الموضوع: استلمت شيفورليه لانوس 2014

المشاركة الأصلية كتبت بواسطة alaafahmy

الف مبروك ياباشا على العربيه الجديده فعلا اللانوس مفهاش صيانة 1000 ولا حتى تغيير زيت اهم حاجه تخليك حنين عليها طول ماهيا تحت الالف يعنى ماتزودش عن 80 كم/ساعه..
صيانة الـ 5000 مجانيه بدون زيت وانصحك تغير الزيت بره وبعدين تروح.. صيانة ال 5000 الاف هيربطولك العفشه ويجرلش على فرامل اليد والمفروض انه بيفحص كل حته فى العربيه ميكانيكا وكهربا بس ده مبيحصلش ومش هيحصل فى اى صيانه غير لو انتا اشتكيت من حاجه معينه..

عيوب اللانوس الواضحه لكل الناس اربعه:-
اولهم واهمهم ان العربيه واطيه جدا ولو راكب معاك حد ورا العربيه هتحك فى المطبات العاليه والموضوع ده ملوش حل فى ناس بتعلى العربيه بس ده بيأثر على ثابت واتزان العربيه.

ثانيهم واخطرهم ضعف الفرامل خلى بالك وخلى دايما مسافه بينك وبين اللى ادامك عشان الفرامل بتبطأ العربيه لكن مش بتكلبشها حتى لو دوست للاخر.

ثالثهم علو صوت الموتور فوق الـ 100 كم/ساعه

رابعهم التقفيل السئ جدا للعربيه.. ضفيرة الكهربا والخراطيم والتابلوه والكاوتش بتاع الببان (تقفيل بلدك وانتا عارف)

خلى بالك عشان المشاكل اللى جايه دى هتحصل معاك بنسبة 80% (والله اعلم):-
- بعد فتره من الوقت ممكن تلاقى الـ rpm عالى وانتا ممور العربيه - الطبيعى انه بيكون 900 لكن هتلاقيه احيانا كتير بيعلق ويطلع لحد 1500 و 2000 ساعات وصوت العربيه بيبقى عالى وهيا واقفه ده عيب موجود كتير جدا فى اللانوس سببه حساس الايدل لو روحت التوكيل هينضفوه ويبرمجوه كمبيوتر تانى ولو متصلحش هيغيرهولك ضمان.
- ممكن تيجى فجاه تلاقى العربيه بتطلع دخان اسود وفى رجه ورعشه فى الموتور والعربيه كلها وهيا واقفه ده ولمبة الـ check منوره .. ده بيكون سببه ان فى خرطوم اسود رفيع كده المفروض بيكون راكب فى المانيفولد بتاع الموتور.. الخرطوم ده مش متثبت بحاجه عشان كده مع الاهتزاز الكتير ممكن يفك ويسببلك اللى انا قولت عليه ده..

ملحوظه: ركز اوى مع بتوع التوكيل لانهم مبيعملوش اى حاجه مكتوبه فى جدول الصيانه غير ربط العفشه وفرامل اليد فقط! انا بروح الصيانات لما بيكون فى مشكله و كمان عشان اخد ختم الصيانه.

الف مبروك تانى وربنا يكفيك شرها ان شاء الله :)

الله يبارك فيه يا استاذ علاء اللهم امين

طيب اغير زيت مثلا بره عند 5000 ك وبعدين اقولهم على مشكلة علو صوت الموتور اللى قلقانى جداا تمام
الصيانه دى مجانا ولا بدفع فلوس عشان ايقى فاهم لانى مش حابب جو التوكيل لانى للاسف اى توكيل عربيات فى مصر بسمع ارقام كده غريبة مع انى العربية بتبقى فى فترة الضمان

ياريت توضحى اكتر : مصاريف الصيانه والكلام ده كله وهل لازم اروح التوكيل عشان يختموا الضمان ولا اكبر دماغى .......... وجزاك الله خير

غير زيت 5000 عند التوكيل علشان هيغيرو الفلتر ولو غيرت الفلتر برا هتخرج من الضمان

المشاركة الأصلية كتبت بواسطة fghahkj

غير زيت 5000 عند التوكيل علشان هيغيرو الفلتر ولو غيرت الفلتر برا هتخرج من الضمان

بجد الكلام ده

يعنى اغير زيت فلتر عندهم بعد 5000 ك مش 1000 ك

وبالنسبة للتكلفه كام ؟
والضمان ممكن ينفعنى فى ايه ؟
فى مشكلة عندى
الفتيس حاسس انه بقى تقيل فى النقل مش عارف؟

الف مبروك وربنا يكفيك شرها ويديك خيرها
اول صيانة فعلا بعد ال 5000 ك
انا زميلك جايب 2013 زيرو
أول صيانة عملتها بعد حوالى 4 شهور و نص كنت عامل حوالى 4000 ك
الصيانة عبارة عن تغيير زيت و فلتر و كشف على العربية دا ب حوالى 250 جنيه
انا كانت عندى مشكلة فرامل اليد كانت ضعيفة رجلشوهالى و بقت تمام و ركبيت كمان وحدة رفع علشان الازاز و خلته ظبتهالى على الريموت مش لوك الباب و تكلفة التركيب 250 جنيه
اهم حاجة فى ال الف كيلو الاولى متقرصش على العربية و شغل التكييف بس مش فترات طويلة
هى عيبها الوحيد لغاية دلوقتى التقفيل السئ جدا جدا جدا و دى حاجة حتس بيها مع الوقت بس دا عيب الواحد يقدر يتأقلم معاه مش حاجة خطيرة يعنى

[QUOTE=a_badwy;3875387451]الف مبروك وربنا يكفيك شرها ويديك خيرها
اول صيانة فعلا بعد ال 5000 ك
انا زميلك جايب 2013 زيرو
أول صيانة عملتها بعد حوالى 4 شهور و نص كنت عامل حوالى 4000 ك
الصيانة عبارة عن تغيير زيت و فلتر و كشف على العربية دا ب حوالى 250 جنيه
انا كانت عندى مشكلة فرامل اليد كانت ضعيفة رجلشوهالى و بقت تمام و ركبيت كمان وحدة رفع علشان الازاز و خلته ظبتهالى على الريموت مش لوك الباب و تكلفة التركيب 250 جنيه
اهم حاجة فى ال الف كيلو الاولى متقرصش على العربية و شغل التكييف بس مش فترات طويلة
هى عيبها الوحيد لغاية دلوقتى التقفيل السئ جدا جدا جدا و دى حاجة حتس بيها مع الوقت بس دا عيب الواحد يقدر يتأقلم معاه مش حاجة خطيرة يعنى[/QفOTE]

فعلا اخى الفاضل فرامل اليد ضعيفه و تقفيل سئ جدا وهو ده اللى بدأت احس بيه فى العربية بس الحمد لله سحبها كويس حتى انا لسه ماجبتش كتالوج والضمان من المعرض قالولى يومين
هى عاملة معايا دلوقتى 800 ك
وجزاك الله خير وشكرا لللرد على الموضوع دومت بكل خير