مشكلة سخيفة جدا((السوزكى سويفت)) ومش لاقى حل ...

**fire333works** · 23-09-2008 02:01 PM

السلام عليكم ورحمة الله وبركاته...

أولا أحب أشكر كل من المنتدى ..لأنى بلجأ ليه بعد الله سبحانه وتعالى ..فى أى مشكلة معقربة فى السويفت وبلاقى الحل ...

المهم المشكلة ... حصلت أول مرة معايا على الدائرى العربية و أنا ماشى على الرابع بطلت (الموتور وقف) لكن لمبة الكونتكت منورة ....المهم ركنت على جنب و عملت قرد أدور العربية تلقط عادى لكن الموتور يبطل فورا ( يعنى العيب مش مارش و لا كهربا) المهم رجعت البيت بضرب الجزم بعد 7 ساعات على الدائرى ..

إيه المشكلة ...طلمبة البنزين بايظة ..بعد ما إضحك عليا و وكهربائى ربنا يسامحه ركبلى طلبمة مش بتاعتها وباظت برده...بعد كده ركبولى طلمبة دايو و كانت شديد بتخلى العربية تشرق بنزين ...رحت أحمد حلمى وجبت الأصلى ب 170 جنيه ..و دى طلمبة تركب للسوزوكى و للمتسوبيشى ..

اللى حصل العربية مشيت زى الفل لمدة شهر بعد كده عملت تانى نفس الموضوع
وهى ماشية تبطل وتيجى تدور العربية تلقط وتدور ثانيه بعد كده تبطل تانى (( كأن العربية مفيهاش بنزين)) لكن المرة دى العربية قعدت 5 دقايق و دورت فدارت عادى

وقعدنا شهر كمان بعد كده عملت الحوار ده تانىىىىىىى ونفس الفكرة تسيبها 5 دقايق وتدور فتدور ...

لفيت برده على كل الميكانكية و الكهربية قالولى العربية كهربتها و الطلمبة زى الفل ...

طبعا خايف يحصلى زى موقف الدائرى تانى و مش عارف أعمل إيه افيدونى ..
وشكرا جدا على وقتكم

**emad2002** · 06-10-2008 06:28 PM

اخى الريم بخصوص السويف يفضل انك تروح لحد فاهم اوى فى العربيه فى
3 ميكانيكية فى القاهرة كانوا شغالين فى السويفت وهما محترفين جدا
للمساعده اتصل بى
0105003254

**Negm** · 20-10-2008 05:31 PM

اخى العزيز
انا عندى سويفت 93 وحصل معايا نفس الموقف بالضبط بس كان العيب ان خرطوم البنزين فيه قطع داخلى راجع دورة البنزين واحسن لك تركب طلمبه خارجيه كهرباتمنها 140 جنيه انا مركبها وشغاله ماشاء الله زى الفل

**Karim Salem** · 22-10-2008 06:55 PM

انا كانت حصلت معايا مشكلة زى مشكلتك بالظبط
و دوخت السبع دوخات
و طلع العيب فى الاسبراتير
و لما غيرته الدنيا بقت زى الفل.
شوف كهربائى نظيف يبص بصه على الاسبراتير
احتمال يكون العيب منه فعلا.
او احتمال تكون ناسى فلتر البنزين بقالك فترة و اتسد.

**emad2002** · 14-12-2008 09:53 PM

بص اخى طلمبة البنزين بتاعت المازدا بتركب على السويفت وهى مناسبه ليها علشان بتركب من الخارج بس بيبقى ليها صوت رخم شويه على العموم مفيش مشكله سواء جبت الاصلى والا الاستيراد الاثنين كويسين وعلى العموم لو حصل معاك نفس الموقف اخلع خرطوم البنزين اللى جنب الكربراتير ودور لو لو مخرجش بنزين يبقى العيب فى الطلمبه وممكن علشان توصل البيت بالسلامه خد خرطوم معاك وعلبه صغرة واملها بنزين ودور العربية وامشى لغيت ما تقرر مين الصنيعى المحترم اللى حيشنغل فى العربية
لمزيد من الشرح انا تحت امرك

**fire333works** · 15-12-2008 01:09 PM

1000 شكر للأخوة اللى تعاونوا معايا على حل المشكلة ...و أنا و الله مرديتش أرد غير لما اشوف حل نهائى للموضوع وأجربه ...و فعلا من أيام رمضان اللى فاتت حتى الأن لم أواجه هذه المشكلة ...والحل كان من العضو (نجم) أنا راجعت على دورة البنزين و طلع فيه خرطوم بيسرب + فلتر البنزين كان نوع تعبان ...وبعد ما إتخلصت من المشاكل دى العربية ماشاء الله زى الفل..وجزاكم الله خيرا