شباب المنتدى الكرام
السلام عليكم ورحمة الله وبركاته
ياترى ايه سبب انعدام صوت الكونتاكت عند بدء الدوارة بقى كأنه مفتاح باب شقة راح لغاية الأخر بدون اى صوت ولا تكتكه ولا حشرجة المارش المعلق ولا اى نفس
الموقف البايخ ده حصل في وسط مشاوير اليوم كنت وقفت العربية بعد مشوار 20 كيلو اجيب حاجات جيت ادورها علق الكونتاكت ذى ما وصفتلكو 3 مرات ثم دارت بعد كده
كده تبقى بطارية ولا مارش
دة اوتوماتيك مارش يا باشا وامرة سهل جدا واعملة علشان هتلاقى قطعت مرة واحدة
1- المارش عايز يتفك ويتغيرله اوتوماتيك المارش او تجيب مارش استيراد
2- او الكونتاكت نفسة هو المشكلة
ولكني ارجح السبب رقم واحد لان العيب ده كان عندي وعاملة من 20 يوم
اصل واحد كهربائي فالسكة اللي كنت فيها معرفهوش قاللي بعد قياس فولت البطارية والدينامو ده عيب بطارية
مع انها دارات قدامه 3 او 4 مرات تمام وكان رقم قياس البطارية والعربية مبطلة 12.5 فولت
دة ممكن يكون الكونتاكت نفسة فية مشكلة
او اوتاميتك المارش زي الاخوة ما قالوا
و ممكن تكون البطارية بدأت تهيس و لو هي البطارية ممكن تتأكد بانك تروح عند واحد بتاع بطاريات و تقيسها علي الجهاز و هو هيقولك حالتها
لو علقت منك 3 مرات والرابعة دارت يبقى عمرها ما تبقى بطارية ده في الغالب اوتوماتيك المارش بيعلق ولما التعليقة تروح بتروح لاقطة