العربية كلها متخربشة

**hazem_khidr** · 27-09-2008 08:10 AM

خدها لواحد بتاع دوكو يملعهالك و بعدين تعمل تشميع في اي كار كير
علشان تحافظ عليها
انما ترش العربيه لااااااااااااااااااا
حتي لو موديل 2000 مش 2007 ما ترشهاش برضه

**amir** · 27-09-2008 08:39 AM

المشاركة الأصلية كتبت بواسطة hazem_khidr

انما ترش العربيه لااااااااااااااااااا
حتي لو موديل 2000 مش 2007 ما ترشهاش برضه

عارف
كان سبعاوي اتكلم في الموضوع ده قبل كده و وجهه نظره ليه امشي بحاجه شكلها وحش علشان لما اجي ابيع اكسب الف او اتنين؟
و انا مع مجهه نظر سبعاوي
انا مركبش عربيه علشان لما ابقي افكر و انوي ابيعها تجيبلي فلوس
العربيه و منظرها بيعكسو شخصيه اللي راكبها

**amir** · 01-10-2008 12:04 AM

المشاركة الأصلية كتبت بواسطة hazem_khidr

خدها لواحد بتاع دوكو يملعهالك و بعدين تعمل تشميع في اي كار كير
علشان تحافظ عليها
انما ترش العربيه لااااااااااااااااااا
حتي لو موديل 2000 مش 2007 ما ترشهاش برضه

طيب لو الخدوش وصلت لجسم العربيه ذات نفسه؟
ساعتها الكومبوند مش هايشيلها!!!!
و البولش مش هيبقي ذو فائده
طب لو رافض الرش علشان قيمه العربيه الماديه عند البيع تعمل ايه لو انت مكاننا؟
هتمشي بيها و هي مجربه و شكلها معفن كده؟؟؟؟؟؟؟؟؟؟؟؟؟؟
لو عندك حل تاني افيدنا

**Ahmed Samy** · 03-10-2008 04:04 AM

هارجع و اقولها تاني

احنا اللي راكبين العربيات مش العكس

اللي يتصلح بقلم touch up يتصلح و اللي ييجيبـcompound ييجي

و المستعصي بقى يترش

لو مشيت بمبدأ اوعى ترش العربية و النظرية دي هاتوصل انك تبقى عامل زي واحدة جارتي معاها اوبل و فيكترا 97 فابريكة بره لحد النهاردة

والله لو شوفتها تتف عليها - قصدي العربية- البوية مقشرة وممسوحة و تقريبا هيا زيتي بس كلها مخربشة و مبقعة أبيض

و الغريب انها فاكرة نفسها راكبه العربية و العكس هو الصحيح

**MohabSaeed** · 03-10-2008 04:17 AM

المشكله مش فى انها تترش ....... المشكله ان بعد شهرين من الرش حترجع تانى ...
لو حضرتك متضايق من الخدوش ديه ... يبقى من الاساس تركنها فى جراج و دايما تغطيها بغطاء لو حتسيبها فى الشارع و متخليش البواب ينظفها بالفوطه الزفره .

**Yarisawy** · 03-10-2008 03:03 PM

انا رأى طبعا لازم تصلح الموضوع مش كل يوم قلبك يتحرق وانت شايف العربيه شكلها بيبقى وحش يوم بعد يوم

ذى ما احمد قال استخدم القلم او الكمباوند او الرش ثم استخدم بولش او الشمع واستمتع انك تشوف العربيه باحسن صورة
اهم حاجة تبقى مسبوط انا مش جايب عربيه عشان احافظ عليها لواحد تانى ... ذى ما يكون انها امانه للشخص اللى انا هابعلوا العربيه بعد سنوات
العربيه دى ملكك وضبطها ذى مانت عايز لانها ملكك انت مش ملك الناس

بعدها اتعلم من الدرس وتجنب اسباب الخرابيش وجيب غطا جامد للعربيه وغطيها فى اى مكان تروحه ومش اى حد يمسحلك العربيه .. جيب انت قماشة طريه واى حد عايز يمسح اديلوا القماشه بتاعتك