مساء الفل علي احلي منتدي واحلي اعضاء
بعد 12 سنه خدمه في مجال برمجه المحمول ربنا اراد اني امسك اكتر تليفون بكرهه في العالم
وهو الايفون (:
تقولولي بتكرهه ليه
اقولكم علشان 90% من الي شايلينه مش فاهمينه وانا منهم
اشتغلت فيه كتير جيلبريك وشفرات بس مقربتش من الابليكيشن بتاعته علشان كانت ايامها ممله وغاليه والفري كانت برامج معدوده
واصلا لسه عامل الاكاونت علي ابل ستور من شهرين لما اتزنقت فيه
اللي خلاني اشتريه اني بقالي كتير عمال افاضل بين السمارت فونز ومش شايف ان فيهم جهاز يستاهل تمنه (راي شخصي بحت)
لاني اصلا مبحبش الموبايلات ومع الحركات الواطيه اللي بدات تحصل من سامسونج زي ان الموبايل يضرب سيريال او برودكت او emmc
وتكلفه تصليحهم الوهميه بجانب اسعار قطع غياره الاوهم الشاشه بنص تمن الجهاز جديد والبورده اغلي من الشاشه وكنت ناوي اشتري سامسونج اندرويد بس لما يكون فيه حاجه بسعر كويس
فربنا جاب قدامي ايفون 4s ولقيتني شبطان فيه واشتريته
دلوقتي بقي عاوز اعرف منكم شويه حاجات
1: منين اقفل البرامج اللي مش محتاج انها تشتغل مع ال 3g
زي فايبر وتانجو والحاجات دي (فتحت نص ساعه 3g لقيته سحب 2 جنيه )
2: فيه قوايم غريبه عليا جوه الجهاز مش فاكرها ومش فاهمها ولا عارف وظيفتها
3: عملت جيل بريك (7.0.4) ولغيته تاني علشان بوظ السفاري والميل ومبقوش يفتحوا
4: ايه البرامج اللي انا محتاجها ومعرفهاش (:
5: ليه لما بوصله بالايتيونز بلاقي حاجات طارت من علي الجهاز
6: شكرا ليكم واللي حيتتريق حجيله ازعله ههههههههههه