محتار بين السبورتاج والاى اكس ولكن في النعومة على المطبات :)

السلام عليكم ورحمة الله ،،،


الحقيقة انا عضو جديد ودي اولى موضوعاتى .. وان شاء الله ماتكونش الاخيرة :)


انا كنت داخل المنتدى بعمل مقارنة بين الكيا سبورتاج وبين الهيونداي ix35
واهم حاجة عندي المرونة والنعومة في المطبات لانى عندى انزلاق غضروفي
والجميع بيخوفنى من العربيات العالية عموما وتأثيرها على الضهر في المطبات

محتاج اعرف الرأى عن تجربة ..

مع العلم انى معايا النترا 2008 والصراحة ماتعبتنيش في صيانة ولا قطع غيار
وكانت زي الفل .. بس بهدلتني لنها واطية جدا هههههههههههههه

انا كنت حاطط المقارنة اكبر من كدة معاهم القشقاي والسوبارو اكس فايف
وكمان الداستر كانت عجباني جدا جدا بس للاسف مفيش منها الا مانيوال
وانا تعب طهري مأثر على رجلى وماينفعنيش المانيوال

اما القشقاي فأصغرهم وانا عائلتي بسم الله ماشاء اله كبيرة ومحتاج عربية 5افراد مستريحين
اما السوبارو فواحد صاحبي لسه جايبها وبيشكر فيها .. والجميع مجمع انها محترمة ولكن لابد ان
تكون على قدر رفاهيتها بمعنى ممكن تتعب في التوكيل - قطعالغيار - اى حاجة لازم في التوكيل
ودة صديقى قالهالى مش عارف يركب شاشة دي في دي الا فى التوكيل عشان كهربتها مش اى حد يشتغل فيها

المهم استقريت وحصرت المقارنة فى الاي اكس والسبورتاج

منتظر ردكم أكرمك الله لانى مستعجل عشان عاوز اخلص قبل معاد تجديد العربية اللى معايا :)

شكرا مقدما للجميع

العربيتين تقريبا واحد فى كل القطع الداخلية
الاختلاف فقط فى الشكل
فبكده الموضوع راجع لارتياحك الشخصى لمين اكتر
انما كشكل اعتقد ال I x 35 شكلها احدث و اجمل
انما كتوكيل اعتقد توكيل كيا افضل

الاثنين وجهين لعملة واحده زي ما سبق وقلت لحضرتك

خليك فى السبورتاج علشان انتشارها اكتر

ال اي اكس
عامله شغل عالي جدا
تخطت السبورتاج في الفتره الاخيره بمراحل
عربيه رائعه
استخدمتها يوم كامل
بالنسبه لاتساعها العربيه ماشاء الله واسعه جدا اوسع من القشقاي

أنا أرى أن الهيونداي أحدث وأشيك وبدأت الانتشار بكثرة .. لكن سيظل توكيل الكيا أفضل .. والله أعلم.

كيا سبورتاج .. الصفقة الرابحة في فئة الـSUV | التوكيل

للشهرة
‫كيا سبورتاج 2011 vs هيونداي توسان 2013‬‎ - YouTube

ix35

طالما حضرتك بتدور علي النعومه و الراحه فخيارك هو ال ix35
هو اي نعم العربيتين واحد تقريبا بس من خلال تجربتي لقيت ان ال ix انعم و اريح من السبورتاج و ان كان الفرق مش كبير
و عموما الاتنين مش بنشوفيه ال suv العاديين خالص و يميلو للعربيات السيدان عن ال suv

السلام عليكم ورحمة الله

بداية شكرا لكل اخواني اللي اتفضلوا بالرد واعطاء النصيحة

انا محتار بقالي فترة بين الاتنين والله وخلاص مهم جدا اخد قرار لاني بعت عربيعتي وحيلمها بعد يومان
انا كنت استقريت علي الاي اكي لاني ركبت الاتنين وحسيت ان الاي اكس اوسع مش عارف ليه مع ان الابعاد واحدة تقريبا. . انا ميتقر ان شاء الله علي الفئة التانية بس اتحيرت تاني لما لاقيت في المواصفات ان الاسبورتاج ومن اول فئة فيها اربع حاجات مهمة مش موجودين في الاي اكس
بعني مكن اجبب الفئة الاولي من السبورتاج بدل الفئة التانية من الاي اكس
واوفر حوالي 13 الف علي الاقل..!

اولا epd نظام توزبع الفرامل
ثانبا cbc نظام امان الفرامل في الملفات
ثالثا بلوتوث في طارة السيارة
رابعا فتحات تكييف للمقاعد الخلفية


ودة زود حيرتي جدا جزا بعد ماكنت استقريت خلاص
خاصة موضوع النظامين اللي في الفرامل بتوع الامان دول

حد يفيدنا با رجالة من اخوانا الفاهمبن.. الفرق كبير والا عادي
افادكم الله

انا شغال في العربيات وبقولك تلفئه الثانيه ix35 افضل بكتير من الاسبورتاج وهي عامله فى الطارق مول العرب 224 الف
وبتزيد عن الفئه الاولي في الاسبورتاج
نصف فرش جلد
جنط 17
سخانات كراسي امامي وخلفي
تكييف اوتو دوال زوون
مرايه تعتيم
البيبان متبطنه جلد مشبلاستيك زي الاسبورتاج اول فئه
مرايات ضم كهرباء واشارات مرايات
ينقصها فقط البلوتوث
ولكن اداء ونعومه افضل من الاسبورتاج وكمان اعلي عن الارض

اقتباس:

---

المشاركة الأصلية كتبت بواسطة memo823000

انا شغال في العربيات وبقولك تلفئه الثانيه ix35 افضل بكتير من الاسبورتاج وهي عامله فى الطارق مول العرب 224 الف
وبتزيد عن الفئه الاولي في الاسبورتاج
نصف فرش جلد
جنط 17
سخانات كراسي امامي وخلفي
تكييف اوتو دوال زوون
مرايه تعتيم
البيبان متبطنه جلد مشبلاستيك زي الاسبورتاج اول فئه
مرايات ضم كهرباء واشارات مرايات
ينقصها فقط البلوتوث
ولكن اداء ونعومه افضل من الاسبورتاج وكمان اعلي عن الارض

---

اكرمك الله اخى الفاضل

طيب بالنسبة ل
اولا epd نظام توزبع الفرامل
ثانبا cbc نظام امان الفرامل في الملفات

انا اعرف ان دول عوامل امان مهمة للفرامل والاتزان
هل دول فيه مايعوضهم في الهيونداي ؟ والا مميزات الهيونداى التانية ؟

اسف لتعبك

المعلومات اللي عندي من عملا جربت العربيتين ان فرامل ال ix35 من اقل لمسه
واعتقد ان نظام الفرامل واحد في العربيتين بس مشمتاكد

فعلا ال cbc مهم طبعا , واتاكد انه موجود فى ال ix
بس اكيد ال ebd موجود فى ال ix

اقتباس:

---

المشاركة الأصلية كتبت بواسطة memo823000

المعلومات اللي عندي من عملا جربت العربيتين ان فرامل ال ix35 من اقل لمسه
واعتقد ان نظام الفرامل واحد في العربيتين بس مشمتاكد

---

للاسف المواصفات الرسمية للاي اكس مش جايبة سيرة موضوع الفرامل دة خااالص الا ان فيه aps
والمفروض للاهمية ال epd انه يتذكر لو موجود !!!

تسلم اخى الكريم على الاهتمام بالرد

اقتباس:

---

المشاركة الأصلية كتبت بواسطة blazer

فعلا ال cbc مهم طبعا , واتاكد انه موجود فى ال ix
بس اكيد ال ebd موجود فى ال ix

---

للاسف يا اخى الفاضل
المواصفات الرسمية اللى علي موقع هيونداى واللي نشرنها الاخوة هنا مفيهاش ذكر خالص سواء بتاسلب او الايجاب بوجود او عدم وجود ال اي بي دى او السي بي سي :dumb:

بس كل الناس بتقول ان نظام الفرامل واحد في الاتنين ومش منطقي يبقي فيه اي بي دى في الكيا مع الايه اس بي ومفيس الاي دي بي ..
ممكن السي بي سي يكون مش موجود في الهيونداى بس يقابلة ان فراملها وثباتها افضل ومش محتاج ..

للاسف مش قادر احسم الامر دة

شكرا لمرورك ومشاركتك

الحمد لله تم شراء الاي اكس 35 بعد تفكير واستخارة
وتم الاستلام والترخيص يوم الخميس الماضي


والان اقوم بتجربتها وتلينها وان شاء الله خير :)
و كنت عاوز اركب كاميرا خلفية وعتب ووحدة رفع وزنون للفوجات

مش عايز اجيب اى حاجة ومستنى اعرف اكسسوارتها بتتباع فين

شكرا لتعبكم جميعا ،،،

الف مبروك يا أستاذ .. حسن .. ربنا يبارك لك فيها ويديك خيرها ويكفيك شرها .. لكن انا اعرف ان في موديل معدل الكشافات الامامية زنون ، المفروض يعرض في هذا الشهر .. ايه اخباره ؟؟

رجاء .. نحن في انتظار تقرير عن السيارة في اقرب وقت .. وربنا يبارك لك فيها
؟؟

اقتباس:

---

المشاركة الأصلية كتبت بواسطة ahmed khafagy

رجاء .. نحن في انتظار تقرير عن السيارة في اقرب وقت .. وربنا يبارك لك فيها
؟؟

---

اهلا استاذ احمد ..

والله انا اشتريت وخلاص بقى لو فيه تعديلات يبقى لصاحب نصيبها اللى لسه هيشتري :)

بالنسب للعربية انا لسه مكملتش الالف الاولى بس مبدئيا هى ممتازة من وجهة نظرى حتى الان

حعمل الصيانة الخاصة بالالف واقولكوا اية الاخبار

تحياتي،،،

مبرووك

الف مبروك يا باشا .. و مستنيين التقرير .. هو اختيار جرئ .. ربنا يكفيك شرها ان شاء الله

اخبار ال 135 حصان ايه ؟؟؟ بالنسبة لحجم السيارة .. رجاء الافادة ؟؟

يا تري يا استاذ حسن اللي معاك الفيس لفت و لا القديمه
اصلي شفت الفيس لفت عند الطارق و مش عارف هي نزلت رسمي و لا هو جايبها كده

مبروك يا باشا وربنا يباركلك فيها ......

FaceLift موجودة بالسوق من شهر تقريبا .

تقرير مختصر عن IX 35 Full Loaded الفئة الاعلى ..

املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..

1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- كاميرا خلفية .. ممتازة
12- مثبت سرعة
13- مرايات كهربائية خارجية قابلة للطي
14- مراية كهربائية داخلية للتعتيم
15- جنوط سبور 17
16- التشغيل باللمس
17- المفتاح الذكي
18- استهلاك البنزين .. جيد جدا
19- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
20- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
21- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟

هذه وجهة نظري الشخصية .. اما بالنسبة للسيارات الأخرى .. الله اعلم

مع تحياتي ..