استفسارات بخصوص شيفرولية لانوس 2012|2013|2014

السلام عليكم.انا معايا لانوس 1 موديل 2000
هاف اوبشنز,و ركبت النوبيرا بردة و الاتنين رائعين و انا من عشاق الدايو لكن طبعا بعد افلاسها في 2008 زعلت و فرحت تاني لما عرفت ان منصور هياخد اللانوس قلت اجيبها زيرو لكن في ناس كتير بتشتكي منها بس قريت موضوع في موقع(دون ذكر اسمة) انها رجعت كوري زي زمان هل دة صحيح ولا لأ
و هل هي ابعادها اختلفت عن الدايو ولا لأ لأن ركبتها مع زميلي موديل 2010 كانت صغيرة من جوة اصغر من بتاعتي و في الشارع بحس انها اصغر او اقل في العرض
هل دة صحيح ولا انا متهيألي
شكر للردود مقدما

تهيؤات ياصديقى

لا بتهيالك بس اكيد ركبتها بلون عامق عشان كده حسيتها كنزه من بره شوية بس الحقيقه هما الاتنين كابعاد وشكل واحد عدا الشبكة بس انا رايي شبكة الدايو كانت احلي كتير مجرد اختلاف اذواق بس مشكلة الشيفورليه لانوس ان معظم المكونات بقت صيني فبقت اسوء شوية من الدايو وكمان مراكز الصيانة اللي تبع منصور معظمها عايز الحرق ناس مش فاهمه حاجة بالرغم ان ميكانيكا اللانوس بسيطه اوي واي ميكانيكي يشتغل فيها باحتراف ومشاكلها معروفه انما مهندسين التوكيل دول تقولش جايين من هونولولو وفعلا شكلها عجز اوي كفاية عليها كده خاصة الاستهبال في سعرها بس احيانا بحسها احسن شوية ف الخامات من اللوجان بس ايام ماكانت دايو مش شيفورليه ف النهاية لو بتعشق الدايو اوي هات اللاسيتي نفس قطع غيار الكروز ومكنة الكروز فيس ليفت الجديده وصراحة كماليات احسن ومكنة احسن وخامات احسن من الكروز مليون مره بتهيالي اللاسيتي كنت بشوفها كتير ف بورسعيد

فرق شبكة وكاسيت وزجاج ملون
واختلاف في التقفيل والخامات المستخدمة
غير كدة الاتنين واحد في الابعاد وكل حاجة