التقسيط المباشر مع عبد اللطيف الجميل

**habyomar** · 05-01-2014 02:36 AM

السلام عليكم و رحمة الله و بركاته ..

أنا معايا بالكتير اوى 70000 جنية الحمد لله بعد بحث فترة طويلة و قرارات متخبطة بين الجيتز و اللانسر و الياريس و البيكانتو رسينا على بيكانتو الشكل الجديد و نستلف الباقى و تبقى حاجه جديدة و بحالتها و كسر زيرو بما انها حريمى ليا انا و مش طالبة بهدلة .. و فعلا اتفرجنا كتيير و كلها كسر زيرو والله و الحمد لله ربنا نجانا من حجات كتير فى الظاهر لقطه لكن فى الحقيقة مخبطة و رشه و اصحابها مخبيين !! غالبا من على الانترنت العربيات دى ..

طبعا منتهى الاحباط و ده ملخص 4 شهور من اللف و البحث و البهدلة من غير عربية ..

بعد المشوار ده اخدنا قرار الحمد لله اننا نجيبها زيرو و خلاص .. اه هنخسر فيها شوية بس اضمن و هدفع المبلغ اللى معايا مقدم و اقسط الباقى على سنتين ان شاء الله ..

كانت المشكلة اللى موقفانى موضوع البنوك .. مستحرماها بصراحة و مش مرتاحه ابدا اجيب عربيه عن طريق البنك و بعد شوية بحث ربنا هدانى لموضوع هايل هنا فى المنتدى ربنا يجازى صاحبة و جميع المشاركين فية كل خير عن التقسيط المباشر مع عبد اللطيف جميل اللى هى العالمية المتحده و فعلا كلمتهم و اخدت العرض هى فايدة اعلى شويه بس اضمن من البنك ..

الموضوع كان قديم شوية من 2008 و كان فيه اعتراض على شوية بنود فى العقد اظن انها اتغيرت دلوقتى .. بس مش عارفه هل فيه حد تابع الموضوع ده كفتوى و ان العقد الجديد عليه اى شبهه ولا لاء أنا بصراحة قريتة و مرتاحة مفيهوش ولا نقطة من نقط الاعتراض اولا مش هأمن و لافيه غرامات تأخير هى شيكات و مهاه 14 يوم بعد المعاد او يسحبو العربيه .. الحاجة التانية ان شاء الله اجيب وكيل ولا خليجى .. و عايزة رأيكو فى اللون البيج " الفانيليا " زى ما بيقولو عليه فى التوكيل ..

حاسة انى تايهه جدا بقالى فترة طويلة و دايما بحب الجأ لنايل موتورز حيث الخبرة ..

**hossam_elwani** · 05-01-2014 02:46 AM

التقسيط من خﻻله كممتاز

بس البجث عن عن شروط التقسيط من خﻻله اﻻول

**أبو آسر** · 05-01-2014 03:07 AM

وعليكم السلام ورحمة الله وبركاته
طول ما بتتقي الله وبتدوري على الحلال وبتبعدي عن الشبهات ثقي إن ربنا هيكرمك
أنا برده كنت عايز أجيب عربية بالتقسيط وحاولت أتعامل مع البنوك اللي بيقولوا عليها إسلامية بس الحمد لله ربنا مكنش بيوفقني أبدا لحد ما ربنا كرمني بعربية رينو لوجان تعتبر كسر زيرو ودفعت فيها أقل من تمنها زيرو وقتها حوالي 18 ألف جنيه وكانت ماشية 24 ألف كيلو والحمد لله بقالها حوالي سنة معايا مريحاني وربنا مبارك فيها
حاولي تروحي لمقر المعرض واستفسري عن كل التفاصيل وخدي نسخة من العقد بصي عليها ويا سلام لو تعرضيها على شيخ ثقة وأمين وعلى علم لو حتى عن طريق النت واستخيري وتوكلي على الله
اللون البيج حلو أوي فيها والبينك كمان حريمي أكتر
بالتوفيق

**mohammedabdallh** · 05-01-2014 08:41 AM

طب جربتى تسالى عن بنك ناصر
؟؟؟
ناس كتير بتقول كويس
بس بيحتاج موظف بس

**Eng_hatemfathy** · 05-01-2014 12:01 PM

جزاك الله خيرا على حرصك وتجنبك للحرام
من خلال بحثى انا ونقابة العاملين بشركتى والتى وصلت للدكتور نصر فريد واصل رئيس هيئة الرقابة الشرعية على بنك فيصل ومن خلال ادخال الدكتور على السالوس فى المسألة وصلنا لعدم وجود اى بنك يحقق التقسيط الشرعى بكل ضوابطه الا بنك فيصل فرع مدينة نصر فقط وهذا حينها "لا اعلم هل لا يزال يحافظ على تطبيق الوابط ام لا " وكان الهدف المراد تحقيقه فى العقد ما يلى :
1- امتلاك البنك للسيارة ملكية كاملة بما فيها الحيازة قبل اتمام عمليه البيع مع الاستغناء عن شرط (تعهد بالشراء) او استبداله بالوعد بالشراء الذى اباحه البعض للفارق القانونى والشرعى بين التعهد والوعد
2- عدم النص على اى غرامة لتأخير الاقساط واستبدالها باى ضمانة للبنك كالرهن او افسخ التعاقد عند التأخر فى الدفع
3-تثبيت السعر فى العقد وعدم تغييره مع المدة او تحديدة بنسبة
4- ان يكون التأمين تأمين تكافلى شرعى
5-عدم احتفاظ البنك بملكية السيارو بعد البيع واستبدالها بحظر البيع طوال فترة السداد

هذا ما أذكره واعتقد ان معرض دايهاتسو فى شارع النصر بالمعادى يقوم بتقسيط مباشر مع العملاء دون وساطة بنك -لا اعلم هل هذا عبد اللطيف جميل او غيره
ان استطعتى ان تحضرى نسخة من العقد يمكننا مراجعتها والوقوف على شرعية المسألة باذن الله
والله الموفق

**أبو آسر** · 05-01-2014 01:18 PM

المشاركة الأصلية كتبت بواسطة essam assem

مصرف ابو ظبى الاسلامى تقسيط بنظام المرابحة ولة مناديب فى اغلب معارض السيارات الكبيرة
وبالتوفيق ان شاء الله

نصب في نصب
تقسيط عادي بنظام الربا مع تحايل وتلاعب بالألفاظ عن تجربة لم أوفق فيها بفضل الله

**hossam_elwani** · 05-01-2014 02:41 PM

المشاركة الأصلية كتبت بواسطة Eng_hatemfathy

جزاك الله خيرا على حرصك وتجنبك للحرام
من خلال بحثى انا ونقابة العاملين بشركتى والتى وصلت للدكتور نصر فريد واصل رئيس هيئة الرقابة الشرعية على بنك فيصل ومن خلال ادخال الدكتور على السالوس فى المسألة وصلنا لعدم وجود اى بنك يحقق التقسيط الشرعى بكل ضوابطه الا بنك فيصل فرع مدينة نصر فقط وهذا حينها "لا اعلم هل لا يزال يحافظ على تطبيق الوابط ام لا " وكان الهدف المراد تحقيقه فى العقد ما يلى :
1- امتلاك البنك للسيارة ملكية كاملة بما فيها الحيازة قبل اتمام عمليه البيع مع الاستغناء عن شرط (تعهد بالشراء) او استبداله بالوعد بالشراء الذى اباحه البعض للفارق القانونى والشرعى بين التعهد والوعد
2- عدم النص على اى غرامة لتأخير الاقساط واستبدالها باى ضمانة للبنك كالرهن او افسخ التعاقد عند التأخر فى الدفع
3-تثبيت السعر فى العقد وعدم تغييره مع المدة او تحديدة بنسبة
4- ان يكون التأمين تأمين تكافلى شرعى
5-عدم احتفاظ البنك بملكية السيارو بعد البيع واستبدالها بحظر البيع طوال فترة السداد

هذا ما أذكره واعتقد ان معرض دايهاتسو فى شارع النصر بالمعادى يقوم بتقسيط مباشر مع العملاء دون وساطة بنك -لا اعلم هل هذا عبد اللطيف جميل او غيره
ان استطعتى ان تحضرى نسخة من العقد يمكننا مراجعتها والوقوف على شرعية المسألة باذن الله
والله الموفق

بنك فيصل فرع مدينة نصر فقط

ليه جزر منعزله ولا كشك مستقل !!!!!!!!!!

الموضوع: التقسيط المباشر مع عبد اللطيف الجميل

LinkBack

أدوات الموضوع

عرض

-

-

-

-

المواضيع المتشابهه

انفراد ... nissan finances ... خدمة التقسيط المباشر من نيسان مصر

معلومات عن التقسيط المباشر مع غبور

ما هو التقسيط المباشر؟ وهل هو حرام ام حلال؟

التقسيط المباشر

الكلمات الدلالية لهذا الموضوع

المفضلات

المفضلات

ضوابط المشاركة