السلام عليكم ورحمه الله
واحد قريبي عنده أكاديمية ومركز تدريب كورسات تنمية بشرية وخلافه
المهم كان مأجر شقتين من صاحب العقار بحوالي 5500 فالشهر
المهم جت ألاحداث اللي فاتت والسنة اللي فاتت الشغل كان ضعيف جداااااا
ومكنش قادر على سداد إلايجار
المهم لما قرر يسيب المكان وياخد مكان أقل شقة وحدة مثلا بدل شقتين
المهم صاحب العقار قاله متعولش هم الايجار وانا شريكك
المهم ظل صاحب العقار متنازل عن إلايجار بعد تكرار قريبي بطلب غلق شقة وممارسة النشاط في شقة واحدة
صاحب العقار كل اللي عليه (( ياجماعه حد طلب منكم إيجار مش أنا شريكم ))
المهم الشركة خسرت وفجأة
الراجل انكر قدام الناس انه كان شريك وقال هو في ورق يقول اني شريك ... انا كنت فاكر ان المشروع هيكسب (( يعني شريك عالمكسب فقط ))
ألراجل قفل على ألاثاثات والتكييفات وحط قفل على باب الشقة
المهم تم سداد قيمة حوالي 30.000 من الايجارات المتأخرة ودفع قيمة العوائد عن الشقة
الى ان سمح الرجل بخروج ألاشياء المتبقية والموضوع لغايت هنا تمام
لسه من يومين موصل رسالة الى أحد الاشخاص بيطالب بسداد 40 ألف جنيه أخرى قيمة مستحقات
لئلا هيرفع قضية بإنه خرج من المكان ولن يقوم بسداد بقية المدة نظرا لإن العقد كانت فترته 5 سنوات في حين ان قريبي الفترة اللي قعدها بالظبط سنة ونصف تقريبا
السلبيات فالموضوع :-
لايوجد إيصالات بالايحارات المدفوعة ولا بالفلوس اللي استلمها الراجل
لا يوجد فسخ عقد بين الطرفين
انتو شايفين ايه الحل من وجهة نظركم
علما بإن الرجل متهرب من الضرائب وبيقدم عقودات مضروبة تنص على ان ألايجار للشقة الواحدة 500 جنيها شهريا وليس الشقتين ب 5500
ياريت تساعدوني لان حالة قريبي ده صعبة جداااااا والراجل محطم نفسياااااا بعد الخسارات الفادحة