اختراع جديد لحل مشكلة عوامة بنزين ستروين ax نهائيا
السلام عليكم ورحمة الله وبركاته
صباح الفل على الجميع:
من ساعة ما جبت العربيه وهى عوامة البنزين بتخرف
وروحت لكذا واحد محدش عرف يعملها او كسل يعملها ... المهم انها ما اتعملتش
قولت اجيب عوامة استيراد جديدة لقيتها غاليه قولت مش مشكله اجيبها وخلاص عشان اخلص خصوصا ان لمبه الاحتياطى بايظه وكذا مره العربيه شطبت بنزين من غير ما اخد بالى روحت مالقيتهاش عند ولا واحد :(
النهارده قدرا كده كنت بغير كوالين البابين ولقيت واحد بتاع عدادات قدام بتاع الابواب فقولت اسأله على العوامه
المهم فكها لقى الملف الداخلى مكسور وكان ملحوم قبل كده كذا مرة وفى تصليحات قديمة موجوده ... المهم يعنى انها مش هاتنفع
روحنا جبنا عوامة جديده ب 60 جنيه بتاعه رينو باين او حاجه تانيه انا مخدتش بالى وخدنا منها الملف وقطعه صغيره كمان وقام لاحم كل ده فى العوامه القديمه وكل ده وانا مش مقتنع .... بس المفاجأة بقى انها اشتغلت زى الفل :) وخد 20 جنيه مصنعيه وقاللى انت دلوقتى بقى عندك عوامة جديدة ولو فيها اى مشكله بتاعتى :)
بس خلاص :) :) :)
