الموضوع: التقسيط المباشر مع عبد اللطيف الجميل

المشاركة الأصلية كتبت بواسطة mohammedabdallh

طب جربتى تسالى عن بنك ناصر
؟؟؟
ناس كتير بتقول كويس
بس بيحتاج موظف بس

سألت بس هو فى الأخر بنك هو بصراحة اقل فايدة .. بس انا مرتاحة لفكرة التقسيط المباشر بدون وسيط و بدون بنوك .. كمان اسمع ان اجرأته معقدة شويه و لازم تحويل مقدم و يعدى شهر و تقبض من عندهم مرة الاول و شوية تفاصيل كدة ..

المشاركة الأصلية كتبت بواسطة M.ABDEEN

السلام عليكم
الموضوع ده انا دورت وتعبت فيه كتير الفترة اللي فاتت لغاية ما وصلت بعد سؤال ولف للشيوخ والفقهيين ان التقسيط الاسلامي هو الجائز بس لازم يكون بعقد يسمى المرابحة ويكون شرط حلاله انه بين طرفيين ولا ذكر لطرف تالت نهائي بمعنى بينك وبين البنك بس واذا اتذكر اي لفظ لوجود طرف تالت تيجي هنا الحرمانية طبعا كلكم هتقولوا ممكن اي بنك يعمل القصة دي بس هنا بقى يبقى التحايل والغلط المهم بعد لف رسيت ولاقيت افضل واحد في القصة دي بنك فيصل وتمت عن طريقه العملية في عربية رينو سانديرو للمدام والحمد لله ....انا مش بفتي ولا بحلل ولا بحرم بس بانقل التجربة بس والله اعلم .
بالنسبة للالوان الكريمي حلو برده والفانيليا والفضي ....من وجهة نظري
السؤال انا مش فاهم اي موضوع عبداللطييف جميل ده ؟ هو مش ده وكيل دايهاتسو ولا ايه ياريت تفهموني وشكرا

اولا طبعا الف مبروك السانديرو ربنا يباركلكم فيها و يكفيكم شرها .. ثانيا أيوة عبد اللطيف الجميل وكيل دايهاتسو و فورد كمان فى مصر و تويوتا فى السعودية .. و ده اصلا مجال شغله و عامل شركة بيبيع من خلالها سيارات كاش و تقسيط منه مباشر و نفس النشاط فى السعودية .. دة لينك الموقع بتاعهم عليه شوية تفاصيل كمان كويسة جدا .. أحدث عروض و خدمات التقسيط - المباشر
أنا كلمت فرع الداون تاون اسكندرية اسمها العالمية المتحدة و صاحبها عبد اللطيف جميل ..

المشاركة الأصلية كتبت بواسطة eng_hatemfathy

جزاك الله خيرا على حرصك وتجنبك للحرام
من خلال بحثى انا ونقابة العاملين بشركتى والتى وصلت للدكتور نصر فريد واصل رئيس هيئة الرقابة الشرعية على بنك فيصل ومن خلال ادخال الدكتور على السالوس فى المسألة وصلنا لعدم وجود اى بنك يحقق التقسيط الشرعى بكل ضوابطه الا بنك فيصل فرع مدينة نصر فقط وهذا حينها "لا اعلم هل لا يزال يحافظ على تطبيق الوابط ام لا " وكان الهدف المراد تحقيقه فى العقد ما يلى :
1- امتلاك البنك للسيارة ملكية كاملة بما فيها الحيازة قبل اتمام عمليه البيع مع الاستغناء عن شرط (تعهد بالشراء) او استبداله بالوعد بالشراء الذى اباحه البعض للفارق القانونى والشرعى بين التعهد والوعد
2- عدم النص على اى غرامة لتأخير الاقساط واستبدالها باى ضمانة للبنك كالرهن او افسخ التعاقد عند التأخر فى الدفع
3-تثبيت السعر فى العقد وعدم تغييره مع المدة او تحديدة بنسبة
4- ان يكون التأمين تأمين تكافلى شرعى
5-عدم احتفاظ البنك بملكية السيارو بعد البيع واستبدالها بحظر البيع طوال فترة السداد

هذا ما أذكره واعتقد ان معرض دايهاتسو فى شارع النصر بالمعادى يقوم بتقسيط مباشر مع العملاء دون وساطة بنك -لا اعلم هل هذا عبد اللطيف جميل او غيره
ان استطعتى ان تحضرى نسخة من العقد يمكننا مراجعتها والوقوف على شرعية المسألة باذن الله
والله الموفق

م حاتم شكرا جزيلا على ردك و اهتمامك ..أنا طبعا مش متعمقه بس من خلال بحثى الفتره السابقة حاولت اخد بالى من النقط اللى حضرتك اتكلمت فيها .. مبدئيا هو نفس المعرض اللى حضرتك بتقصدة اظن لأنه المعرض ده قريت عنة فى الموقع هنا و هو اللى وصلنى للشركة اللى بتكلم عنها لأن صاحبها وكيل دايهاتسو و فورد فى مصر .. العقد طرف اول الشركة و تانى المشترى و ممكن ضامن او اتنين حسب المقدم و الوظيفه و كده بس مفيش سيرة بنوك فيه خالص ..
مفيش غرامة تأخير فيه مهلة 14 يوم او يتم سحب السيارة مقابل باقى الاقساط ..و السعر النهائى مذكور فى العقد ..التأمين قاللى مع البيت المصرى السعودى مش عارفه ايه دة و لا اعرف عنه حاجة بس انا مقدمى 70% قاللى التأمين اختيارى و قلتلة مش عايزة قال مفيش مشكله .. بس هو مذكور فى العقد مش عارفه ساعتها بيلغية بقى ولا ايه .. طبعا فية حظر بيع و شيكات بنكية بالمبلغ المتبقى بس الرخصة بأسمى أنا .. كمان هرفق العقد يبقى جزاك الله خير لو حد بصيلنا علية

المشاركة الأصلية كتبت بواسطة essam assem

مصرف ابو ظبى الاسلامى تقسيط بنظام المرابحة ولة مناديب فى اغلب معارض السيارات الكبيرة
وبالتوفيق ان شاء الله

حضرتك متأكد منه ؟ اظن فعلا انة فى الاخر نفس النظام البنكى مع اختلاف المسمى فقط و الله اعلم

بحاول أرفق العقد بتجيلى رسالة ..
جارى عمل صيانة ... برجاء عمل اعادة تحميل للصفحة

هجرب تانى بعد شوية

يعني يا جماعة التقسيط مع عبداللطيف جميل ده شرعي وحلال وكويس ولا لا ؟ وطريقة الدفع والفوايد كام ونظامها ايه