<<< أخيراً إكتشاف السبب الرئيسي لمشاكل فتيس dsg >>>>

**mo7a_mo7a** · 06-01-2014 09:05 PM

المشاركة الأصلية كتبت بواسطة hany63

مشكور على الجهد
بس تصحيح فتيس الباسات كان عامل ٨٢ الف لما كانت العربيع ب ٢١٠ الف يعني خراب بيوت من الاخر

السعر المذكور سعر الميكاترونكس والبادي فالف مش الفتيس كامل

المشاركة الأصلية كتبت بواسطة hossamalsadik

يعنى الحل فى الزيت المعدنى تقصد او صناعة البادي فالف اكثر صلابه
طيب ده يتعمل ازى

سبب المشكلة تصميم وصناعة جسم البادي فالف
الحل ايه ؟؟ الله اعلم
هل الزيت المعدني حيفيد؟؟ مش مؤكد حتي الان لكن محتمل يفيد

المشاركة الأصلية كتبت بواسطة crazydeepman

اولا بشكرك على عرضك للمشكله و تتبعها حتى ايجاد حل
السؤال الاهم انت شغال في التوكيل او المجموعه نفسها لانك لو لأ تبقى كارثه في حقهم انهم معندهمش معلومه. بواحد زيك ممكن يساعدهم..مفكرتش تراسل الشركه؟؟؟

أولا انا ملقتش الحل لسة ادعيلنا نلاقيه
ثانيا انا مش بشتغل في التوكيل او المجموعة

ثالثا : ابعتلهم ليه؟

المشاركة الأصلية كتبت بواسطة moratoz

سرد ممتاز لتطور المشكله حاول توصل وجهه نظرك لفولكس يمكن المشكله تتحل علي ايدك

وابعتلهم ليه؟؟ مفيش اي سبب يخليني ابعتلهم!

المشاركة الأصلية كتبت بواسطة engahmedsayed

الله ينور بجد ياموحا شغل عالى
و اللى انا فهمته من كلامك انى المشكلة بتتلخص فى ثلاث اقسام

القسم الاول التصميم
و التصميم الخاطئ للفتيس يؤدى الى الاهلاك فى فترة قصيرة و فشل وحدة الميكاترونكس

القسم الثانى الصناعة
و هو عدم صقل القنوات و الاسطح الداخلية لبادى فالف بطريقة غير كفاية و ذلك يؤدى الى ارتفاع معامل الاحتكاك
و بالتالى زيادة تأكل الاسطح الداخلية مع بعضها البعض

القسم الثالث الزيت
استخدام زيت معدنى بدل من زيت تخليقى بناء على طريقة التصنيع الخاطئة

هقولك على حاجة و بتأكد كلامك و تثبت انى فهمت كلامك
بخصوص التعامل مع الاجزاء الميكانيكة اللى بتعمل بنظام الضغوط مثل النظام الهيدروليك او نظام الفتيس الاتوماتيك
و فى الحالتين بيعملو على ضغوط الزيت بمقيسس مختلفة و بناء على سرعة و جريان و انسياب و تدفق الزيت
بيبقى مطلوب من الزيت هنا مش التليين او منع الاحتكاك لالالالالالالالالا
بيبقى مطلوب من الزيت تحمل الضغوط العالية و تحمل درجات الحرارة الناتجة عن عملة الانضغاط و بالتالى بيبقى فى وحدات هيدروليك بيبقى فيها مبردات زيت لتبريده

لانه هنا بتكون الاسطح الداخلية للبساتم ملساء جدااااااااا و معمل الاحتكاك بيكون ضعيف جدااااا و بيرعى ذلك فى عملية التصنيع فا مش بيحتاج زيت تليين الاجزاء الداخلية

مجهود رائع منك يا موحا
و شوف كدة انا فهمتك و له لالالالالالالالالالالالال الالالا

بالتوفيق ان شاء الله

ربك المستعان

بسم الله ما شاء الله
يا باشا ايه الكلام الكبير ده
دا انا معرفتش اقوله

اما بالنسبة لعارفين ولا مش عارفين
انا معرفش ومش مهتم أعرف
والمشكلة دي ممكن تتطول معانا شوية

الحل في رايي ان الضمان يتم تمديده علي الفتيس لمدة 10 سنوات

المشاركة الأصلية كتبت بواسطة المنسي

السؤال بقى هل شركة فولكس متعرفش الكلام ده ولا عارفين ومطنشين ودى استبعدها لسبب انهم بيعملو استدعاء للعربيات اللى فيها مشاكل ... اما نشوف اخرتها معاهم ايه

ادينا قاعدين ومستنيين ربنا يدينا ويديك طول العمر
قول امين

**mo7a_mo7a** · 06-01-2014 09:18 PM

خالص شكري وامتناني لكل الاعضاء الكرام والاصدقاء الاعزاء
اللذين اثرو الموضوع بمشاركاتهم وابدوا اعجابهم ما كتبت

خالص تحياتي

**mo7a_mo7a** · 06-01-2014 09:18 PM

خالص شكري وامتناني لكل الاعضاء الكرام والاصدقاء الاعزاء
اللذين اثرو الموضوع بمشاركاتهم وابدوا اعجابهم ما كتبت

خالص تحياتي

**mo7a_mo7a** · 08-01-2014 06:01 PM

المشاركة الأصلية كتبت بواسطة anxs111

موحا باشا ، مشكور ولكن اسمحلي أتسائل وأرجو أنك تكون صبور ...
هل تخصص حضرتك ميكانيكا ....لو كدة ممكن أقبل كلامك لو هو رأي شخصي وأن كان الموضوع محتاج تجارب عمليه أرجو أنك تكون عملتها ...
لو تفسيرك بناء علي نظريات واستنتاجات يبقي دة مش أكتشاف دة يعتبر تفسير نظري يحتمل الصواب والخطأ ...
لو بعد كل داه حضرتك مقتنع ومتيقن من وجهة نظرك يبقي تخاطب فولكس فاجن وتتناقش معاهم وممكن تعمل معاهم أبحاث علميه وداه هيكون فيه فايدة كبيره ليك ألا إذا كانوا هما عارفين وبيستهبلو عشان يوفروا التكلفه ......
موفق إن شاء الله ...

أولا اهلا وسهلا بحضرتك منور الموضوع
ثانياً حضرتك تقدر تقبل او ترفض اللي انا كاتبه بكل حرية
ثالثاً المعلومات المذكورة نتيجة بحث دام 3 أشهر تقريبا باستخدام معلومات موثقة وبيانات رسمية غير رسمية
رابعاً بردو انا مش مضطر ابعت لفولكس.. ابعتلهم ليه؟

مش شايف اي سبب يخليني ابعتلهم!

اهلا بحضرتك مرة ثانية

تحياتي

**طارق _عبد السلام** · 09-01-2014 02:09 AM

وده التفسير الوحيد لتوصيتهم باستخدام زيت معدني بدل التخليقي لان الزيت المعدني مش نقي اوي وحيعمل تغطية داخلية وسنفرة وممكن يحسن الاداء وكمان حيتغير علي فترات قليلة

موضوع ماشاء الله قريته اكتر من مره لكن كل مره اقف عند الاقتباس ده
ان الزيت المعدنى مش نقى وهيعمل سنفره (يعنى تآكل اسرع)!
بكده المشكله تزيد والخلوص بين الفالف والبادى يزيد مع التشغيل والحراره وفائده الضغط الهيدروليكى للفالف هتقلل كفائه الانضغاط وبكده الفتيس يهيس اكتر

**Moratoz** · 09-01-2014 02:26 AM

انا عندي فقط تعليق صغير وهو ان هدف اي بحث هو الاستفادة من النتائج التي تم التوصل اليها ومحاوله تطبيقها في ارض الواقع علشان كده إحنا كنا متحمسين ان يتم مراسله فولكس بما توصلتم اليه حتي يمكن التجربه والتطبيق ومن ثم الاستفادة من الجهد المبذول في البحث عن حلول والا تحول الأمرالي نظريات فقط دون الإمكانيه لتطبيقها او معرفه مصداقيتها لإيجاد حل للمشكله
و مرة أخري اود شكر سيادتكم علي ما بذلتموه من جهد وحسن سرد للموضوع
تحياتي

-

الموضوع: <<< أخيراً إكتشاف السبب الرئيسي لمشاكل فتيس dsg >>>>

LinkBack

أدوات الموضوع

عرض

-

-

-

-

-

المواضيع المتشابهه

سكودا الصين تستدعى سياراتها المباعة لمشاكل فى فتيس dsg

للبيع شقتين علي شارع ابراهيم عبد الرازق الرئيسي والخمسين الرئيسي.

إكتشاف جديد

من السبب الرئيسي في المشاكل في العالم‏

#### السبب الرئيسي في انقلاب السيارات ####

الكلمات الدلالية لهذا الموضوع

المفضلات

المفضلات

ضوابط المشاركة