انا بكشف عن المخالفات ع النت لقيتها 1000 جنيه معرفش ازاى ده انا لو ماشى عكس ع المحور مش هتتطلع كده
كلمت واحد يعرف حد فى المرور قالى مش عليك مخالفات بس انا خايف يكون كتب رقم غلط ولا حاجه
حد جرب حوار النت ده قبل كده
عرض للطباعة
انا بكشف عن المخالفات ع النت لقيتها 1000 جنيه معرفش ازاى ده انا لو ماشى عكس ع المحور مش هتتطلع كده
كلمت واحد يعرف حد فى المرور قالى مش عليك مخالفات بس انا خايف يكون كتب رقم غلط ولا حاجه
حد جرب حوار النت ده قبل كده
العبد لله سوابق .. من عدة سنوات كشفت على رخصة السيارة على النت ووجدت مخالفتين فى مكانين مختلفين لم أذهب إليهما من قبل .
وعند تجديد الرخصة وجدت المخالفتين بنفس القيمة المعلن عنها على النت .. ودفعت غصبا عن إللى خلفونى وماكانش فيه تظلم لأن قيمة المخالفة كانت الحد الأدنى وليس الأقصى .
طبعا النت مالوش دعوة بصحة المخالفة أو عدم صحتها .. حسبى الله ونعم الوكيل فى السبب فى تحميلى تلك المخالفات ظلما وزورا .. تلاقى واحد ربنا يجازيه لاعب فى رقم اللوحة عنده علشان المخالفة تلبس فى أى حد غيره :untitled 1:
بعد كده كنت أكشف على المخالفات على النت كل مره قبل ما أروح أجدد منعا للمفاجآت علشان أكون عامل حسابى فى الفلوس وما كانش بتظهر مخالفات ، والحمد لله فعلا ما كانش بيبقى فيه مخالفات عند التجديد .. يعنى الموضوع عن تجربة صح وحقيقى .
ولكن ممكن تجد فى بعض الأحيان تاريخ المخالفة إللى بتظهر لك بتكون قبل تاريخ التجديد السابق مثل ما حدث معى .. وعندما طلبت أعمل شكوى لهذا السبب قالوا إن المخالفة ممكن تتأخر فى التسجيل على السيستم وممكن تتأخر فى التسجيل فى الملف فتكون النتيجة إنك ممكن تجدد الرخصة من غير ماتلاقى مخالفات ولكن فى المرة إللى بعدها حتظهرلك .. يعنى حتدفع حتدفع .. آجلا أو عاجلا .
ربنا يكفينا جميعا شر المخالفات
وتقبل تحياتى ،،،
المخالفه على النت بتبقى مظبوطه
كل اللي بتظهر مخالفاته على النت يا جماعه بيبقى مقدم طلب في المرور ولا ايه؟ كل ماجي اكشف على المخالفات يقولي رخصتك غير مسجله في النظام وقدم طلب في نيابه المرور.
فعلان النت مظبوطة 100% لا مفر ابدا
هذا الموضوع بدون طلب .. ولكن يرجع إلى أنه لم يتم إدخال بيانات كل السيارات لكل إدارات المرور على مستوى الجمهورية ضمن قاعدة البيانات .. الموضوع بيتم تدريجيا .. وقد بدأت التجربة بعدد محدود من إدارات المرور بالقاهرة والجيزة وسيتم التعميم مستقبلا ليشمل كل إدارات المرور تدريجيا.
بتكون سليمه ونفس مكان المخالفه
بيطلع في شهاده المخالفات
بتكون مظبوطة غالبا
بتكون مظبوطة لان هى اللى انت بتشوفها فى النت هى اللى متسجلة فى نيابة المرور اخر مرة كنت طابع المخالفات معايا الموظف شافها تنح و بيسألنى جبتها منين وكان عاوز ياخدها
...هى المخالفات بتبقى متسجلة و متسجل الحد الادنى ودة اللى هايقولولك ادفعة ماتدفعش وقدم تظلم ممكن وكيل النيابة يخفض تانى او بيلغى بنود من المخالفة تانى
طيب واحد زميلي بيقولي شوفت مخالفاتي لقيتها 635
قولت لما اشوف انا كمان لقيت عليا مخالفا بنفس الرقم 635
هل دي صدفة
ثانيا انا بشوف الرقم الكلي لكن مفبشوفش تفاصيل المخالفة
السنة الي فاتت فضل شهور يقولي 310 مخلفات
ولما روحت ملقتش حاجة