لمبة النور الامامي باظت

**ehab_osman** · 23-01-2014 09:10 AM

اللمبات الجديده ضلمة خالص ؟؟؟؟؟ انا ماشي في الضلمة لوحدى وكل العربيات الكارنيز منورة فله حوالي ؟؟؟؟؟؟؟؟؟؟؟؟؟؟؟؟؟؟؟؟؟؟؟ اعمل يا ربي انا لسه دافع 110 جم في 2 لمبة ....
المهم روح طالع علي الجيندي امس الاربعاء 22-1-2014 اللي في شارع الطيران ...............عندك اللمبة الاصلية 0a17 philips h7 12v 55w dot 12972
e1 22 z u germany .

عندي بكام بـ 35 جم ؟؟؟؟؟؟؟؟؟ هات يا عم اثنين ؟؟؟؟؟؟؟؟؟؟؟
اللمبة ركبتها بنفسي في 5 دقائق فكت الكشافين وركبت وشغلت ......... في عز النهار اللمبات شغاله فله .
كان معايا غطاء اللمبة اللي جايبها من شارع احمد سعيد وورتها للبائع ......... قالي شوف يا بيه اللي مكتوب عليها صنع في المانيا ده استيكر خارجي ملصوق علي غلاف اللمبة يعني تقليد ازي حضرتك ما شكتش فيها .
المهم ايضا اللمبة انا جبتها الاحد ليلا وغيرتها الاربعاء صباحا ... لقيت لمبة منفخة والاثنين مهببين عليهم هالة سوداء ........ يعين مسألة يوم او يومان وكانت حتضرب ؟؟؟؟؟؟؟؟

**Khaled_Nowaihy** · 24-01-2014 10:38 AM

قدر الله وما شاء فعل والحمد لله على كل حال
عشان حضرتك كنت مزنوق لما اللمبة الثانية باظت اضطريت تشترى المضروبين من غير تفكير
والبياعين ولاد الحلال الله يبارك لهم بيستغلوا المواقف دى كويس قوى
منهم لله

المهم اننا لازم نشترى لمبات احتياطى لكل نوع عشان المواقف الطارئة اللى زى دى
أنا حاروح اشترى 3 لمبات (انتظار + عادى + عالى) واحتفظ بيهم فى الشنطة

**horas3000** · 24-01-2014 01:25 PM

انا شايف تاخد اللمبتين البايظين و تروح ترميهم في وش البياع
و تديله كلمتين و تحسبن عليه
و تحاول طبعا ترجعهم او تاخد حاجه غيرهم

**khsalama** · 27-01-2014 02:08 AM

الفلوس الحلال عمرها ما تضيع

**horas3000** · 27-01-2014 02:39 PM

المشاركة الأصلية كتبت بواسطة sherif khalifa

حد طيب جرب زينون على عدسات النور الواطى ؟

ليا صديق مجربه و شغال زي الفل
و بشوف عربيات كارينز كتير مركباه عادي
الميزه ان الكارينز نازله بعدسات و ده مصلحه
و في زميل هنا مركب زنون في الواطي و العالي و الفوجات كمان

المشاركة الأصلية كتبت بواسطة ehab_osman

بناء علي اقتراح الاخ horas3000 روحت اليوم الاحد 26/1/2014 الساعة 5.30 تقريبا وقلت اقول اي حاجة مع الناس ديه ( محلات العماد ) في شارع احمد سعيد .................. ده أكبر محل في الشارع وله واجاه أكثر من 3 محلات يعيني انا مروحتش لمحل اي كلام ........... المهم المفأجاة بعد لما شرحت له الموضوع

ادني قيمة اللمبات ال 110 جم بالكامل ؟؟؟؟؟؟؟؟؟؟؟؟؟؟؟؟؟ وصراحة لم ينطق تقريبا بأي كلمة ........................ بقيت مش مصدق نفسي وخت الفلوس وطرت من الفرحة .

محل و ناس محترمين بصراحه
و الف مبروك