انا اشتريت عربية كيا سيراتو موديل 2010 كاملة فتحة سقف وجنوط وسنسور اشتريتها ب 100 الف العربية بحالة الزيرو فعلا حالة رائعة جدا ايه رأيكم كدة سعرها كويس ولا زيادة شوية ؟
عرض للطباعة
انا اشتريت عربية كيا سيراتو موديل 2010 كاملة فتحة سقف وجنوط وسنسور اشتريتها ب 100 الف العربية بحالة الزيرو فعلا حالة رائعة جدا ايه رأيكم كدة سعرها كويس ولا زيادة شوية ؟
تمام كدة :) ربنا يباركلك فيها :)
لو ماشية قليل يبقي لووووووووووووووز. ربنا يباركلك فيها.
ربنا يبارك لك فيها ان شاء الله اهم حاجة تكون اخدت العربية من واحد مضمون
سعرها ممتاز جدا و مبروك عليك ربنا يديك خيرها و يكفيك شرها
سعرها كويس لو ماشية قليل تبقى زى الفل و مبروك عليك
المهم حالة العربية ايه
موتور
عفشة
كهرباء
ميكانيكا
صاج خارجي
صالون و طابلوه
كشفت عليها فين؟؟
و عاملة كام كيلو؟؟
و رشة و لا لأ؟؟
و أجزائها أصلية و لا في حاجة اتغيرت؟؟
الف مبرووووووووك
صديقي المواطن
طبيعي أي حد يشتري عربية بعد ميشتريها محتاج حد يقول له إنه لم يخطيء وإختيار موفق عشان يفرح بإنجازه وإنه متغلبش وإحنه نحب نقوللك سعر كويس وربنا يفتح عليك ويجعلها خيمة فوق رأسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
سعرها كويس .. الف مبروك
انا واخدها من واحد قريبى بيتاجر فيهم بس مضمون جدااقتباس:
المشاركة الأصلية كتبت بواسطة mhopa2440
تسلم يا باشا ربنا يخليكاقتباس:
المشاركة الأصلية كتبت بواسطة deshahcoka
هى ماشية 90 الف انا عارف انهم كتير شوية بس فعلا العربية حالة الزيرواقتباس:
المشاركة الأصلية كتبت بواسطة svneleven
العربية حالة الزيرو وكل حاجة فيها تمام انا اخدت معايا واحد فحصها بس هى عامة من واحد قريبى ومضمون جدا وعاملة 90 الف كيلواقتباس:
المشاركة الأصلية كتبت بواسطة abohend
لا على فكرة انا سألت عشان لو السعر كتير الناس تقولى وانا مش هزعل انا اشتريتها وخلاص وانا راضي بنصيبى حتى لو غالية انا اصلا اشتريتها بالصدفة وانا كنت رايح اشتري اكسنت rbاقتباس:
المشاركة الأصلية كتبت بواسطة saddam
وعموما يا باشا ربنا يبارك فيك وانا بشكرك جدا
الله يبارك فيكم جميعا وبشكركم على مشاركتكم واللى بيسأل على حالة العربية هى بحالة الزيرو موتور وعفشة وكل حاجة فيها الحاجة الوحيدة اللى فيها هى ان الباب اللى ورا يمين كان مفتوح وصاحب العربية كان بيرجع لورا والباب خبط فى حاجة وفيه حتة متنية كدة بس مفيش اى دهان فى العربية خااااااااااااالص
100 كتير ع عربيه ماشيه 90 الف كيلو بس طلما هى كويسه مبروك
انا عارف انها ماشية كتير شوية بس اعتقد اغلبهم سفر وحالة العربية ممتازة جدا ولا كأنها عاملة الف كيلواقتباس:
المشاركة الأصلية كتبت بواسطة ahmed opel
سعر ممتاز مبرووك
ألف مبروك و ربنا يبارك لك فيها. ... استمتع بالعربيه و سيبك من اللي تم خﻻص.
Sent from my GT-N7100 using Forum Runner
الله يبارك فيك .. العربية كويس جدا معايا الحمد لله
سعر كويس
مبروك