الموضوع: دخلت عالم ال ios ومحتاج شويه دعم من مستخدمي الايفون

المشاركة الأصلية كتبت بواسطة أبو آسر

العفو يا شنوري باشا أنا معملتش حاجة
ولو احتجت أي حاجة متترددش واسأل علطول
الآيفون 5 ميزته إنك هتحس بفرق جامد في الوزن بينه وبين ال4s زائد الشاشة أطول بطول سطر أيكونات زيادة وأرفع كمان حاجة متعة كده بس كان نفسي يعملوا شاشة أكبر كمان زي النوت 3 علشان أنا من هواة الشاشات الضخمة وده السبب الوحيد اللي خلاني أبيع الآيفون وأشتري النوت 3 لكن طبعا بالنسبة لي الآيفون والios لا يقارن بالأندرويد وبأجهزة سامسونج وفعلا أكبر ميزة في الios هو موضوع الرقابة على التطبيقات وأيام ما كان معايا الآيفون لا كان بيطلعلي إعلانات مزعجة على واجهة الجهاز ! ولا فيروسات ولا الهوا تحس كده إنها برامج متنقية على الفرازة مش العك بتاع الأندرويد حتى البرامج اللي موجودة على النظامين تلاقيها أحسن بكتير وأقل مشاكل في الios منها في الأندرويد
عموما ألف مبروك مرة تانية واوعى تفكر ترجع للأندرويد تاني

ههههههههههههههههههههههههه ههههههههههههههههههه
حصدمك بقي
وحعرفك ان الايفون بالنسبالي كمستخدم طفره تكنولوجيه جباره
وقفزه اكبر من قفزه الواد الي نط من الفضاء للارض
انا كان معايا نوكيا e75 :)
وكنت بدور علي حاجه اندرويد فعلا بسعر احس انه مساوي للتليفون من وجهه نظري
و95% من الاجهزه اللي بتشتغل بالاندرويد علي كوكب الارض مسكتها وانا بصلحها وكلها شبه بعضها
نظام تشغيل + هارد وير
وبيفرق سعرها تبعا للهارد وير اللي راكب فيها كانك بتشتري لاب توب
يعيب الاجهزه العاليه فيها الحجم الكبير مينفعش تستعمل الجهاز بايد واحده
ودا بالنسبالي مش ميزه نهائي الا وانا مانتخ (:
والعيوب والمشاكل اللي بتحصل فيه برضه خلتني اقلق منه شويه
بس بصراحه ربنا يجعل بيت الاندرويد عمار
لو الاجهزه متشفرتش ومضربتش ومباظتش اقعد انا في البيت اقشر بصل بقي (: هههههههههه
ولو كل يوزرز الايفون بروفيشنال اقعد في البيت برضه (:
جمال الاندرويد في انه ساهل في استخدامه
ابليكيشن ملهاش اول من اخر
اسعار وتصميمات الاجهزه عامله تنوع في السوق ومنافسه
ورايي بخصوص apple انهم فاكرين نفسهم بيبيعوا جوازه مش تليفون
تدخل بيت جوزها (المستخدم) ومتتحررش من سلطته (الايتيونز ) ولا تشتري حاجه من بره بيته (الماركت) ولا تستلف حاجه من الجيران حتي