الموضوع: شايف الاوربى هيمسك سوق من تانى ؟

المشاركة الأصلية كتبت بواسطة hugan

هايزيد ويسمك سعر
بس علي صفحات نايل موتورز بس
مع الناس اللي لسه عايشه في احلام الاوروبي والياباني والكوري والصيني
الغير موجوده في الشارع او لدي المستهلك المصري

احلام الاوروبى واليابانى والكورى والصينى يا باشا هى فيه حاجة خمسة فى الشارع احنا مش شايفينها

المشاركة الأصلية كتبت بواسطة hosam_optrawy

مش شرط يمسك سوق او يبقى رقم 1 لان دا صعب جدا , بس هو فى تطور كبير فى المبيعات مقارنة بالكام سنه اللى فاتوا

الموضوع بدأ باللوجان , مع التحفظ انها ماتعتبرش أوروبيه , بس أهى تحمل شعار رينو , أهم اسباب النجاح هو السعر وطبعا الوكيل القوى بالإضافه لزهق الناس من الفيرنا واللانوس والخوف من تجربة الصينى

بداية نجاح وإنتشار الأوروبى فى رأيى بدأ بالفلوونس اللى أثبتت كفاءه فى ال 3-4 سنين اللى فاتوا وكانت من أكتر العربيات الأوروبى مبيعا فى فئتها نظرا لانها تعتبر أرخص عربيه أوروبى وتفادت مشاكل الميجان اللى ظهر بعضها فى أول الدفعات والباقى كانت إشاعات ولزقت فيها وضيعت سمعة وسوق العربيه

وفى نقطه مهمه كنت مأثره على مبيعات الأوروبى وتحديدا الفرنساوى بما إنه أرخص الاوروبى , عدم وجود موديلات سيدان ودى حاجه مهمه ومطلب أساسى للمستهلك المصرى اللى معظمه ملوش فى الهاتش باك

فلما تبص على بيجو وستروين ماكنتش هاتلاقى موديلات سيدان او كنت تلاقى موديل بيظهر ويختفى بسرعه زى ال 408 اللى كانت بتتقفل فى الصين وسعرها مش قليل وطبعا مانجحتش, او حاجات غاليه زى ال 508 وال c5

لكن السنه دى بنزول ال 301 وال elysee حصل طفره وهاتفضل مستمره على حسهم وخصوصا ال 301 مع أختهم الكبيره فلوونس والأغلى فى السعر شويه الأوبل أسترا

اما الجيتا والأوكتافيا فكان ليهم زبونهم زمان اما دلوقتى فشبه إنقرض بسبب إرتفاع الأسعار والمواصفات الغير المناسبه لبعض الناس زى الفتيس ال dsg المشكوك فيه حتى الان والتربو وشبح بنزين 95

واخيرا نتمنى من كل الشركات الأوروبى لو عندها موديلات كويسه بأسعار منافسه فأهلا وسهلا وكله فى مصلحة المستهلك

مش شرط يمسك ليه البيجو هتمسك ورقم 1 تقدر نقولها من دلوقت على فئتها السعرية

سياسة البيجو 301 والستروين دى داخله بيها علشان تنشر الماركة من تانى وهتتكتسح

بالنسبة للاوكتافيا نضم ليهم الامريكى زى الدودج التربو وشبح ال 95 لاخلاف عليه

بالنسبة للمستهلك فهو راكب اوربى دلوقتى وبتمنى الاوبل تلاقى توكيل محترم علشان الكورى يريح على الاخر