الموضوع: بتغسل عربيتك كام مرة فى الشهر !

المشاركة الأصلية كتبت بواسطة Silent~Dream

يا راجل غسيل ايه كبر مخك و ده جو ولا حال بلد الواحد يغسل العربيه و يلمعها ويديها وش بولش و الذى منه و يعمل التمام و يصرف قد كده و تجى تمشى فى شويه مياه مطر واقفين عشان البلاعات مسدوسه ولا مسوره ضاربه ولا فى طينه و حد كان بيعمل طراوه ادام محله و لا بيته ولا نلمعها عشان تحلو فى عين الحراميه الى عمالين يلفوا زى القمر الصناعى مش بيتهدوا و سرقات عينى عينك ولا عين الحسد الى العربيه بتاخدها لما بتلمع و بتبرق كده ( رغم ان من الاساسيات ان العربيه تكون نضيفه و بتلمع و مفيهاش حتى خربوش بس ابتسم انت فى مصر )

بص ياباشا انت جبت من الاخر بصراحة وهاحكيلكوا على موقف فى مرة كنت بغسل عربيتى وكانت لسة جديدة والواد الى بيغسل تحس انة عندة نوع نادر من كهن الفلاحين هههههههههههههههههههههههه
مسك الوطة وهوة بينشف ووقف تماما عن التنشيف وقالى اللون الاسمر دة ياباشا لما العربية تتغسل بيبقى حكاية طبعا بلكنة فلاحى بردة

افتكر ان اليوم دة واللة العربية راحت البيت على ونش كان سرة باتع ابن اللعيبة

غسيل السياره من اسفل يعنى العفشه وخلافه هام خصوصا بعد الامطار او كل شهرين من الطينه اللى بتبقى ملتصقه باسفل السياره ... الموتور بالفوم وبنفسك بعد تنظيفه بالهواء المضغوط في البتزينه ... ومن الداخل بنفسك ... ودمتم .

المشاركة الأصلية كتبت بواسطة silent~dream

يا راجل غسيل ايه كبر مخك و ده جو ولا حال بلد الواحد يغسل العربيه و يلمعها ويديها وش بولش و الذى منه و يعمل التمام و يصرف قد كده و تجى تمشى فى شويه مياه مطر واقفين عشان البلاعات مسدوسه ولا مسوره ضاربه ولا فى طينه و حد كان بيعمل طراوه ادام محله و لا بيته ولا نلمعها عشان تحلو فى عين الحراميه الى عمالين يلفوا زى القمر الصناعى مش بيتهدوا و سرقات عينى عينك ولا عين الحسد الى العربيه بتاخدها لما بتلمع و بتبرق كده ( رغم ان من الاساسيات ان العربيه تكون نضيفه و بتلمع و مفيهاش حتى خربوش بس ابتسم انت فى مصر )

قلت ال في باللي بالضبط
كل ما العربية تلمع كل ما فرصة انها يحصلها حاجة بتزيد :)

كل شهرين تلاته :d
حرام اصلآ اغسلها وتانى يوم الاقى نفسى ماعملتش اى حاجه والاقى نفسى ضيعت الفلوس على الفاضى انا مرتبى كام علشان اغسلها ب 400 جنيه كل شهر
واحط بنزين بزيهم واعمل صيانه فى كام فى الشهر ؟
لا طبعآ على الاقل لو غسلتها مرتين فى الشهر بالكتير هدفع 30 جنيه بالظبط حلوين اوى ولا بولش ولا مش بولش انا جايب العربيه اركبها مش حاجه تانيه :d

انت جيت عند اكتر حاجة خنقاني غسيل العربية خاصة انها لسه جديدة
انا بغسل العربية في الجراج دايما مودتهاش البنزينة الا لما كنت لسه جايبها جديد بعد كده بغسلها في الجراج دايما بس المشكلة ان العربية لونها اسود شوية تراب بيظهروا فيها علي طول
فبغسلها كل اسبوعين مرة وبتتمسح كل يوم الصبح وانا خارج والحمدلله علي كده