بنزين لقيت صوته ناعم ومافيش فيه أي حاجة غلط ، العربية القديمة لما دورتها في المعرض كان صوتها عالي جدا والتاجرقعد يقولي ده من الشكمان ومش عارف إيه ، لكن دي صوتها ناعم وما فيش فيه أي حاجة غريبة ، أغرب حاجة كمان إن جلد الأكسليرتور والفرامل والدبرياج لسة بتاع بلادة مادابش ولا اتنحت ، أنا عربيتي اللي قبل كدة كان الدواسات على الحديد ومحطوطلها جلدة من أم ربع جنيه .
    لفت نظري جدا إن العربية زي ما تكون بقالها سنة ولا اثنين بس بتستعمل مش 13 سنة وقلت أكيد دي عربية معاقين ولا حاجة وواخدة إفراج واللي خلاني أفكر في كدة إن نمرها لسة جديدة ورقمها مقرب للعربيات الزيرو إللي لسة مرخصة، لما اتكلمت مع التاجر قالي إن صاحبها كان راكنها في الجراج وبيستعمل عربية الشغل وإن كان عليها نمرة مميزة ثلاث أرقام بس وهو خد النمرة دي حطها على عربية زيرو وحط للعربية دي نمر جديدة ، وصاحبها عامل توكيل مقفول للتاجر علشان إللي ياخدها يسجلها بإسمه على طول . أنا ما كانش في دماغي خالص إن أنا أجيب نفس الموديل إللي أنا كنت راكبه تاني ، ولما تعرفوا نوع العربية حتعرفوا أنا بقول كدة ليه لأنها لادا 2105 . لكن لما شفت العربية دي حسيت إن العربية إللي كانت معايا كانت زبالة ، رغم إن أنا جبتها غالية وبعتها غالية ، بس بعتها بعد ما عملت بيها كام حادثه وبهدلتها الحقيقة وكنت متخيل إنها نضيفة ، لكن لما ركبت العربية دي إللي كل حاجة فيها لسه على أصله ما تغيرش حسيت إن العربية إللي كانت معايا كانت خربانة . لما شوفتها غيرت رأيي على طول وبعد ما كنت بقول أبدا لا يمكن أجيب لادا تاني ولا أموت نفسي كل ما أجي أركن ولا أدخل شارع ضيق وأنا بعافر مع الدركسيون. كل ده اتنسى لما شفت العربية دي ، دلوقت يا أحبائي الراجل طالب سعر يزيد على متوسط سعر السوق لنفس الموديل بحوالي 4000 جنية يعني العربية دي دلوقت بتمشي من 24000 لغاية 28000 أقل من كدة تبقي عربية وحشة وأكثر من كدة تبقي عربية غالية ، والعربية ما يعيبهاش غير إنها لادا وغير إن مرامات البوية إللي فيها معمولة بالقلم بشكل مش ظريف ، لكن غير كدة ما فيهاش أي كماليات يعني هاشتري شاسيه وهيكل وأربع عجلات وموتور وكنبة وكرسيين ومتور ، كل حاجة فيها لسة على أصلها ما اتغيرش فيها حاجة خالص ، أنا عارف إن سوق القديم كلة نايم دلوقت وكلة بيدور على التكييف والباور والإزاز الكهربا ، أنا كنت هاجيب 128 وبعدين لما شوفت العربية دي غيرت رأيي وهاضحي بعضلات دراعي ورجلي واركب لادا تاني , لكن عايز رأيكم . التاجر بيحلف ( وانتو عارفين حلفانات التجار ) إنو جايبها باكثر من 28000 وبيقولي هاخد منك ألف على ثمنها يعنى عنده استعداد يبيع ب 29000 . وكدة تبقى العربية غالية 2000 جنيه عن سعر السوق إية رأيكم ؟ أشترى وألا أنفد بجلدي ألأحسن وأجيب 128 أي كلام بتمنتاشر ولا عشرين ألف . أفيدوني من فضلكم خلال 24 ساعة .
    أخوكم
    أحمد


  2. #2

    الصورة الرمزية ابوهاشم

    رقم العضوية : 2602

    تاريخ التسجيل : 14Oct2007

    المشاركات : 3,896

    النوع : ذكر

    الاقامة : cairo new

    السيارة: volks beetle

    السيارة[2]: LANSER -1999.GLX

    دراجة بخارية: لا

    الحالة : ابوهاشم غير متواجد حالياً

    افتراضي -

    المبلغ ده ممكن يجيبلك 131 حكايه ولو كملت كمان 2000 ممكن تشترى شاهين او دوجان
    انا من رايي بلاش وبلاش ال128 كمان طالما معاك اللى يجيبلك احسن

    ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]


  3. #3

    الصورة الرمزية ehabthefirst

    رقم العضوية : 6932

    تاريخ التسجيل : 05Mar2008

    المشاركات : 236

    الاقامة : heliopolis

    الحالة : ehabthefirst غير متواجد حالياً

    افتراضي -

    انا رأى أشترى فورا
    بس دى 1200 ولا 1500
    لو 1200 تبقى غاليه

    حملت دمى على كفى وما نكست اعلامى وصنت العشب فوق قبور اسلافى


  4. #4

    الصورة الرمزية mohamed2002

    رقم العضوية : 12396

    تاريخ التسجيل : 07Jun2008

    المشاركات : 2,776

    النوع : ذكر

    الاقامة : Alexandria

    السيارة: lada

    السيارة[2]: Lada 2105

    الحالة : mohamed2002 غير متواجد حالياً

    افتراضي -

    29 الف ولسة حترشها كدة يبقي كتير بس لو حد غاويها وعجبته ممكن ياخدها بالسعر دة
    طيب جرب توصل مع التاجر من 27 الي 28 اعتقد ممكن يوافق ,ربنا يوفقك وهية عربية حلوة وجامدة وتستحمل معاك


  5. #5

    الصورة الرمزية د.أبونضال

    رقم العضوية : 18512

    تاريخ التسجيل : 10Sep2008

    المشاركات : 1,246

    النوع : ذكر

    الاقامة : المنصورة

    السيارة: لا يوجد

    السيارة[2]: ميتسوبيشي لانسر 1998

    دراجة بخارية: لا يوجد

    الحالة : د.أبونضال غير متواجد حالياً

    افتراضي -

    فعلا هي 1200 سي سي


  6. #6

    الصورة الرمزية د.أبونضال

    رقم العضوية : 18512

    تاريخ التسجيل : 10Sep2008

    المشاركات : 1,246

    النوع : ذكر

    الاقامة : المنصورة

    السيارة: لا يوجد

    السيارة[2]: ميتسوبيشي لانسر 1998

    دراجة بخارية: لا يوجد

    الحالة : د.أبونضال غير متواجد حالياً

    افتراضي -

    الحقيقة أنا ما اتكلمتش كتير في السعر لأن التجار ليهم أسلوب كدة لما يلاقي العربية عجباك يسكت خالص ويكلم حد تاني ويسيبك حيران لغايت ما تضعف وتدفعلو إللي هو عايزة . وكمان عمل معايا حيلة مشهورة بردة وهو إنو قالي إن فيه واحد جاي يتفرج عليها بكرة وإنه ما يضمنش ومش عارف إيه . فأنا قلتلو إن أنا مسافر بكرة ومش هاضمن ظروفي وقلتلو كمان إذا اتباعت العربية يبقى مفيش نصيب, وما رحتلوش النهاردة لكن العربية لسه في المعرض وأنا لسه شايفها من شوية.
    وعايز أقول إن العربية مش محتاجة رش لأنها كانت شبه مرفوعه في جراش لكنها محتاجة مرمات فقط بحرص وعناية شديدة لكي لا تفقد اللقب المأمول لأي سيارة مستعملة في مصر (فابريقه بره وجوه)
    يا جماعة ده الاستبن بتاع العربية لسه فيه الكاوتش الأصلي بتاع العربية من 95 لغاية دلوقت.
    عامة أنا حاسس إن التاجر ناوي يهبر فيها هبرة كبيرة ، أنا عارف بيجيبوا العربيات اللقطة دي منين ؟؟؟؟؟؟؟؟؟؟؟؟؟؟؟؟؟؟؟؟؟؟


  7. #7

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    أنا عارف بيجيبوا العربيات اللقطة دي منين ؟؟؟؟؟؟؟؟؟؟؟؟؟؟؟؟؟؟؟؟؟؟
    سؤال بسأله لنفسي بقالي زمان و مش لاقي له اجابه و محيرني
    التجار فعلا بيجيبوا عربيات غريبه ما تفهمش جايبنها منين.
    المهم نرجع للموضوع الاساسي
    العربيه بصراحه انت حتاخدها علشان غاوي
    لكن لما تيجي تبيع محدش حياخدها منك بالتمن دا الا لو واحد غاوي برضه
    بس برضه حتقل عن التمن دا.
    فمن رايي لو هيا عاجباك اوي هاتها بس اعمل حسابك انك حتخسر لما تبيع.
    و بلاش فكره ال 128 دي خالص .
    و بعدين طالما دخلت في ال 30 الف
    زود شويه او اصبر علي فلوسك شويه لحد ما توصل 35 و اركب سويفت مكيفه او هيونداي. و بكده تبقي بعيد عن فئه ال 128 و اللادا و تركب حاجه حديثه افضل


  8. #8

    الصورة الرمزية blazer

    رقم العضوية : 2282

    تاريخ التسجيل : 23Sep2007

    المشاركات : 8,887

    النوع : ذكر

    الاقامة : Cairo ,Faisal st

    السيارة: كانت lada 2107 1989

    السيارة[2]: Daewoo Nubira2 2005 auto

    دراجة بخارية: No

    الحالة : blazer غير متواجد حالياً

    افتراضي -

    ابعد عن الروسى وادعيله

    قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

    -- اللهم ارزقنيها --


  9. #9

    الصورة الرمزية waleedrahmy

    رقم العضوية : 5193

    تاريخ التسجيل : 04Feb2008

    المشاركات : 2,879

    النوع : انثى

    الاقامة : https://t.me/pump_upp

    السيارة: 84813646132

    السيارة[2]: ???? ????? ??2008 ?????? 2010

    دراجة بخارية: ?? ????

    الحالة : waleedrahmy غير متواجد حالياً

    افتراضي -

    حاتنزل من لا دا وتركب لا دا تاني ماينفعش يبقي انت عملت ايه انقل علي عربية تانية احسن

    https://t.me/pump_upp


  10. #10

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,693

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    hasad">

    لو قدرت تنزل بالسعر شوية هاتها
    وأكيد هي أفضل من ال 128 وأكثر تعمير منها

    مهندس أحمد. facebook.com/AHMED1981
    facebook.com/AHMED1981MECHANICAL



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. محتار وعايز نصيحتكم
    بواسطة Khaled Lanos في المنتدى كــماليــات السيـــارات و الإكسسوارات
    مشاركات: 9
    آخر مشاركة: 20-05-2012, 05:06 PM
  2. مقبل على شراء صني 99 وعايز نصيحتكم
    بواسطة zago في المنتدى نيـــــــــسان
    مشاركات: 22
    آخر مشاركة: 05-08-2011, 04:40 AM
  3. مشاركات: 16
    آخر مشاركة: 10-09-2010, 02:35 AM
  4. ناوي اشترى بيكانتو وعايز نصيحتكم
    بواسطة amrswira في المنتدى كـــــيا
    مشاركات: 4
    آخر مشاركة: 25-08-2008, 06:14 AM
  5. عايز نصيحتكم في شراء عربية زيرو
    بواسطة ahmedhilmy في المنتدى قســم خاص لبيع السيارات فقـــط
    مشاركات: 2
    آخر مشاركة: 11-08-2008, 07:59 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2