الموضوع: هو ازاى الصين وصلت لكدة

المشاركة الأصلية كتبت بواسطة dedi

سؤال محيرنى هو الصينيين وصلوا لكدة ازاى وتقدموا شعب لا يؤمن بالهة وعندما تتعامل معهم تحس بانهم موش عباقرة او اذكياء لية نحن وصلنا لكدة ازمة ضمير طيب همن اية الذى نما الضمير عندهم واحنا لية كدة شعب ذكى لماح ومبدع ذو حضارة متدين مسيحى او مسلم

لان ناس كتير من المصريين (الا من رحم ربى ) لا عندهم الالتزام الصحيح بالدين الحنيف
فيقودهم للازدهار و لا عندهم الاجتهاد ف العمل زى اللى ما بيؤمنوش الا بالدنيا
تلاقى الواحد من دول مصدق ان ربنا هو الرزاق , لكنه فاكر ان الرزق هيخبط ع بابه
م الاخر ,, دا لا فاهم الدين صح و لا فاهم الدنيا صح

المشاركة الأصلية كتبت بواسطة dedi

هل يوجد امل فينا

[justify]معتقدش خاااااااااااااااااااااااا ااااااااااااالص و لا حتى شايف بصيص [/justify]

علشان الالتزام الالتزام بالقانون وتطبيقة وهما عندهم من جواهم الجزء دة بيحبو ميبقوش مخالفين او خارجين عن القانون

الاهم ان كل الشعب متعلم وبيهتمو بصحتهم اساسيات مفيش نسبة امية وشحاتين زينا حتى العاوز يكسب بطريقة افضل انه يمارس موهبة او يتعلم حاجة يقدر يقدمها لعرض فى الشارع علشان ياخد مبلغ او هو مشرد والدولة برضة بتهتم

الالتزام بيبدأ من اول احترام داخل الاسرة وبعدها الاحترام داخل المبنى السكنى وبعدها الشارع والمنطقة المدرسة الجامعة وبالتالى بيخرج للمجتمع انسان قادر يفيد وصالح فى تسلسل ماشيين بية مفيش حد ماشى يرمى زبالة فى الشارع ولا فى حد صوتة عالى بيحترمو بعض احنا هنا بناكل فى بعض الحب والالفة دة تلاقيها داخل العيلة او ما بين الاصحاب ومش كل العائلات ولا كل الاصحاب كدة الوحش كتير

البنية التحتية كل يوم فى تطور بيطورو من نفسهم معندهمش افكار وعقول وبدون تنفيذ لا فى اهتمام باى اختراع وبيتطبق سهل تنفذ وتنشىء شركة وسهل تعمل اى حاجة برة فى حدود قدراتك و ابداعك والامكانيات المتوفرة والدولة بتهتم

عندهم طموح مفيش حاجة ميقدروش يصنعوها عندهم اخلاص رهيب للعمل وبيقدرو قيمة الوقت جداً اتربو على كدة وبقت طباع شعب بأكملة وصلو لدة كلة مش فى يوم وليلة لا جهد سنين وحافظو علية

السؤال هنا مش لية الصين احنا لية بقى حالنا كل فترة للاسواء الموضوع مش تدين وبس اللكل واحد بيترجمة على رغبتة او وجهة نظرة بالتالى حال البلد زى ما انت شايف .

المشاركة الأصلية كتبت بواسطة besso

احنا محتاجين محمد على من جديد

والفيلم ده هديه منى ليكو عن محمد على ونهوضه بمصر

أختلف مع حضرتك تماما
عهد محمد علي هو بداية عهد التبعية والتقليد والتخلي عن تراثنا واستقلالنا وحضارتنا وهو بذرة لما وصلنا إليه الآن من جهل وفقر وتخلف وانحطاط ولهاث خلف الأمم
أنصحك بقراءة بعض الكتب التاريخية (الصحيحة) فما أكثر الكتب التي زورت وشوهت تاريخنا
من هذه الكتب (التي أنصح بها) :
كتاب "ودخلت الخيل الأزهر" لمحمد جلال كشك وكتبه الأخرى أيضا
وكتاب "رسالة في الطريق إلى ثقافتنا" لمحمود شاكر
وكتب محمد علي الصلابي مثل "الدولة العثمانية: عوامل النهوض وأسباب السقوط"
وكتاب "موقف العقل والعلم والعالم من رب العالمين وعباده المرسلين" لآخر مفتيي الدولة العثمانية مصطفى صبري