الموضوع: ملاك لانسر شارك 2014 واهلا بالجميع

الفكره حلوه اوي
انا حاجز ولسه هستلم اخر الشهر ان شاء الله
عرفنا على نفسك معاك اي فئه واستلمت امتى وكنت حاجز ولا لا وفيييين

المشاركة الأصلية كتبت بواسطة amr_8800

الفكره حلوه اوي
انا حاجز ولسه هستلم اخر الشهر ان شاء الله
عرفنا على نفسك معاك اي فئه واستلمت امتى وكنت حاجز ولا لا وفيييين

اهلا استاذ عمرو انا اخوك محمد مهندس مدني والخمد لله ربنا كرمني و رزقني بلانسر شارك 2014 الفئة الثانية كنت عاوز الفئة الاولي بس ماكانتش متوفرة فاضطريت اشتري الثانية من سمير ريان وماكنتش حاجز ولا حاجة بس اول ما نزلت جمعت الفلوس ودفعت كاش واستلمتها ب145 الف ولونها فيراني ولو عاوز اي معلومة عنها اتفضل اسأل وباذن اجاوبك لو اقدر

المشاركة الأصلية كتبت بواسطة wael30003

طب ما تكتبوا لنا عن مميزاتها

اهلا بيك استاذ عمرو مش هكدب عليك وافتي في مميزات وعيوب انا مكتشفها بنفسي لان العربية لسه جديدة معايا لكن اقدر اقولك علي اللي انا قرأته علي الموديلات اللي قبل كده وبحاول اقارنه بموديل السنة دي بص يا باشا اولا العيوب اللي اتقالت عليها اولا ان شنطتها ضيقة ده ممكن يكون يكون حقيقي بس مش بالشكل اللي الناس بتبالغ وبتحكي عنه وعلي فكرة ممكن يكون السبب في ضيق الشنطة الي حد ما هو ان الجنوط 16 ودي ميزة حلوة اوي بالنسبة لي مهمة جدا والعيب التاني زي ما بقولو برضه هو عزل الصوت لكن المميزات بقي اعتقد اكتر بكتير وتستاهل الواحد يتغاضي عن العيوب الطفيفة دي علي سبيل المثال لا الحصر ماتورها ممتاز وانت عارف ان ميتسوبيشي تعد من افضل المواتير من حيث الميكانيكا والفتيس برده ماحدش اشتكي منه والميزة التانية الارتفاع الممتاز للسيارة مع الثبات الجيد لدرجة اني بحس اني اعلي من كل العربيات المحيطة والعفشة الرياضية والجنوط ال16 والتقفيل الجيد والتكيف ممتاز طبعا لان كل الياباني تكييفه ممتاز وافضل من الاوربي كمان والشكل الداخلي في 2014 ممتاز والعربية واسعة من الداخل بشكل ملحوظ جدا والشكل الخارجي عاجبني جدا هجومي ومخلي للعربية شخصية قوية وسط العربيات المحيطة اخر حاجة طبعا السعر ممتاز بالنسبة لنفس الفئة السعرية وتقيمي المتواضع انها افضل من السيراتو والالنترا ووووو........... وده راي الشخصي

المشاركة الأصلية كتبت بواسطة ramy reda

انا لسه جايب الفئه قبل الاخيره العربيه جميله جداا
والسبات فى الرعات العاليه حلو جد اانا مشيت بيها 190 سبته على الارض
و لو عوز اى استفسار كلمنى 01227433644

استاذ رامي الف الف مبروك وربنا يباركلك فيها ويرزقك خيرها و يكفيك شرها اكتبلنا بعد اذنك اشتريتها منين وبكام علشان الناس اللي عاوزة تشتريها تستفيد

المشاركة الأصلية كتبت بواسطة wael30003

على فكرة الشارك كانت سيارة زفافى
والمفاجأة انى ما لقيتش حد يسوق
كله معاه عربياته
والعروسه من اسكندرية
طبعا سقت لغاية اسكندرية
طبعا العربية اوتوماتيك وحلوة عاملة 46000
الكلام 16/12/2009
بس ايه روعة
ثبات رائع ..بسالسحب مش قد كده
بس لغاية دلوقتى نفسى اجيبها
ادعوا لى اغير
انا معايا لوجان 2012
كويسة بالنسبة لسعرها وفئتها
ربنا يدى كل واحد اللى نفسه فيه

استاذ وائل اهلا بسيادتك والف مبروك علي الجواز رغم انها متاخرة اوي بس لفت نظري ان كان عند حضرتك ملحوظة علي السحب هما دلوقتي خلوا ماتورها 1600علشان يزودو السحب وبصراحة انا لاحظت ده من خلال سواقتي ل 2014