أكتر عربيه سعرها مستفز وغير منطقى بالمره
انا شخصيا مستحيل اركبها ولو بنص التمن دا
ايه يعنى تويوتا
والعيب فى اللى بيشترى مش فى التجار
عرض للطباعة
أكتر عربيه سعرها مستفز وغير منطقى بالمره
انا شخصيا مستحيل اركبها ولو بنص التمن دا
ايه يعنى تويوتا
والعيب فى اللى بيشترى مش فى التجار
نقدر نشبهها بالبيجو 504
لما كانت بتتباع سنه 2003
وبعد مرور 25 سنه علي انتاجها
ب35 و40 الف
راي الملاك هيكون غير كده
لكن فالنهاية راي ان العربية غالية فعلا ولكن بنسبة
انا لما بركبها بحسب اني راكب بي واي دي عربيه كتيانه زي الياريس بالظبط العربيه دي مفيهاش حلو غير استهلاك البنزين
كلمة السر في العربيات الياباني اللي مخليه اسعارها غير منطقية
هي الأعتمادية الامتناهيه وسهوله الصيانه وانتشار قطع الغيار
ودل التلات عوامل اللي ما اجتمعوش في أي عربيه أوروبي عشان تمسك سعر بالشكل ده
عربية بجد مستفزة علشان موديل 2006 يتباع 130 الف..ليه يعني!!
هجوم غريب جدا على التويوتا ............. مش عارف ليه انا عارف ان ثباتها مش قد كده وامكانيتها بردو مش قد كده بس الصراحه العربيه ناعمه وموفره فى البنزين وتكيفها اشد ميت مره من تكيف اى حد دخل شتم فى الموضوع دا فى التويوتا
طبعا فى عربيات اشد منها فى الجرى والنعومه طبعا كلامى على الكورى لاكن تحدى منى ليكم اعملو مسابقه 3الف كيلو جرى متواصل مابين التويوتا ومبين اى عربيه كورى او اوروبى فيما عدى البى ام والمرسيديس وشوفو انهى عربيه هتكمل لحد الاخر بنفس الكفاءه والاعتماديه بدون اى مشاكل ........... عشان كده التويوتا ليها اسم وسعر هنا فى مصر وفى دول الخليج وبعض الدول الاوربيه ..........اما بقى نقطه السعر فقرنوها بسعر التويوتا كورولا 2007 فى السعوديه مثلا وسعر البى ام 316 موديل 2012 وشوفو مين اغلى مع انها مقارنه غير متكافئه بس لاسف التويوتا اغلى ........ ودا سبب انها عربيه فعلا مستفزة جدا لبعض اللى مش بيحبوها لمجرد انها اسم عريق وحافظ مكانته
معاكم حق .شكلها وحش جدا ..بس مش عارف الناس مهبولة عليها لية؟؟
مصر بلد العجايب؟؟؟؟؟؟
في ظل الزحمة و الحر و استغلال الصنايعية ... المعايير اللي بتقيم العربية عليها اتغيرت .. بمعنى .. أنا هستفاد ايه و أنا 90% من استعمالي للعربية داخل المدينة من عربية ثابتة و فيها ايرباجز و كماليات .. و في المقابل قطع غيار غالية أو نادرة و قليل اللي بيشتغل فيها و تكييفها ضعيف.
في ناس وقتها محدود أو معندهاش وقت لمشاكل العربية .. فعاوز حاجه اعتمادية و مشاكلها قليلة .. و قطع غيارها متوفرة و أي حد بيشتغل فيها .. و التكييف كويس عشان انت عارف الصيف عندنا بأه عامل ازاي.
و أنا قدامك أهوه .. كان عندي أوبل كورسا سيدان و بعدين أوبل فيكترا .. و كنت عاوز أجيب رينو ميجان .. بس جبت هيونداي أكسنت لما وقتي قل شويه و مبقتش فاضي للعربية .. و طبعا بالنسبة للفيكترا كأني راكب عربية من المناديل الورق .. بس في المقابل اعتماديتها أكتر شوية و ده مناسبني في الفترة دي .. ده أنا حتى من اسبوعين كده كان ميعاد تغيير الزيت جه و مكنتش فاضي أغيره و سبت العربية و كنت بركب مواصلات عشان مش فاضي اروح أغير الزيت.
الفكرة ان كل واحد بيدور على احتياجه من العربية و السوق هو اللي بيحكم حسب احتياجات العميل.