السلام عليكم
انا اريد شراء سياره قسط باذن الله ايه الخطوات واحسن بنك ولا معرض ولا ايه والمميزات والعيوب ولو فيحد عنده قصه يعرضها والنسائح اللي لازم نالاشها وناخد بلنا منها
تم تعديل عنوان الموضوع ليناسب محتواة .
عرض للطباعة
السلام عليكم
انا اريد شراء سياره قسط باذن الله ايه الخطوات واحسن بنك ولا معرض ولا ايه والمميزات والعيوب ولو فيحد عنده قصه يعرضها والنسائح اللي لازم نالاشها وناخد بلنا منها
تم تعديل عنوان الموضوع ليناسب محتواة .
أتق الله وابعد عن شبهة الربا اللي في الموضوع ده.
القصه انك لو جبت عربيه من بنك هايتخرب بيتك وهاتلعن اليوم اللي دخلت البنك فيه اركب بالمقدمه اللي معاك عربيه عاديه احسن
بلاش قرض لانك مش حتقدر تدفع الاقساط مع مصاريف العربية نصيحة منى لان العربية بيت تانى فهات مستعمل على قد فلوسك حتى لو 128
اقل حاجة ادفع مقدم 60 في المية علشان لو حصل ازمة مادية تعرف تتصرف لكن اقل من كدة القسط وفايدة هيبئوا عليين اوي يخربوا بيت اي حد
ماتدفعش مقدم أقل من 50% عشان تقلل القسط والفايده .. لإن لو القسط زاد عن حده مع مصاريف العربيه هتكره عيشتك ... أما بالنسبه للإجراءات الشرا فأنا أشتريت من سمير ريان وعنده هناك مندوبين لكذا بنك هو بيتعامل معاهم أقعد مع كل واحد شويه وشوف أيه العروض اللي عندهم .. أنا أخدت من بنك كريدي أجريكول بصراحه 24 ساعه وإستلمت العربيه وبعدين بتشوف هتأمن في شركة أيه أو تأمن عند شركه تبعهم ( برضه قاعد عنده كذا مندوب لشركات تأمين) وأنا عن نفسي أمنت مع شركه أعرفها كويس إسمها سكان للتأمين ولو عايز تليفونتهم برضه ممكن أديهالك بيبعتوا خبير يعاين العربيه ف المعرض ويعملك البوليصه على طول بعدها بساعتين ممكن ...وتستلم على طول بإذن الله .. وتشوف إنت تبع مرور أيه وتبلغهم ف المعرض هيدوك نمرة المندوب بتاعهم اللي بيبقى موجود ف المرور اللي إنت تابع ليه تنسق معاه وتروح له المرور وهو هيخلصلك الورق كله وتديه خمسين أو 100 جنيه أخر اليوم زي ما أنت عايز .. ده كل اللي حصل معايا .
كمان لازم تاخد بالك من حتة السداد الفوري للقسط يعني تسأل المندوب لو حبيت تسدد الباقي ع العربيه كاش بعد سنه مثلا أيه النظام لإن دي الحته اللي بتختلف فيها البنوك عن بعض غير كده كلهم نفس النظام ونفس الفوايد .. أنا واخد عربيتي بالقسط على خمس سنين بفايده 10.2% سنويا .
طب ايه الفرق بين التقسيط من البنك او المعرض مككن مثال علي عربيت حضرتك يا استاذ باسم والتامين ده اجباري ومصاريفوا ايه وليه لزمه ولا اشتغاله وشكرا لكل من رد علي مشاركتي واللي لسه ناوي يرد
هو لو البنك خد ضمانات جامدة فايدة تبئا كام كلكوا كاتبين مقسطين علي 10 في مية لية كل دة ؟