اخبار الهيونداي ix35 اية وعفشتها على المطبات ؟

**حسن عبد الحليم** · 06-01-2014 05:35 PM

السلام عليكم ورحمة الله ،،،

الحقيقة انا عضو جديد ودي اولى موضوعاتى .. وان شاء الله ماتكونش الاخيرة :)

انا كنت داخل المنتدى بعمل مقارنة بين الكيا سبورتاج وبين الهيونداي ix35
واهم حاجة عندي المرونة والنعومة في المطبات لانى عندى انزلاق غضروفي
والجميع بيخوفنى من العربيات العالية عموما وتأثيرها على الضهر في المطبات

محتاج اعرف الرأى عن تجربة ..

مع العلم انى معايا النترا 2008 والصراحة ماتعبتنيش في صيانة ولا قطع غيار
وكانت زي الفل .. بس بهدلتني لنها واطية جدا هههههههههههههه

انا كنت حاطط المقارنة اكبر من كدة معاهم القشقاي والسوبارو اكس فايف
وكمان الداستر كانت عجباني جدا جدا بس للاسف مفيش منها الا مانيوال
وانا تعب طهري مأثر على رجلى وماينفعنيش المانيوال

اما القشقاي فأصغرهم وانا عائلتي بسم الله ماشاء اله كبيرة ومحتاج عربية 5افراد مستريحين
اما السوبارو فواحد صاحبي لسه جايبها وبيشكر فيها .. والجميع مجمع انها محترمة ولكن لابد ان
تكون على قدر رفاهيتها بمعنى ممكن تتعب في التوكيل - قطعالغيار - اى حاجة لازم في التوكيل
ودة صديقى قالهالى مش عارف يركب شاشة دي في دي الا فى التوكيل عشان كهربتها مش اى حد يشتغل فيها

المهم استقريت وحصرت المقارنة فى الاي اكس والسبورتاج

منتظر ردكم أكرمك الله لانى مستعجل عشان عاوز اخلص قبل معاد تجديد العربية اللى معايا :)

**محمد بدر** · 06-01-2014 06:17 PM

والله انا حاسس بيك كان الله في عونك

**حسن عبد الحليم** · 07-01-2014 01:48 PM

المشاركة الأصلية كتبت بواسطة محمد بدر

والله انا حاسس بيك كان الله في عونك

ربنا يبارك فيك ا/ محمد
وانا عاجز عن الشكر والله لتعبك ووقتك اللي قضيته معايا في مكالمة تشرحلي تجربتك :)

جزاك الله خيرا اخي الكريم

**حسن عبد الحليم** · 07-01-2014 01:53 PM

المشاركة الأصلية كتبت بواسطة welsherif

بعد نفس المقارنة انا فضلت ix35 و الحمد الله قرارى كان صح و راضى عنها تماما لانى كنت مهتم فى المقارنة على العفشة و النعومة و بصراحة الmultilink suspension فى ال ix35 عاملة شغل فى شوارعنا

لالالا يا ايتاذنا انت بالذات ماينفعش كلمتين وبس :)

دا حضرتك المستهدف من هذا الموضوع ههههههههه

انت قارنت وقررت واشتريت والاهم. . استخدمت

منتظرين من حضرتك شرح وافي وكافي وشافي لتجربتك في الاختيار والشرا ومكان الشراء واخيرا تجربة القيادة والصيانة وقطع الغيار… حاجة كدة بتاعه عشر صفحات ههههههه

لا بجد محتاج رايك الوافي لاني ميال للاي اكس لاني مجرب هيونداي ومعايا النترا
ولو معندكش وقت ارجوا التواصل تليفونيا ممن تبعتلي رقمك علي الخاص وانا اكلمك
واللي حعرفه منك حكتبه هنا بالتفصيل للاستفاده العامة

وجزاك الله خير الجزاء

**AFT** · 08-01-2014 08:41 AM

والله انا اول ما جبتها استغربت من نشوفية العقشه,,,,,بس بعد فتره العربيه ريحت كتير والنعومه زادت اوي,,,,
عن تجربه مقدرش اقوللك فارقه ايه عن السبورتاج,,,,,بس انا دايما اسمع انها انعم من السبورتاج ,,,,والله اعلم

**حسن عبد الحليم** · 10-01-2014 09:25 PM

المشاركة الأصلية كتبت بواسطة aft

والله انا اول ما جبتها استغربت من نشوفية العقشه,,,,,بس بعد فتره العربيه ريحت كتير والنعومه زادت اوي,,,,
عن تجربه مقدرش اقوللك فارقه ايه عن السبورتاج,,,,,بس انا دايما اسمع انها انعم من السبورتاج ,,,,والله اعلم

اهلا اخي الكريم

طيب تمام انت معاك العربية .. بس خوفتنى كدة من موضوع النشفان دة انا ضهرى مايستحملش :)
شوية معلومات بقي ونصايح لاخوك اللى ناوي يشتريها :)
وكن عاوز اعرف فيه فرق كبير وملحوظ بين الفئة الاولى والتانية
ويستحق المبلغ اللي بينهم والا لاء
ولو فيه تقرير عن الاداء بعد ما جبتها ياري اكون شاكر

خالص تحياتي،،،

**AFT** · 12-01-2014 08:04 AM

عليك وعلى المواضيع ده فيها كل التفاصيل :

http://www.nilemotors.net/Nile/379191-ix35.html

http://www.nilemotors.net/Nile/345973-ix35-1600-a.html

**AFT** · 12-01-2014 08:09 AM

والفروقات بين الاولى والتانيه كالاتي :
الفئه التانيه بتزيد عن الاولى :
- فرش نص جلد
-سخانات في الكراسي
-زجاج ملون خلفي وجانبي
-سينسور بارك خلفي
-الجنط 17 ( الفئه الاولى 16 )
- roof track
-مرايات كهربائيه والاشارات بها
-مراية الصالون ذاتيه التعتيم
- تكييف اتوماتيك بتحكم ثنائي في درجة الحراره
-ستاره خلفيه لتغطية محتويات الشنطه