الموضوع: استلمت شيفورليه لانوس 2014

المشاركة الأصلية كتبت بواسطة m_k_elhosiny

أولا .. الف مبروك على العربية الجديدة و ربنا يديك خيرها و يكفيك شرها و يجعلها وش خير و سعد عليك يا رب.
بالنسبة للتشغيل و الصيانة: يفضل في الألف كيلو الأولى و اللي تعتبر فترة تليين للمحرك الجديد انك تمشي على سرعات في حدود ال 80 كم/س و ده هايطول معاك عمر الموتور و يحافظ عليه بإذن الله ... و بعد الألف هاتغير زيت و فلتر زيت و ده ضروري لأن فلتر الزيت هايكون فيه شوائب التليين و تغير بزيت محترم على الأقل شيل الأصفر و ده بيتغير من 2500 إلى 3000 كيلو بس يفضل انك تمشي عليه 2500 كيلو بس .... بالنسبة للتكييف و لأننا في جو مش حر يفضل انك كل أسبوع تشغل التكييف لمدة ربع ساعة للحفاظ عي دورته شغالة بكفاءة ... و ألف مبرك تاني

المشاركة الأصلية كتبت بواسطة رامي مصطفى

الف مبرووووووك وربنا يرزقك خيرها ويكفيك شرها وإلى التعليمات:
1 - مافيش في اللانوس صيانة الألف عكس ماهيقولك 95% من الناس لأن معظم العربيات بتيجي من بلد المنشأ بيتحطلها زيت ألف وانتا تعمل صيانه بعد الالف بس الانوس بتتجمع هنا عند منصور افندي وبيعمل لها التليين يعني العربيه بتتطلع جاهزه على المشي على طول امشي عادي بدون قرص وبدون سرعه كبيره بردوا (انا كنت في عز الصيف وكلمت التوكيل قالي شغل التكييف عادي من اول يوم استلام وعلى ضمانتنا)
2 - الصيانات كل 5000 كيلو بس لو فيه ملاحظات في العربيه تروح اول بأول ماترطبطش بميعاد الصيانه ممكن تلاقي بعض الملاحظات الخفيفه ماتخافش انا ظهر عندي (لمبة فرامل اليد شغاله على طول مابتفصلش- ماء المساحات بتسرب طلع فيه خرطوم مش مربوط كويس-فيه (ضأره) كده خفيفه في الفتيس بس قالولي دي عادي في اللانوس) قصدي اقولك لو ظهر اي حاجه ماتتخاضش كلها حاجات بسيطه تتعالج وربنا يرمرك ومايظهرش اي حاجه خالص (قول آمين)
واخيرا ربنا يباركلك فيها آمييييييييييييييييييييين ولو فيه اي استفسار تحت امرك اخوك اكبر منك بسنه لانوس 2013

جزاكم الله خير وشكرا لمرورك الطيب والفعال فى الرد واعطاء النصحية

هما فالمعرض قالولى هتغير فى التوكيل بعد 1000 كيلو مجانا
المهم انا لسه مخرجتش بيها قلت بعد ما ارخص عشان اقدر اسافر بيها وانا مطمن
سمعت صوت كركرة فى صوت الموتور
وانا هناك ساْلت صاحب المعرض قالى الماتور بيطبع بعد 500: 600 كيلو مش هتسمع الصوت ده وقالى لو فيه مشكلة معاك كلمنى على طول

فالصوت ده طبيعى ولا بيفضل زى ماهو ولا بتقل الترتلة والكركرة دى
وهل كل اما اروح التوكيل وكان فى مشكله مش منى يعنى مشاكل بتظهر من عيوب الصناعه بدفع فلوس برده وايه الدنيا دى ؟؟؟؟

معلش هنتعبكم شويه يا جماعه

يعني ايه صوت كركره انا لما جبت العربيه كان صوتها عالي شويه (بس ماعرفش كركره يعني ازاي) وبعد شويه خف وخد بالك اللانوس صوتها عالي شويه ماتتخضش
لأ حتى لو روحت 100 مره مادام المشكله عيب ف العربيه مش منك بيصلحوه ببلاش طبعا وبيقعدوا يطمنوك ويقولولك تشرفنا في اي وقت عشان يحببوك فيهم وتعمل الصيانه عندهم (ماتخافش)

ألف مبروك العربية الجديدة ، وإياك والزيت المعدني متحطش إلا تخليقي من الزيت اللي يعجبك

المشاركة الأصلية كتبت بواسطة رامي مصطفى

يعني ايه صوت كركره انا لما جبت العربيه كان صوتها عالي شويه (بس ماعرفش كركره يعني ازاي) وبعد شويه خف وخد بالك اللانوس صوتها عالي شويه ماتتخضش
لأ حتى لو روحت 100 مره مادام المشكله عيب ف العربيه مش منك بيصلحوه ببلاش طبعا وبيقعدوا يطمنوك ويقولولك تشرفنا في اي وقت عشان يحببوك فيهم وتعمل الصيانه عندهم (ماتخافش)

هى بالظبط تسقيفه انا حتى لسه مخرجتش بيها قلت اما ارخص عشان اسافر براحتى ان شاء الله
وكده كده انا مش عاوز اروح التوكيل وربنا يبعدنا عنهم

المشاركة الأصلية كتبت بواسطة أبومازن333

ألف مبروك العربية الجديدة ، وإياك والزيت المعدني متحطش إلا تخليقي من الزيت اللي يعجبك

يعنى حضرتك بعد ال 1000 كيلو اغير فلتر وزيت اغير بزيت شل اصفر ولا موبيل 1

المشاركة الأصلية كتبت بواسطة ahmed403

الف مبروك أخي الحبيب وربنا يكفيك شرها .......
الاخوه قالو لحضرتك كل حاجه بس انا هأزيد بحاجه بسيطه جدا....... إوعي تضع ميه حنفيه وضع ميه حمرا
صدقني هتفرق مع حضرتك كتير جدا

يعنى بعد قد ايه حضرتك ابتدى اكشف على الميه الخضرا وازود بالميه الحمرا دى

المشاركة الأصلية كتبت بواسطة m_k_elhosiny

أولا .. الف مبروك على العربية الجديدة و ربنا يديك خيرها و يكفيك شرها و يجعلها وش خير و سعد عليك يا رب.
بالنسبة للتشغيل و الصيانة: يفضل في الألف كيلو الأولى و اللي تعتبر فترة تليين للمحرك الجديد انك تمشي على سرعات في حدود ال 80 كم/س و ده هايطول معاك عمر الموتور و يحافظ عليه بإذن الله ... و بعد الألف هاتغير زيت و فلتر زيت و ده ضروري لأن فلتر الزيت هايكون فيه شوائب التليين و تغير بزيت محترم على الأقل شيل الأصفر و ده بيتغير من 2500 إلى 3000 كيلو بس يفضل انك تمشي عليه 2500 كيلو بس .... بالنسبة للتكييف و لأننا في جو مش حر يفضل انك كل أسبوع تشغل التكييف لمدة ربع ساعة للحفاظ عي دورته شغالة بكفاءة ... و ألف مبرك تاني

مع احترامى لحضرتك لكن انت كاتب معلومات غلط
مفيش حاجه اسمها فتره تلين امشى بيها عادى خالص وشغل التكيف براحتك
ومفيش غيار زيت او فلتر عند الاف اول غيار عند 5000
وزيت شل الاصفر بيتغير عند 5000 وبينزل لونه فاتح كمان
وتشغيل التكيف فى الشتا كل اسبوع ربع ساعه معلومه صحيحه 100/100

المشاركة الأصلية كتبت بواسطة fghahkj

مع احترامى لحضرتك لكن انت كاتب معلومات غلط
مفيش حاجه اسمها فتره تلين امشى بيها عادى خالص وشغل التكيف براحتك
ومفيش غيار زيت او فلتر عند الاف اول غيار عند 5000
وزيت شل الاصفر بيتغير عند 5000 وبينزل لونه فاتح كمان
وتشغيل التكيف فى الشتا كل اسبوع ربع ساعه معلومه صحيحه 100/100

يعنى حضرتك اغير بعد 5000 ك شل اصفر وفلتر تمام مش عند 1000 ك