| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 131 من 135 الأولىالأولى ... 31 81 121 126 127 128 129 130 131 132 133 134 135 الأخيرةالأخيرة
النتائج 1,301 إلى 1,310 من 1344

  1. #1301

    الصورة الرمزية Cady mohamed

    رقم العضوية : 179132

    تاريخ التسجيل : 02Sep2015

    المشاركات : 4

    النوع : انثى

    الاقامة : Cairo

    السيارة: Soon

    السيارة[2]: lancer shark 2016 isa

    الحالة : Cady mohamed غير متواجد حالياً

    افتراضي -

    hasad">

    ازيكم انا متبعاكم من فترة طويلة والحمد لله استقريت علي الشارك بس محتاجة مساعدتكم في معرفة الفرق بين الفئة الثانية والثالثة وبين الوكيل والخليجي انا حجزت الفئة الثانية بس لسه متردده وصحيح مش بينزل منها الكحلي وسؤال اخير هو بجد صوتها عالي وشكرا ليكم كلكم وان شاء الله انضم ليكم قريب كمالكة للشارك مع العلم انها اول عربية ليا


  2. #1302

    الصورة الرمزية محمد سمير حسين

    رقم العضوية : 153996

    تاريخ التسجيل : 01Jan2014

    المشاركات : 426

    النوع : ذكر

    الاقامة : القاهرة

    السيارة: لا يوجد

    السيارة[2]: لانسر شارك

    الحالة : محمد سمير حسين غير متواجد حالياً

    افتراضي -

    اقتباس المشاركة الأصلية كتبت بواسطة د.هشام مشاهدة المشاركة
    ازيك يا باشمهندس محمد
    منور
    ازي حضرتك يا دكتور هشام وشكرا جدا علي سؤال حضرتك ووللاسف والله نفسي اتواصل باستمرار مع المنتدي بس الواحد بتحصل معاه ظروف بتبعده


  3. #1303

    الصورة الرمزية محمد سمير حسين

    رقم العضوية : 153996

    تاريخ التسجيل : 01Jan2014

    المشاركات : 426

    النوع : ذكر

    الاقامة : القاهرة

    السيارة: لا يوجد

    السيارة[2]: لانسر شارك

    الحالة : محمد سمير حسين غير متواجد حالياً

    افتراضي -

    اقتباس المشاركة الأصلية كتبت بواسطة cady mohamed مشاهدة المشاركة
    ازيكم انا متبعاكم من فترة طويلة والحمد لله استقريت علي الشارك بس محتاجة مساعدتكم في معرفة الفرق بين الفئة الثانية والثالثة وبين الوكيل والخليجي انا حجزت الفئة الثانية بس لسه متردده وصحيح مش بينزل منها الكحلي وسؤال اخير هو بجد صوتها عالي وشكرا ليكم كلكم وان شاء الله انضم ليكم قريب كمالكة للشارك مع العلم انها اول عربية ليا
    مبروك مقدما وربنا يوفق حضرتك للاصلح ونا من رأيي الشخصي ان الفئة التانية من انسب الفئات بالنسبة لسعرها بس للاسف مافيش منها لون كحلي وكيل في اي فئة ممكن حضرتك تفكري في اللون الاحمر رغم ان انا عربيتي فيراني واكتر لون بحبه
    الفرق بين الوكيل والخليجي هو اولا الخليجي بيكون ارخص شوية صغيرين وبيكون فيه اوبشن اكتر شوية وفيه فئات اكتر بكتير من الوكيل ومن افضل الخليجي ضمان تريبل ايه
    الفئة التانية بتزيد عن الاولي جنوط وايه بي اس واير باج للراكب الامامي
    الفئة التالتة بتزيد بتزيد عن التانية شوية حاجات بسيطة اكر نيكل وكنبة قابلة للطي وحاجات تانية بسيطة انا شايف انها مش مستهلة فارق السعر


  4. #1304

    الصورة الرمزية د.هشام

    رقم العضوية : 123593

    تاريخ التسجيل : 24Apr2012

    المشاركات : 887

    النوع : ذكر

    الاقامة : مصر الجديدة

    السيارة: Shark 2015

    السيارة[2]: K

    دراجة بخارية: لا يوجد

    الحالة : د.هشام غير متواجد حالياً

    افتراضي -

    اقتباس المشاركة الأصلية كتبت بواسطة محمد سمير حسين مشاهدة المشاركة
    ازي حضرتك يا دكتور هشام وشكرا جدا علي سؤال حضرتك ووللاسف والله نفسي اتواصل باستمرار مع المنتدي بس الواحد بتحصل معاه ظروف بتبعده
    خير ان شاء الله يا باشا، والمنتدى مينفعش من غيرك


  5. #1305

    الصورة الرمزية Cady mohamed

    رقم العضوية : 179132

    تاريخ التسجيل : 02Sep2015

    المشاركات : 4

    النوع : انثى

    الاقامة : Cairo

    السيارة: Soon

    السيارة[2]: lancer shark 2016 isa

    الحالة : Cady mohamed غير متواجد حالياً

    افتراضي -

    شكرًا جزيلا علي رد حضرتك بس ياريت لو تقولي علي افضل المعارض اللي ممكن استلم منها العربية وياريت لو بخبرتك في الشارك تقولي هو بجد حجم الشنطه صغير قوي وصوت العربية عالي ولا عادي ممكن الواحد مياخدش باله منه علما طبعا اني مش هستخدمها في جري او شد


  6. #1306

    الصورة الرمزية محمد سمير حسين

    رقم العضوية : 153996

    تاريخ التسجيل : 01Jan2014

    المشاركات : 426

    النوع : ذكر

    الاقامة : القاهرة

    السيارة: لا يوجد

    السيارة[2]: لانسر شارك

    الحالة : محمد سمير حسين غير متواجد حالياً

    افتراضي -

    اقتباس المشاركة الأصلية كتبت بواسطة د.هشام مشاهدة المشاركة
    خير ان شاء الله يا باشا، والمنتدى مينفعش من غيرك
    ربنا يبارك في حضرتك يا دكتور والحق يقال ان حضرتك من ساعة ما دخلت المنتدي معانا مش بتبخل علي اي حد بمعلومة سواء معلومة خاصة بالشارك او (حتي كانت معلومة طبية ههههه) جزاك الله كل خير


  7. #1307

    الصورة الرمزية محمد سمير حسين

    رقم العضوية : 153996

    تاريخ التسجيل : 01Jan2014

    المشاركات : 426

    النوع : ذكر

    الاقامة : القاهرة

    السيارة: لا يوجد

    السيارة[2]: لانسر شارك

    الحالة : محمد سمير حسين غير متواجد حالياً

    افتراضي -

    اقتباس المشاركة الأصلية كتبت بواسطة cady mohamed مشاهدة المشاركة
    شكرًا جزيلا علي رد حضرتك بس ياريت لو تقولي علي افضل المعارض اللي ممكن استلم منها العربية وياريت لو بخبرتك في الشارك تقولي هو بجد حجم الشنطه صغير قوي وصوت العربية عالي ولا عادي ممكن الواحد مياخدش باله منه علما طبعا اني مش هستخدمها في جري او شد
    اولا لا شكر علي واجب
    ثانيا شنطة العربية ضيقة شوية فعلا بس لحد دلوقتي بالنسبالي انا ملاقتيش اي مشكلة مع ضيق الشنطة يعني بصراحة الشنطة بتشيل الحاجات اللي انا عاوز احطها (ملحوظة هامة مشكلة الشنطة ليس في عمقها للداخل(الافقي) بالعكس هي طولها كويس جدا لكن مشكلتها في العمق الرأسي بسبب الاستبن واخد حيز كبير وفي ناس بتغير الاستبن باستبن اخر ارفع وبيوفر حوالي 4سم ارتفاع)
    ثالثا صوت الموتور عالي برده بس هو صوت رياضي وممتع كمان لانه مش صوت موتور بايظ ومش صوت تنعير او حتي صوت عالي زي صوت العربيات القديمة (يعني صوت الموتور مش هايضيق حضرتك)


  8. #1308

    الصورة الرمزية hassan metwaly

    رقم العضوية : 177442

    تاريخ التسجيل : 11Jul2015

    المشاركات : 6

    النوع : ذكر

    الاقامة : giza

    السيارة: Lancer Ex 2015

    السيارة[2]: Kia Carenz 2013

    الحالة : hassan metwaly غير متواجد حالياً

    افتراضي تقرير مستحدم لانسر ex 2015 -

    معلش التقرير طويل شوية بس حبيت انقل خبرتى كلها عشان الناس تستفيد زى ما انا استفدت الصراحة من المنتدى
    انا الصراحة اول مرة اكتب حاجة فى منتدى لكن انا كنت بقرأ على طول اراء الناس فى العربية دى و الحمد لله بعد تفكير طويل من اول السنة لحد شهر فات استلمت عربية لانسر شارك موديل 2015 فرانى فرش بيج فئة تالتة وكيل عامل بيها 1300 km لحد دلوقتى معملتش لسة صيانة الالف عشان كلمتهم احجز لما عملت 800 km ادونى معاد بعد 3 اسابيع ,مواصافات العربية ,
    Abs
    single air bag
    جنوط سبور
    , فتحة سقف
    طارة مالتى صوت بس
    , طارة و فتيس و فرامل يد جلد
    , aux,Cd,6 speakers
    , تكيف بكر,
    غطاء متور
    ب 151000 من سمير ريان و سعرها الرسمى ساعتها كان 148000.

    العربة من ناحية الكماليات فقيرة شوية الصراحة حتى الفئة الاخيرة اللى بتزيد
    Double airbag
    , Fog light
    , Usb
    , Spoiler
    , مخدع امامى و خلفى و حامل اكواب خلفى و كانبة قابلة للطى 60/40 و مساند رائس خلفية
    وفرش اسود شكله حلو اوى و شبكة نيكل امامية و شوية كروم فى العربية مخلية العربية احلى شكلا
    و ريموت وتشغيل بدون مفتاح
    كانت ب 166000 بس مكنتش لقيها اصلا

    بس دى حاجة بتتعود عاليها يعنى زجاج السائق بس هو اللى تاتش و الباقى كله لازم تفضل دايس عليه مفيش وحدة رفع زجاج , مفيش بلوتوث , مفيش حساسات ركن ولا كاميرا خلفية , مفيش طى مرايات كهرباء , مفيش اضواء نهارية, مفيش مسبت سرعة , عزل حرارى للكبوت , فامية للزجاج الخلفى تقريبا دى معظم الكماليات اللى بتيقى موجودة فى نفس الفئة السعرية اللى هما نيسان سنترا و فلونس و الانترا.

    ده من ناحية الكماليات اللى الصراحة مش فارق معايا فعلا غير المسند الامامى , fog light و هركبة ان شاء الله و طبعا حساسات الركن و دى برده بفكر اركبها بس المشكلة انى مبحبش اللعب فى العربية فى الكهرباء او افك اى حاجة جوة عشان اللى بيتفك مبيركبش زى الاول و هتسمع بقا صوت تزيق و هى اصلا العربية خامات البلاستيك فيها مش حلوة اوى . يعنى الصراحة فرق الفلوس كان يستاهل الفئة الاخيرة بس ملقتهاش سعتها و الفلوس اصلا كانت على القد كدة يلا الحمد لله.

    اما بالنسبة للاداء كل عربية ليها مميزات و عيوب :
    العيوب
    *صوت المتور عالى و ده عشان العزل ضعيف و حاجة تانية ان سير الكاتينة جنزير

    *عزل الصوت الخارجى سئ اوى فعلا انت سامع كل دبة نملة بتحصل حوليك فعلا لو زلطة خبطت فى العربية من تحت بتسمعها و صوت الكاوتش دوشة اوى و اللى بيقول تقليل ضغط الاطارات ده غلط جدا

    *العربية عالية اوى من على الارض و ده عيب فى الثبات على المنعطفات و المناوارات و مفهاش traction control او dynamic stability program بس ده صعب اوى على سعرها الصراحة

    * فى منطقة العزم فيها بيقل اوى لو انت مش حارق بين ال 50 و 80 km/hr يعنى انت مش هتحس العربية تقيلة فى الطلعة بس هتحس انها بتموت شوية فى التسارع بعدين هتحس انها بتجرى منك بس ده تعود على طريقة السواقة

    * الرفرف و الاكصدام و السقف فعلا ضعاف و بس ده مش سوق خامات اوى على اد ما هو تصميمهم كدة انهم مفهمش تعريجات و مساحتهم كبيرة

    * المفاجئة ان الكاتلوج بتاع العربية مكتوب فيه ان المتور ده بياخد بنزين 95 او اعلى بس اصلا البنزين فالبلد دى كدة كدة مغشوش فمش فارقة

    * الشنطة صغيرة فعلا يعنى السفر ديما هيبقى فيه مشكلة مفهاش كلام طبعا .

    * استهلاك الوقود معتدل مش موفر و مش حريقة بنزين هى على حسب السواقة يعنى انا ساكن فى اكتوبر و شغلى فى القرية الذكية و طريقى 20 كيلو رايح و 20 زيهم راجع و مفيش زحمة و بنزل الهرم مرة او اتنين فى الاسبوع فى الزحمة يوم خميس و جمعة مثلا و استهلاك الوقود ال 10 لتر بيمشونى 100 km استهلاك حقيقى بس انا بحب اجرى و اطلع بسرعة مش بحب سواقة البطة ,

    * الفرامل فيها هواء تحس انك بدوس على مخدة اسمها فرامل Spongy بس هقولهم يعالجوها فى التوكيل و لقيت كذا واحد بيكلم فى ده وفاكر ان ده طبيعى بس هو عيب ناتج عن دخول هواء فى خط الفرامل .

    *دركسيون تقيل شوية عشان باور عادى مش كهرباء بس ده عشان الثبات على السرعات

    المميزات

    * ماتور كويس على وزن العربية 1250 كيلو بدون ركاب

    *فتيس سلس جدا .

    *طلعة العربية جميلة

    *ثبات ممتاز على 160 اقصى سرعة طوالى عشان مش عاوز اقرص قبل ما اعمل الصيانة الكاتالوج بيقول متزودش عن 120 فى فترة التلين بس الصراحة العربية بعد ال 120 بتسحب لوحدها .

    *واسعة اوى من جوة

    *عالية على الارض ميزة مع المطبات و الشوارع المكسرة

    *فرامل كويسة بس لسة مجربتش ال ABS الصراحة

    *عدادات واضحة و كبيرة

    *تكييف معقول اوى هى اصلا العربية محققة مواصافات الخليج على فكرة حتى الوكيل

    *العربية قابلة لكل التعديلات الممكنة يعنى فيها مكان لكرونة خلفية و ده اللى مصغر حجم الشنطة مع الاستبن الداهية طبعا ممكن

    العربيات اللى ركبتها عشان الناس تفهم انا بقارن بين ايه و ايه عشان غصب عنى هتأئر ب العربيات اللى سوقتها قبل كدة .
    اولا العربيات اللى سوقتها كتير
    *اتعلمت سواقة على بولونيز 89 من 13 سنة انا فى ثانوى و قعدت مع ابويا لحد 2007
    *غيرها و جبنا اسبرنزا A516 كانت لسة نازلة و مبيعنها كانت رقم 2 ساعتها المهم شقيت معانة العربية دى كنت انا و ابويا و اختى بنهلك فيها و اختى و الصغيرة اتعلمت عليها و دلوقتى مراتى خدتها تتعلم عليها عربية كويسة بالنسبة لسعرها بس مشكلتها مبتتصلحش قطع غيار سيئة و توكلها زبالة و مفيش ناس كتير بتشتغل فيها.
    *ابويا مهاه كارنز 2013 عربية عائلية جدا من بس بطة اوى .

    عربيات صحاب او معارف سوقتها كتير:
    *128 طبعا
    * لانسر بطة 92
    *بيجوه 505
    *بيجو 206 cc
    *سكودا فلشيا
    * لانوس
    عربيات جربتها مشوار او اتنين بالكتير
    *اوكتافيا A5
    *سيراتوا 2010
    *جيتا 2012
    طولت فعلا بس فعلا مهم اوى عشان لما اقول فرامل الانسر كويسة يبقى الناس عارفة انى جربت فرامل الالمانى و الصينى و اليابانى و بقول كويسة بالنسبة لسعر العربية .


    يا رب اكون عرفت انقل تجربتى دى كويس و الناس تستفيد من العربية , و رأى المتواضع ان العربية عاوزة واحد بيحب السواقة و واحد مش بيمشى فى جوة القاهرة كتير فى الزحمة


  9. #1309

    الصورة الرمزية د.هشام

    رقم العضوية : 123593

    تاريخ التسجيل : 24Apr2012

    المشاركات : 887

    النوع : ذكر

    الاقامة : مصر الجديدة

    السيارة: Shark 2015

    السيارة[2]: K

    دراجة بخارية: لا يوجد

    الحالة : د.هشام غير متواجد حالياً

    افتراضي -

    شكرا يا باشا على التقرير
    ماشاءالله مجهود جبار وأول تقرير ليك كمان


  10. #1310

    الصورة الرمزية محمد سمير حسين

    رقم العضوية : 153996

    تاريخ التسجيل : 01Jan2014

    المشاركات : 426

    النوع : ذكر

    الاقامة : القاهرة

    السيارة: لا يوجد

    السيارة[2]: لانسر شارك

    الحالة : محمد سمير حسين غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة hassan metwaly مشاهدة المشاركة
    معلش التقرير طويل شوية بس حبيت انقل خبرتى كلها عشان الناس تستفيد زى ما انا استفدت الصراحة من المنتدى
    انا الصراحة اول مرة اكتب حاجة فى منتدى لكن انا كنت بقرأ على طول اراء الناس فى العربية دى و الحمد لله بعد تفكير طويل من اول السنة لحد شهر فات استلمت عربية لانسر شارك موديل 2015 فرانى فرش بيج فئة تالتة وكيل عامل بيها 1300 km لحد دلوقتى معملتش لسة صيانة الالف عشان كلمتهم احجز لما عملت 800 km ادونى معاد بعد 3 اسابيع ,مواصافات العربية ,
    abs
    single air bag
    جنوط سبور
    , فتحة سقف
    طارة مالتى صوت بس
    , طارة و فتيس و فرامل يد جلد
    , aux,cd,6 speakers
    , تكيف بكر,
    غطاء متور
    ب 151000 من سمير ريان و سعرها الرسمى ساعتها كان 148000.

    العربة من ناحية الكماليات فقيرة شوية الصراحة حتى الفئة الاخيرة اللى بتزيد
    double airbag
    , fog light
    , usb
    , spoiler
    , مخدع امامى و خلفى و حامل اكواب خلفى و كانبة قابلة للطى 60/40 و مساند رائس خلفية
    وفرش اسود شكله حلو اوى و شبكة نيكل امامية و شوية كروم فى العربية مخلية العربية احلى شكلا
    و ريموت وتشغيل بدون مفتاح
    كانت ب 166000 بس مكنتش لقيها اصلا

    بس دى حاجة بتتعود عاليها يعنى زجاج السائق بس هو اللى تاتش و الباقى كله لازم تفضل دايس عليه مفيش وحدة رفع زجاج , مفيش بلوتوث , مفيش حساسات ركن ولا كاميرا خلفية , مفيش طى مرايات كهرباء , مفيش اضواء نهارية, مفيش مسبت سرعة , عزل حرارى للكبوت , فامية للزجاج الخلفى تقريبا دى معظم الكماليات اللى بتيقى موجودة فى نفس الفئة السعرية اللى هما نيسان سنترا و فلونس و الانترا.

    ده من ناحية الكماليات اللى الصراحة مش فارق معايا فعلا غير المسند الامامى , fog light و هركبة ان شاء الله و طبعا حساسات الركن و دى برده بفكر اركبها بس المشكلة انى مبحبش اللعب فى العربية فى الكهرباء او افك اى حاجة جوة عشان اللى بيتفك مبيركبش زى الاول و هتسمع بقا صوت تزيق و هى اصلا العربية خامات البلاستيك فيها مش حلوة اوى . يعنى الصراحة فرق الفلوس كان يستاهل الفئة الاخيرة بس ملقتهاش سعتها و الفلوس اصلا كانت على القد كدة يلا الحمد لله.

    اما بالنسبة للاداء كل عربية ليها مميزات و عيوب :
    العيوب
    *صوت المتور عالى و ده عشان العزل ضعيف و حاجة تانية ان سير الكاتينة جنزير

    *عزل الصوت الخارجى سئ اوى فعلا انت سامع كل دبة نملة بتحصل حوليك فعلا لو زلطة خبطت فى العربية من تحت بتسمعها و صوت الكاوتش دوشة اوى و اللى بيقول تقليل ضغط الاطارات ده غلط جدا

    *العربية عالية اوى من على الارض و ده عيب فى الثبات على المنعطفات و المناوارات و مفهاش traction control او dynamic stability program بس ده صعب اوى على سعرها الصراحة

    * فى منطقة العزم فيها بيقل اوى لو انت مش حارق بين ال 50 و 80 km/hr يعنى انت مش هتحس العربية تقيلة فى الطلعة بس هتحس انها بتموت شوية فى التسارع بعدين هتحس انها بتجرى منك بس ده تعود على طريقة السواقة

    * الرفرف و الاكصدام و السقف فعلا ضعاف و بس ده مش سوق خامات اوى على اد ما هو تصميمهم كدة انهم مفهمش تعريجات و مساحتهم كبيرة

    * المفاجئة ان الكاتلوج بتاع العربية مكتوب فيه ان المتور ده بياخد بنزين 95 او اعلى بس اصلا البنزين فالبلد دى كدة كدة مغشوش فمش فارقة

    * الشنطة صغيرة فعلا يعنى السفر ديما هيبقى فيه مشكلة مفهاش كلام طبعا .

    * استهلاك الوقود معتدل مش موفر و مش حريقة بنزين هى على حسب السواقة يعنى انا ساكن فى اكتوبر و شغلى فى القرية الذكية و طريقى 20 كيلو رايح و 20 زيهم راجع و مفيش زحمة و بنزل الهرم مرة او اتنين فى الاسبوع فى الزحمة يوم خميس و جمعة مثلا و استهلاك الوقود ال 10 لتر بيمشونى 100 km استهلاك حقيقى بس انا بحب اجرى و اطلع بسرعة مش بحب سواقة البطة ,

    * الفرامل فيها هواء تحس انك بدوس على مخدة اسمها فرامل spongy بس هقولهم يعالجوها فى التوكيل و لقيت كذا واحد بيكلم فى ده وفاكر ان ده طبيعى بس هو عيب ناتج عن دخول هواء فى خط الفرامل .

    *دركسيون تقيل شوية عشان باور عادى مش كهرباء بس ده عشان الثبات على السرعات

    المميزات

    * ماتور كويس على وزن العربية 1250 كيلو بدون ركاب

    *فتيس سلس جدا .

    *طلعة العربية جميلة

    *ثبات ممتاز على 160 اقصى سرعة طوالى عشان مش عاوز اقرص قبل ما اعمل الصيانة الكاتالوج بيقول متزودش عن 120 فى فترة التلين بس الصراحة العربية بعد ال 120 بتسحب لوحدها .

    *واسعة اوى من جوة

    *عالية على الارض ميزة مع المطبات و الشوارع المكسرة

    *فرامل كويسة بس لسة مجربتش ال abs الصراحة

    *عدادات واضحة و كبيرة

    *تكييف معقول اوى هى اصلا العربية محققة مواصافات الخليج على فكرة حتى الوكيل

    *العربية قابلة لكل التعديلات الممكنة يعنى فيها مكان لكرونة خلفية و ده اللى مصغر حجم الشنطة مع الاستبن الداهية طبعا ممكن

    العربيات اللى ركبتها عشان الناس تفهم انا بقارن بين ايه و ايه عشان غصب عنى هتأئر ب العربيات اللى سوقتها قبل كدة .
    اولا العربيات اللى سوقتها كتير
    *اتعلمت سواقة على بولونيز 89 من 13 سنة انا فى ثانوى و قعدت مع ابويا لحد 2007
    *غيرها و جبنا اسبرنزا a516 كانت لسة نازلة و مبيعنها كانت رقم 2 ساعتها المهم شقيت معانة العربية دى كنت انا و ابويا و اختى بنهلك فيها و اختى و الصغيرة اتعلمت عليها و دلوقتى مراتى خدتها تتعلم عليها عربية كويسة بالنسبة لسعرها بس مشكلتها مبتتصلحش قطع غيار سيئة و توكلها زبالة و مفيش ناس كتير بتشتغل فيها.
    *ابويا مهاه كارنز 2013 عربية عائلية جدا من بس بطة اوى .

    عربيات صحاب او معارف سوقتها كتير:
    *128 طبعا
    * لانسر بطة 92
    *بيجوه 505
    *بيجو 206 cc
    *سكودا فلشيا
    * لانوس
    عربيات جربتها مشوار او اتنين بالكتير
    *اوكتافيا a5
    *سيراتوا 2010
    *جيتا 2012
    طولت فعلا بس فعلا مهم اوى عشان لما اقول فرامل الانسر كويسة يبقى الناس عارفة انى جربت فرامل الالمانى و الصينى و اليابانى و بقول كويسة بالنسبة لسعر العربية .


    يا رب اكون عرفت انقل تجربتى دى كويس و الناس تستفيد من العربية , و رأى المتواضع ان العربية عاوزة واحد بيحب السواقة و واحد مش بيمشى فى جوة القاهرة كتير فى الزحمة
    الله ينور وربنا يبارك لحضرتك ومتحرمناش بقي من تقرير كمان علي ال10000 كيلو



 

المواضيع المتشابهه

  1. موتور لانسر شارك 2014
    بواسطة ahmedshafei777 في المنتدى ميتـسوبيـشى
    مشاركات: 19
    آخر مشاركة: 24-08-2015, 02:32 PM
  2. 170000 لانسر شارك 2014 ولا فلواتس 2014 ؟؟
    بواسطة ninjaahmed في المنتدى قســـــــــم المقارنــــات
    مشاركات: 41
    آخر مشاركة: 28-02-2015, 10:01 PM
  3. لانسر شارك 2014
    بواسطة DrOsama في المنتدى ميتـسوبيـشى
    مشاركات: 6
    آخر مشاركة: 14-01-2014, 03:23 PM
  4. لكل ملاك لانسر شارك كرستالة بومة لانسر خليجي
    بواسطة walid171717 في المنتدى ميتـسوبيـشى
    مشاركات: 1
    آخر مشاركة: 18-10-2013, 07:42 PM
  5. كورولا 2014-النترا 2014-لانسر شارك -فلوانس
    بواسطة ahmedtalat في المنتدى قســـــــــم المقارنــــات
    مشاركات: 19
    آخر مشاركة: 28-09-2013, 04:38 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2