مترو الانفاق» يمر بالزمالك دون انشاء مخارج للمحطة بسبب رفض سكان الحى

**toty_305** · 11-01-2014 11:25 PM

-الشعب (أ) بينفسن على الشعب (ب) و الشعب (ج) مطحون في الهموم #مفيش_أمل

**Angel_wolf** · 12-01-2014 01:31 AM

المشكلة مع بتوع الزمالك مش وجود محطة من عدمة هى ولا بتفرق معاهم

المشكلة فى توابع محطة المترو وهى

1- مكروباصات واقفة عندها تحمل لاى حتة

2-البايعين اللى لازم يبقوا موجودين عند كل محطة مترو (تحس ان شركة المترو بعد لما تخلص بتنزلهم على باب المحطة)

3-ممكن ولاول مرة تلاقى توك توك بيقلك مترو زمالك

اضمن ان كل دة ميحصلش واعمل محطة براحتك الزمالك من المناطق الراقية و اللى لسة نضيفة ومحترمة ومتحافظ عليها

واحنا للاسف بنحامى للهمجية كتير يعنى مثلا لو جم البياعين يقفوا على باب المحطة يببعوا امشاط وفليات واندر غيارات

وجت الحكومة شالتهم هتلاقى اخ فاضل يجى يقلك ما ذنب الفقراء اللذين يعشون على بيع الغيارات

سبحان الله يا خى يعنى هما اكشتفوا حبهم لفكتوريا سكرت لما المحطة فتحت

للعلم الناس اللى هتتهمنى بالعنصرية انا وربنا مش ساكن هناك بس انا عارف توايع المشاريع الاهمال المصرى

**S O P H O S** · 21-01-2014 12:57 PM

عايزين يعيشوا فهدوء

**M.ABDOU** · 30-01-2014 01:17 PM

المشاركة الأصلية كتبت بواسطة angel_wolf

المشكلة مع بتوع الزمالك مش وجود محطة من عدمة هى ولا بتفرق معاهم

المشكلة فى توابع محطة المترو وهى

1- مكروباصات واقفة عندها تحمل لاى حتة

2-البايعين اللى لازم يبقوا موجودين عند كل محطة مترو (تحس ان شركة المترو بعد لما تخلص بتنزلهم على باب المحطة)

3-ممكن ولاول مرة تلاقى توك توك بيقلك مترو زمالك

اضمن ان كل دة ميحصلش واعمل محطة براحتك الزمالك من المناطق الراقية و اللى لسة نضيفة ومحترمة ومتحافظ عليها

واحنا للاسف بنحامى للهمجية كتير يعنى مثلا لو جم البياعين يقفوا على باب المحطة يببعوا امشاط وفليات واندر غيارات

وجت الحكومة شالتهم هتلاقى اخ فاضل يجى يقلك ما ذنب الفقراء اللذين يعشون على بيع الغيارات

سبحان الله يا خى يعنى هما اكشتفوا حبهم لفكتوريا سكرت لما المحطة فتحت

للعلم الناس اللى هتتهمنى بالعنصرية انا وربنا مش ساكن هناك بس انا عارف توايع المشاريع الاهمال المصرى

حضرتك اللى انت بتقوله ده زى اللى عنده سخونه وبيعالج السخونه ومش بيعالج اساسها

الاساس انك تشيل كل الباعه المتجوليين مش فى محطه الزمالك بس لا فى كل المحطات

وساعتها ولا الزمالك ولا غيرها حيكون شكلها وحش ولا فى همجيه

لكن المصلحه العامه المفروض تعلى عن المصالح الخاصه

واكيد اكييييييد ده مش فى مصر

**ayman20100** · 30-01-2014 04:40 PM

الخبر ده سبق وقريته من فترة كبيرة وكان قمة في الاستفزاز
الاستفزاز مش بس في العنصرية الفارغة
الاستفزاز في اهدار المال العام ومحطة كاملة موجودة وتخطيط وتصميم وانشاء ومصاريف وما تتفتحش عشان البشوات
الاستفزاز ان الناس هناك مش فارقة معاهم المحطة رغم ان عندهم سواقين وشغالين وبوابين وعمال محلات وموظفين شركات محتاجينها وكلهم بيخدموهم
الاستفزاز انهم وقفوا المحطة وخدمة موجودة في وقت ناس مش لاقيه مايه ولا طريق ولا مواصلات ولا سكن ادمي وعملوا مليون مظاهرة ومليون وقفة ولا حد عبرهم مش عشان مش حقهم لاء عشان غلابه
الاستفزاز بجد انهم مش هيزيلوا مباني زي ما حصل في محطات كتير
الاستفزاز بجد ان المترو هيقلل الزحام هناك وهيوفر وقت وخدمات
الاستفزاز انك وقفت محطة مترو قانونية لادعائك انك مش هتمنع المظاهر الغير قانونية

الموضوع مش بس مستفز الموضوع قمة في الاستفزاز

ولو بعد ده كله لسه البيه معترض طيب ما الكمبوند مالي مصر دلوقتى اي كمبوند اختاره وروح اسكن فيه او قطعة ارض على الصحراوي وارحم الغلابة من تقل مجاورتك

الرسول قال اماطة الاذى عن الطريق صدقة وسيدنا عمر قال لو تعثرت دابة في العراق لسئلت يوم القيامة عنها لم لم امهد لها الطريق في الوقت الى الناس بتحط فيه العقبات في الطرق ووسائل النقل وبتتباهي بذلك

ارحموا من في الارض يرحمكم من في السماء

**Angel_wolf** · 31-01-2014 11:31 PM

حضرتك اللى انت بتقوله ده زى اللى عنده سخونه وبيعالج السخونه ومش بيعالج اساسها

الاساس انك تشيل كل الباعه المتجوليين مش فى محطه الزمالك بس لا فى كل المحطات

وساعتها ولا الزمالك ولا غيرها حيكون شكلها وحش ولا فى همجيه

لكن المصلحه العامه المفروض تعلى عن المصالح الخاصه

واكيد اكييييييد ده مش فى مصر

لحد لما تعرف تلاقى حل للبياعين فى كل المحطات خلى محطة الزمالك مقفولة دة لو حضرتك عاوز تعالج السخوة والحرارة اوجد عمل ليهم قبل ما تمشيهم واضمن عدم وجود غيرهم