شايف الاوربى هيمسك سوق من تانى ؟

**atshe** · 05-01-2014 07:04 PM

بسم الله الرحمن الرحيم

السلام عليكم ورحمه الله وبركاته

كلنا اتكلمنا كتير ان الكورى اسعاره رفعت بدون داعى واستخفاف بالمشترى المصرى واكيد مترتب عليه اسعار قطع الغيار فى التوكيلات غير ضعف الجوده عن الاوربى

لازم نتفق ان فى مصر علشان العربية تقوم وتمسك سوق محتاجة توكيل محترم واسعار قطع غيار معقولة حد مختلف فى النقطة دى؟

وده نقدر نشوفه فى البيجو وعرضها لموديلات الجديدة زى ال 301 واسعار قطع الغيار المناسبة

والرينو لما بتنزل فئات زى السانديرو واللوجان وطبعا الوحش الفلوانس

وربنا يصلح حال الاوبل وتخرج من تحت ايد منصور علشان العربية تكتسح السوق

فالسؤال هنا

شايف ان الفترة اللى جاية للاوربى وهيمسك السوق من تانى؟

**rompo10** · 05-01-2014 07:42 PM

اكيد طبعا ونقدر نقارن السيراتو الشكل قبل الاخير وانتشارها بقوه والشكل الجديد اللي مش بنشوفه الا فين وفين وتراجه مبيعات البومه 2013 اللي هي نفس الشكل من 2005 تقريبا مع تغيرات بسيطه جدا والافيو اللي سعرها وصل 102 والفيرنا اللي وصلت 90 تقريبا مع كامل الاحترام لملام السيارات

**atshe** · 05-01-2014 07:49 PM

المشاركة الأصلية كتبت بواسطة rompo10

اكيد طبعا ونقدر نقارن السيراتو الشكل قبل الاخير وانتشارها بقوه والشكل الجديد اللي مش بنشوفه الا فين وفين وتراجه مبيعات البومه 2013 اللي هي نفس الشكل من 2005 تقريبا مع تغيرات بسيطه جدا والافيو اللي سعرها وصل 102 والفيرنا اللي وصلت 90 تقريبا مع كامل الاحترام لملام السيارات

كلامك سليم واحسن حاجة قولتها مع الاحترام لملاك السيارات

**J A G U A R** · 05-01-2014 07:51 PM

فى عربيات اوروبى هايبقى ليها سوق احسن من الكورى منهم فلوانس وبيجو 301 وسانديرو ولوجان وغيره

**abohend** · 05-01-2014 08:05 PM

المهم الوكلاء يبطلوا جشع
و الشركة الأم تتحكم في قرارات الوكيل شوية
الوكيل عايز يمد ايده في جيبك و ياخد اللي معاك بأي طريقة (مع إختلاف مستوى جشعهم)
اللي يرخص قطع الغيار يعلي المصنعية
يرخص الأجزاء الميكانيكية يعلي قطع الغيار الخارجية
و هكذا حلقة مفرغة يتأكد بيها إنه بياخد آخر مليم معاك
ربنا يرحمنا

**atshe** · 05-01-2014 08:19 PM

المشاركة الأصلية كتبت بواسطة abohend

المهم الوكلاء يبطلوا جشع
و الشركة الأم تتحكم في قرارات الوكيل شوية
الوكيل عايز يمد ايده في جيبك و ياخد اللي معاك بأي طريقة (مع إختلاف مستوى جشعهم)
اللي يرخص قطع الغيار يعلي المصنعية
يرخص الأجزاء الميكانيكية يعلي قطع الغيار الخارجية
و هكذا حلقة مفرغة يتأكد بيها إنه بياخد آخر مليم معاك
ربنا يرحمنا

المفروض فعلا كلامك صح واكبر دليل على كلامك منصور مع الاوبل موقع العربية فى مصر

**Silent~Dream** · 05-01-2014 08:31 PM

بيجو 301 - رينو فلوانس - اوبل استرا - بيجو 508 و غيرهم و غيرهم كل واحده فى فئتها بتتكلم عن نفسها و بتقول انا اهو الى بيحسبها صح هيختار الصح والى ماشى حسب الموروث القديم براحته يروح يشترى كورولا 2006 ب 140 الف ولا يشترى عربيه تانيه متسواش حاجه اهم حاجه يكون مقتنع انها تساوى المبلغ الى هيدفع فيها وبعدين الحمد لله الواحد عايش وشاف الفيرنا الكامله ب 92 الف ولا الضفدعه الكامله ب 100 الف اهم حاجه بس تلاقى فيها حامل اكواب و باقى الكماليات دى