عايز اصلح العربية فى التأمين اعمل اية؟؟

**merosss** · 23-09-2008 05:28 PM

انا معايا عربية دايو نوبيرا 2008 واتخبطت خبطة بسيطة كدة فى الرفرف انا مأمن مع الجمعية المصرية للتأمين كنت عايز اعرف المفروض أعمل اية او اروح فين عشان تتصلح العربية تبع التامين

**MoToRiZeR** · 23-09-2008 05:48 PM

حضرتك أول حاجة بتعمل إخطار للجمعية بالحادث و بتروح تتفق مع حد في الجمعية من اللي بيعملوا المعاينة لتقدير قيمة الخسائر و تتفقوا إذا كنت عايز تصلح في التوكيل ولا في مركز صيانة معتمد من الجمعية .. لو في التوكيل الراجل هيروح يعاين في التوكيل و يدي موافقة للتوكيل بالتصليح و بيتصرفوا هما مع بعض .. لو هتصلح تبع الجمعية بتروحوا المركز ده و بتسيب العربية و هما بيخلصوها و تيجي تستلمها .

**merosss** · 23-09-2008 06:01 PM

المشاركة الأصلية كتبت بواسطة MoToRiZeR

حضرتك أول حاجة بتعمل إخطار للجمعية بالحادث و بتروح تتفق مع حد في الجمعية من اللي بيعملوا المعاينة لتقدير قيمة الخسائر و تتفقوا إذا كنت عايز تصلح في التوكيل ولا في مركز صيانة معتمد من الجمعية .. لو في التوكيل الراجل هيروح يعاين في التوكيل و يدي موافقة للتوكيل بالتصليح و بيتصرفوا هما مع بعض .. لو هتصلح تبع الجمعية بتروحوا المركز ده و بتسيب العربية و هما بيخلصوها و تيجي تستلمها .

انا عايز اعملها فى التوكيل يعنى انا اروح الجمعية واخد موافقة وبعدين اروح اعملها فى التوكيل ولا انا اسبها فى التوكيل وهما يبعتوا حد يعاين ويوافق انا مفهمتش ولو هروح هى فين المبنى بتاع الجمعية دة معلش انا متقل عليك شوية

**MoToRiZeR** · 23-09-2008 06:05 PM

لا يا باشا متقلتش ولا حاجة

إنت بتعمل الإخطار و هما بيقولولك سيبها في التوكيل و هما يعاينوا و يصلحوا أو بيتفقوا معاك علي يوم بتروح فيه إنت و اللي هيعاين التوكيل وده أحسن .. أهم حاجة تعمل الإخطار الأول و هما هيقولولك .. مبني الجمعية في العباسية مش فاكر العنوان بالزبط بس هتلاقيه في وثيقة التأمين