عاوز اخد قرار نهائي و محتاج راي منسق القسم و ملاك 301

انا عارف اني سالت الموضوع ده قبل كده بس فعلا انا محتار و محتاج اخد قرار نهائي انا من اسوان وقررت اغير عربيتي و مش شايف اي حاجة في السوق تستاهل تمنها غير ال 301 بس للاسف مافيش اي مراكز صيانة معتمدة في الصعيد بس انا ممكن انزل العربية علي صيانة ال 10000 كيلو اللي هتكون تقريبا علي استهلاكي بعد سنة من بداية استخدمها فهل ممكن بعد كده اغير الزيوت و اربط العفشة عندي ولا ده يخرج العربية من الضمان و هل ممكن انزل السوفتوير الجديد بعد الاستلام لاني غالبا مش هانزل صيانة ال 2500 و بصراحة ناس كتير بتقولي ابعد عن البيجو و خليك في حاجة صيانتها سهلة برة التوكيل و منتشرة الا اني فعلا حابب العربية و مش هاعرف اركب حاجة تانية و خايفة اشتري صني ولا ريو و اندم
افيدوني افادكم الله

أنا من إسكندريه و مسافر بكره إن شاء الله .. كنت ناوي أحجزها قبل السفر من كام يوم بس متردد جدا" .. عمري مركبت غير ياباني .. هوندا أكورد 82 ثم سيفيك 90 ثم لانسر 2005 ثم ياريس 2008 .. البيجو 301 عجباني جدا" و محتاج أغير عربيتي لأنها مانيوال و القياده في الإسكندريه أصبحت لا تطاق .. مش قادر أثق غير في الياباني و ش قادر أخد القرار ده .. ياريت يا أخ "aswasiam" تشوفلنا حد يشجعنا إحنا الإتنين :)

اقتباس:

---

المشاركة الأصلية كتبت بواسطة hammouda78

أنا من إسكندريه و مسافر بكره إن شاء الله .. كنت ناوي أحجزها قبل السفر من كام يوم بس متردد جدا" .. عمري مركبت غير ياباني .. هوندا أكورد 82 ثم سيفيك 90 ثم لانسر 2005 ثم ياريس 2008 .. البيجو 301 عجباني جدا" و محتاج أغير عربيتي لأنها مانيوال و القياده في الإسكندريه أصبحت لا تطاق .. مش قادر أثق غير في الياباني و ش قادر أخد القرار ده .. ياريت يا أخ "aswasiam" تشوفلنا حد يشجعنا إحنا الإتنين :)

---

ربنا يعينا للي فيه الصواب بس انا مشكلتي مختلفة انا باتكلم عن الصيانة لاي ما عنديش مراكز معتمدة في الصعيد بس انا لو في القاهرة او اسكندرية ما كنتش ترددت ثانية واحدة انا كان معايا اوبل97 قبل عربيتي الفيرنا و بعتها عشان قطع الغيار مش موجودة عندنا بس بصراحة الاوربي ركوبة تانية خالص و لما تركب اروربي هتعرف كلامي انا بس عاوز اعرف راي المنسق ا احمد امين عشان الصيانة

توكلوا علو الله انا هتم ال3 شهور الحجز ومفروض استلم على اخر الشهر
وللمنتدى والسادة الاعضاء بعد توفيق ربنا اختيارى لل ٣٠١
المنتدى مفصص العربيه عيشوا فى البحث واستخيروا ربنا وان شاء الله مش هتندموا

متابع يا اخوانا مافيش حد يفيدنا ولا ايه

اخى الكريم اشجعك على البيجو
طبعا حكاية اسوان دى تستاهل تفكر فيها لانها مسافة جبارة(انا اصلا من سوهاج و مقدر مشوارك)
بس فيه فكرة....صيانة 2500 كم هى اللى هتبقى مشكلة ان معادها قريب من الاستلام...هى باختصار تقدر تقول للاطمئنان ع العربية و اهم حاجة فيها تنزيل السوفت وير
فانا رايى لو هتستلم من القاهرة ممكن تتصل بالتوكيل ينزلو لك السوفت وير مع الاستلام و بعدين تبقى تيجى كل سنة تقريبا عل الصيانة كل 10000
لكن العربية تستاهل
انا معايا الهايلاين و احمد الله كل لحظة انى ما غيرتش لاى حاجة تانية كنت بفكر فيها من الاختيارات التانية و اتعطلت لغاية ما عرفت البيجو

انا رايي انك تستتخير ربنا الاول
وبعدين موضوع الصيانه ده ها يبقي متكرر في اي عربيه جديده تجيبها
هي المشكله عندك هتبقي من صيانة ٢٥۰۰ لكن صيانة ال عشر الاف تبقي كل سنه تقريبا
فالحل انك تاخد اجازه اسبوع عشر ايام كده تعدي بيها الفين كده متعمل صيانتها وتسافر علي خير بعد كده

متابع يا اخوانا وعاوز راي ا احمد امين شخصيا

اقتباس:

---

المشاركة الأصلية كتبت بواسطة aswasiam

انا عارف اني سالت الموضوع ده قبل كده بس فعلا انا محتار و محتاج اخد قرار نهائي انا من اسوان وقررت اغير عربيتي
و مش شايف اي حاجة في السوق تستاهل تمنها غير ال 301 بس للاسف مافيش اي مراكز صيانة معتمدة في الصعيد بس انا ممكن انزل العربية علي صيانة ال 10000 كيلو اللي هتكون تقريبا علي استهلاكي بعد سنة من بداية استخدمها

---

أهلاً بيك, :original:
أولاً أسوان بعيدة أه, بس أحنا معانا ناس من الأقصر وبتنزل تعمل صيانتها كل 10 الأف برضه في القاهرة كل زي أستاذ أسلام eleanor معاه بيجو 508.
وفعلاً ال 301 هيا أفضل وأقيم صفقة في السوق حالياً, فالو مشكلتك في الصيانة بس

اقتباس:

---

المشاركة الأصلية كتبت بواسطة aswasiam

فهل ممكن بعد كده اغير الزيوت و اربط العفشة عندي ولا ده يخرج العربية من الضمان

---

هوا المفروض في خلال فترة الضمان تغير الزيت معاهم,,
ولو كدا هتبقي زيارة كل 10 الأف كيلو مرة, ولو بتعمل 10 الأف كيلو في السنة هتبقي زيارتين بس ليهم لأن في السنة التالتة هتكون خرجت من الضمان
وممكن تغير الزيت في أي مكان ساعتها وهوا مش معقد ولا صعب في التغير وسهل جداً.

وتربيط العفشة ممكن تعمله في أي مكان من يوم ما تستلم العربية عادي لأنها مش حاجة معقدة ولا تخرج العربية من الضمان.

اقتباس:

---

المشاركة الأصلية كتبت بواسطة aswasiam

و هل ممكن انزل السوفتوير الجديد بعد الاستلام لاني غالبا مش هانزل صيانة ال 2500

---

صيانة ال 2500 مهمة عشان تربيط العفشة ومراجعة السوائل,
والحاجات دي مش هيبان لو فيها مشكلة من أول يوم بعد الأستلام,
لأن بعد ال 2500 كيلو لو كان فيه تسريب في زيت من الزيوت أو السوائل هيبان,
لكن من يوم الأستلام مش هيبان الكلام دا عشان يتعمل,, وعموماً ممكن تسئلهم في التوكيل لو كان ينفع تعمل ال Check دا بعد ما تستلم يبقي كويس أوي,
لأن فيه عربيات كتيرة ناس بتشتريها من معارض ومش بتروح لا توكيل ولا بتعمل صيانة معاه وبتمشي عادي من غير مشاكل, فا متقلقش نفسك من الحتة دي,

وكمان السوفت وير مش حيوي أووي, يعني مش اللي هوا نازل عشان يعالج مشكلة في العربية,
يعني العربية ممكن تمشي عادي 10 الأف و20 الف من غير ما تعمله,
لكن بعد ما تعمله هتلاقي السحب أحسن والأستهلاك أفضل وتاخد أخر update لكل حاجة.

اقتباس:

---

المشاركة الأصلية كتبت بواسطة aswasiam

و بصراحة ناس كتير بتقولي ابعد عن البيجو و خليك في حاجة صيانتها سهلة برة التوكيل و منتشرة الا اني فعلا حابب العربية و مش هاعرف اركب حاجة تانية و خايفة اشتري صني ولا ريو و اندم افيدوني افادكم الله

---

دي ثقافة ناس كتير من الشعب المصري,, ودا اللي خلي الناس تستسهل وتجيب كوري وتعمل أسم للكوري وتشوف أسعاره دلوقتي وصلت للأوروبي وحتي بعد ما سعره بقي عالي كدا لسه مش في نفس الجودة ولا الأمان.

البيجو صيانتها مش صعبة زي ما الناس متخيلة, كتير تلاقي ناس تقولك لو عطلت لازم ونش يوديها للتوكيل ومش هتتحرك من مكانها, وكل حاجة فيها بالكمبيوتر والعفريت طيب ماهي العربيات الجديدة كلها شغالة بالكمبيوتر !
العربية مش لعبة ولا ورقة, موتورها قوي وعفشتها محترمة,, يعني لا تقارن بالصني ولا الريو,,
أنت لما تركب فيها وهيا واقفة في المعرض هيا والعربيتين التانين هتحس بالفرق في التقفيل والخامات,
ولما تسوقها هتحس أحساس تاني خالص,,

أنا من رأيي أتوكل علي الله فيها,
وكدا كدا أي عربية جديدة مش هتحتاج منك تعمل أي صيانة كبيرة ولا معقدة غير بعد 4 ل 5 سنين,,
وساعتها ممكن يكون فيه مركز فتح قريب منكم أو بقي فيه ناس أكتر تشتغل فيها.

وطبعاً أستخير ربنا قبل أي حاجة, وأعمل الحاجة اللي تريحك وبالتوفيق في الشراء. :tumb:

اقتباس:

---

المشاركة الأصلية كتبت بواسطة ahmed amin

أهلاً بيك, :original:
أولاً أسوان بعيدة أه, بس أحنا معانا ناس من الأقصر وبتنزل تعمل صيانتها كل 10 الأف برضه في القاهرة كل زي أستاذ أسلام eleanor معاه بيجو 508.
وفعلاً ال 301 هيا أفضل وأقيم صفقة في السوق حالياً, فالو مشكلتك في الصيانة بس


هوا المفروض في خلال فترة الضمان تغير الزيت معاهم,,
ولو كدا هتبقي زيارة كل 10 الأف كيلو مرة, ولو بتعمل 10 الأف كيلو في السنة هتبقي زيارتين بس ليهم لأن في السنة التالتة هتكون خرجت من الضمان
وممكن تغير الزيت في أي مكان ساعتها وهوا مش معقد ولا صعب في التغير وسهل جداً.

وتربيط العفشة ممكن تعمله في أي مكان من يوم ما تستلم العربية عادي لأنها مش حاجة معقدة ولا تخرج العربية من الضمان.

صيانة ال 2500 مهمة عشان تربيط العفشة ومراجعة السوائل,
والحاجات دي مش هيبان لو فيها مشكلة من أول يوم بعد الأستلام,
لأن بعد ال 2500 كيلو لو كان فيه تسريب في زيت من الزيوت أو السوائل هيبان,
لكن من يوم الأستلام مش هيبان الكلام دا عشان يتعمل,, وعموماً ممكن تسئلهم في التوكيل لو كان ينفع تعمل ال check دا بعد ما تستلم يبقي كويس أوي,
لأن فيه عربيات كتيرة ناس بتشتريها من معارض ومش بتروح لا توكيل ولا بتعمل صيانة معاه وبتمشي عادي من غير مشاكل, فا متقلقش نفسك من الحتة دي,

وكمان السوفت وير مش حيوي أووي, يعني مش اللي هوا نازل عشان يعالج مشكلة في العربية,
يعني العربية ممكن تمشي عادي 10 الأف و20 الف من غير ما تعمله,
لكن بعد ما تعمله هتلاقي السحب أحسن والأستهلاك أفضل وتاخد أخر update لكل حاجة.


دي ثقافة ناس كتير من الشعب المصري,, ودا اللي خلي الناس تستسهل وتجيب كوري وتعمل أسم للكوري وتشوف أسعاره دلوقتي وصلت للأوروبي وحتي بعد ما سعره بقي عالي كدا لسه مش في نفس الجودة ولا الأمان.

البيجو صيانتها مش صعبة زي ما الناس متخيلة, كتير تلاقي ناس تقولك لو عطلت لازم ونش يوديها للتوكيل ومش هتتحرك من مكانها, وكل حاجة فيها بالكمبيوتر والعفريت طيب ماهي العربيات الجديدة كلها شغالة بالكمبيوتر !
العربية مش لعبة ولا ورقة, موتورها قوي وعفشتها محترمة,, يعني لا تقارن بالصني ولا الريو,,
أنت لما تركب فيها وهيا واقفة في المعرض هيا والعربيتين التانين هتحس بالفرق في التقفيل والخامات,
ولما تسوقها هتحس أحساس تاني خالص,,

أنا من رأيي أتوكل علي الله فيها,
وكدا كدا أي عربية جديدة مش هتحتاج منك تعمل أي صيانة كبيرة ولا معقدة غير بعد 4 ل 5 سنين,,
وساعتها ممكن يكون فيه مركز فتح قريب منكم أو بقي فيه ناس أكتر تشتغل فيها.

وطبعاً أستخير ربنا قبل أي حاجة, وأعمل الحاجة اللي تريحك وبالتوفيق في الشراء. :tumb:

---

الف شكر علي الرد يا باشا و انا مستني اسمع رايك من يوم ما نزلت البوست و فعلا كلامك طمنني و ان شاء الله استخير ربنا و اتوكل علي الله و احجز في التوكيل في اقرب فرصة

اقتباس:

---

المشاركة الأصلية كتبت بواسطة aswasiam

انا عارف اني سالت الموضوع ده قبل كده بس فعلا انا محتار و محتاج اخد قرار نهائي انا من اسوان وقررت اغير عربيتي و مش شايف اي حاجة في السوق تستاهل تمنها غير ال 301 بس للاسف مافيش اي مراكز صيانة معتمدة في الصعيد بس انا ممكن انزل العربية علي صيانة ال 10000 كيلو اللي هتكون تقريبا علي استهلاكي بعد سنة من بداية استخدمها فهل ممكن بعد كده اغير الزيوت و اربط العفشة عندي ولا ده يخرج العربية من الضمان و هل ممكن انزل السوفتوير الجديد بعد الاستلام لاني غالبا مش هانزل صيانة ال 2500 و بصراحة ناس كتير بتقولي ابعد عن البيجو و خليك في حاجة صيانتها سهلة برة التوكيل و منتشرة الا اني فعلا حابب العربية و مش هاعرف اركب حاجة تانية و خايفة اشتري صني ولا ريو و اندم
افيدوني افادكم الله

---

مع احترامى لكل الاراء ... مش من الطبيعى انك تنزل القاهره من اسوان 750 كم علشان تعمل سيرفس !!! غير كده افرض لا قدر الله حصل عطل مفاجأ ... حتعمل ايه وقتها ؟؟؟

حضرتك الافضل و العقل بيقول ان يكون توكيل عربيتك الجديده له فرع فى اسوان جنبك ...

تحياتى ...

اقتباس:

---

المشاركة الأصلية كتبت بواسطة aswasiam

الف شكر علي الرد يا باشا و انا مستني اسمع رايك من يوم ما نزلت البوست و فعلا كلامك طمنني و ان شاء الله استخير ربنا و اتوكل علي الله و احجز في التوكيل في اقرب فرصة

---

الشكرلله,, وربنا يخليك علي أهتمامك بردي وتكون أطمنت أكتر. :original:
ربنا يوفقك في الحجز والأستلام. :tumb:

اقتباس:

---

المشاركة الأصلية كتبت بواسطة Batman372

مع احترامى لكل الاراء ... مش من الطبيعى انك تنزل القاهره من اسوان 750 كم علشان تعمل سيرفس !!! غير كده افرض لا قدر الله حصل عطل مفاجأ ... حتعمل ايه وقتها ؟؟؟

حضرتك الافضل و العقل بيقول ان يكون توكيل عربيتك الجديده له فرع فى اسوان جنبك ...

تحياتى ...

---

أفرض,, وأركب للسوق, وحتعمل أيه وقتها,,
وأنت مزعل نفسك كدا ليه بس.؟؟ :)
مفيش حاجة أسمها الأفضل والعقل,, في حاجة أسمها عربية تستاهل ولا متستاهلش.
أنا أعرف ناس معاهم ٣٠٧ و ٤٠٧ و ٥٠٧ في طابا والاقصر والغردقة,, ومفهمش توكيل بيجو وعادي.

بعدين هوا مش بيشتري عربية كوري ولا صيني ولا حتي تقفيل مصري. :bye2:

اقتباس:

---

المشاركة الأصلية كتبت بواسطة ahmed amin

أفرض,, وأركب للسوق, وحتعمل أيه وقتها,,
وأنت مزعل نفسك كدا ليه بس.؟؟ :)
مفيش حاجة أسمها الأفضل والعقل,, في حاجة أسمها عربية تستاهل ولا متستاهلش.
أنا أعرف ناس معاهم ٣٠٧ و ٤٠٧ و ٥٠٧ في طابا والاقصر والغردقة,, ومفهمش توكيل بيجو وعادي.

بعدين هوا مش بيشتري عربية كوري ولا صيني ولا حتي تقفيل مصري. :bye2:

---

حضرتك الى مزعل نفسك !!!! و متحيز لاى حاجه اسمها بيجو و السلام !!!
و يا ريت تقولى فعلا ... لو حصل عطل مفاجأ ... حيعمل ايه وقتها ؟؟؟
و لا علشان بيجو .. مش حيحصل حاجه زى الكورى و الى بيتقفل فى مصر ؟؟

و مع احترامى فيه حاجه اسمها الافضل / الواقع / العقل ........ الخ !!!!!!!

و انا ردى كان لصاحب الموضوع ... مش ليك !!!
و فى النهايه هو حر .. ان شاءالله يروح يعمل صيانه فى المريخ ... ما هو عادى بقى :)

اقتباس:

---

المشاركة الأصلية كتبت بواسطة Batman372

حضرتك الى مزعل نفسك !!!! و متحيز لاى حاجه اسمها بيجو و السلام !!!
و يا ريت تقولى فعلا ... لو حصل عطل مفاجأ ... حيعمل ايه وقتها ؟؟؟
و لا علشان بيجو .. مش حيحصل حاجه زى الكورى و الى بيتقفل فى مصر ؟؟

و مع احترامى فيه حاجه اسمها الافضل / الواقع / العقل ........ الخ !!!!!!!

---

أولاً طبعاً هوا حر,, ومش هيروح المريخ ولا حاجة عيب تتريق علي الراجل كدا. :original:

ثانياً أنا مش متحيز للبيچو والسلام,,!!
أنا بقول رأيي اللي أنا شايفه في الحاجة اللي أنا بفهم فيها,

وشايف إنها أحسن عربية في السوق بالسعر دا,, والبديل التاني هيا الستروين الاليزيه,,
لكن مفيش حاجة كوري ولا غيرة هتديك نفس مواصفات البيجو بالسعر بتاعها,, فمتقولش متحيز الله يكرمك.
وواجه نفسك,, وواجه الواقع // وشوف الأفضل // وفكر بالعقل ألخخخ. :grinder:

أكيد التقفيل الأوروبي غير الكوري والمصري,, دي حاجة.
وهات لي كدا حاجة كوري سعرها بيبدأ من ١٠٨ ألف وفيها ٢ أيرباج, Abs+Ebd و إيموبلايزر ,,
فيه ولا مفيش.؟ مفيش. طب واجه نفسك. :grinder:

وأنا مش مزعل نفسي أنا شايفك أنت اللي زعلان و بتدخل في مواضيع البيجو تتكلم عن الكوري
وتحاول تدور علي أي حاجة تنفر الناس من العربية وزعلان إن الناس بتشتريها وكدا. :baby21::wink01:

اقتباس:

---

المشاركة الأصلية كتبت بواسطة Batman372

و انا ردى كان لصاحب الموضوع ... مش ليك !!!
و فى النهايه هو حر .. ان شاءالله يروح يعمل صيانه فى المريخ ... ما هو عادى بقى :)

---

ثالثاً وأخيراً ياريت تقرأ أسم الموضوع تاني كويس كدا,,,
" عاوز اخد قرار نهائي و محتاج راي منسق القسم و ملاك 301"

يعني السؤال مكنش موجه ليك,, ولا حد طلب رأيك, بما أنك مش منسق القسم ولا مالك من ملاك ال ٣٠١. :wink01:
وبرضه رأيك علي عينا وراسنا. :bye2:

ا. احمد منسق قسم 301 ... لا تعليق منى على طريقتك فى النقاش ...
و لو سمحتك غير مرحب بك فى التعليق على اى مداخله منى فى اى موضوع !!!

بعتتزر لصاحب الموضوع على مداخلتى !!

اقتباس:

---

المشاركة الأصلية كتبت بواسطة batman372

ا. احمد منسق قسم 301 ... لا تعليق منى على طريقتك فى النقاش ...
و لو سمحتك غير مرحب بك فى التعليق على اى مداخله منى فى اى موضوع !!!

بعتتزر لصاحب الموضوع على مداخلتى !!

---

أنا رديت علي تعليقك لأنه كان موجه ليا,, ولأنك أتهمتني بالتحيز.!
وبتقولي إن ردك مكنش ليا وكان لصاحب الموضوع, في حين إن صاحب الموضوع كان طالب رد ناس معينة. !!

وعموماً أنا قلت لك رأيك علي عينا ورأسنا,, ومفيش داعي للأسف.
تحياتي ليك.

اقتباس:

---

المشاركة الأصلية كتبت بواسطة Ahmed Amin

أنا رديت علي تعليقك لأنه كان موجه ليا,, ولأنك أتهمتني بالتحيز.!
وبتقولي إن ردك مكنش ليا وكان لصاحب الموضوع, في حين إن صاحب الموضوع كان طالب رد ناس معينة. !!

وعموماً أنا قلت لك رأيك علي عينا ورأسنا,, ومفيش داعي للأسف.
تحياتي ليك.

---

راجع اول مداخله منى ... و لا جبت سيرتك !!
كل الى نصحت به صاحب الموضوع فى كلمتين انه يجيب عربيه لها توكيل عنده فى اسوان !!
و لا جبت سيره بيجو و لا كورى و لا خلافه !!

يبقى مين الى متحيز و مزعل نفسه ؟؟؟

و لو متابع كل مداخلاتى اكيد كنت حتعرف انى الحمد لله ركبت/امتلكت معظم الموديلات الى فى السوق المصرى و من 2001 و العربيه الاولى ال luxury دائما مرسيدس او بى ام ...
يعنى مش متحيز لاى حاجه و كل مداخلاتى حياديه جدا لانى من عشاق عالم السيارات ... يعنى كل جديد هو افضل ... لكنى ضد التقليل المبالغ فيه من شان اى عربيه !!! و بالعكس التفخيم الشديد لاى عربيه تانيه !!!

على العموم حصل خير ... و يا ريت مستقبلا مفيش داعى للردود المستفذه دى :)
تحياتى ...

اقتباس:

---

المشاركة الأصلية كتبت بواسطة Batman372

راجع اول مداخله منى ... و لا جبت سيرتك !!
كل الى نصحت به صاحب الموضوع فى كلمتين انه يجيب عربيه لها توكيل عنده فى اسوان !!
و لا جبت سيره بيجو و لا كورى و لا خلافه !!

يبقى مين الى متحيز و مزعل نفسه ؟؟؟

و لو متابع كل مداخلاتى اكيد كنت حتعرف انى الحمد لله ركبت/امتلكت معظم الموديلات الى فى السوق المصرى و من 2001 و العربيه الاولى ال luxury دائما مرسيدس او بى ام ...
يعنى مش متحيز لاى حاجه و كل مداخلاتى حياديه جدا لانى من عشاق عالم السيارات ... يعنى كل جديد هو افضل ... لكنى ضد التقليل المبالغ فيه من شان اى عربيه !!! و بالعكس التفخيم الشديد لاى عربيه تانيه !!!

على العموم حصل خير ... و يا ريت مستقبلا مفيش داعى للردود المستفذه دى :)
تحياتى ...

---

برضه ردود مستفزة ؟؟ :rfds:
مانا قلت لك إن السؤال من الأول مكنش موجه ليك,,

ونصيحتك اللي أنت قدمتهاله وشكرتك عليها هيا نفس اللي هوا بيفكر فيه,
ونفس اللي كان بيسألنا حالياً فيه من اللي جربو العربية لأنه ناوي يشتريها,,
يعني هوا عارف نصيحتك قبل ما تقولها وعايز يعرف هل ممكن تمشي الأمور ولا لأ,

وأنا أكيد مش هراجع كل مشاركاتك عشان أعرف ركبت أيه من عربيات عادية وعربيات عالية و luxury زي ما بتقول,,
ربنا يباركلك طبعاً.

بس بعيد عن كل دا اللي بنتكلم فيه هنا إن ال301من وجهة نظرنا أحسن عربية بالسعر دا,
وسؤالة هل ممكن تمشي بعيد عن التوكيل, أه ولا لأ.

وأنا رديت عليه برأيي عن تجربة ومن غير تحيز, وبرضه ملاك ال 301 منهم د عمرو وهوا من سوهاج ومعاه العربية وفيه ناس من دمياط والأقصر والغردقة أشتروها لأنها أفضل عربية بالسعر والمواصفات.

أكيد حصل خير, وأنت رأيك فعلاً علي راسنا.
تحياتي ليك.

حصل خير يا اخوانا و ارائكم كلها علي راسي و مشكورين جميعا علي مساعدتي و مش هنخسر بعض عشان رأيي و للاسف انا ما عنديش اي توكيل في اسوان غير مركز خدمة معتمد لرينو و الفلوينس فوق امكانياتي و الداستر مانيوال بس و انا بطلت اركب مانيوال من 5 سنين يعني في كل الحالات هاسافر للصيانة بس الفرق اسافر اسيوط ولا القاهرة لو بيجو يبقي القاهرة بس انا ما باحبش السفر بالعربية و غالبا باسافر القاهرة طيران و ربنا يوفقني للي فيه الخير و مشكورين جميعا علي مشاركاتكم

اقتباس:

---

المشاركة الأصلية كتبت بواسطة aswasiam

حصل خير يا اخوانا و ارائكم كلها علي راسي و مشكورين جميعا علي مساعدتي و مش هنخسر بعض عشان رأيي و للاسف انا ما عنديش اي توكيل في اسوان غير مركز خدمة معتمد لرينو و الفلوينس فوق امكانياتي و الداستر مانيوال بس و انا بطلت اركب مانيوال من 5 سنين يعني في كل الحالات هاسافر للصيانة بس الفرق اسافر اسيوط ولا القاهرة لو بيجو يبقي القاهرة بس انا ما باحبش السفر بالعربية و غالبا باسافر القاهرة طيران و ربنا يوفقني للي فيه الخير و مشكورين جميعا علي مشاركاتكم

---

انا شايف انك ليك حق تتردد بس فعلآ 301 افضل الخيارات المتاحة فى الفئة السعرية من 108الف لغاية 150 الف ويمكن اكثر علشان كده استخير ربنا وانشاء الله هيدلك على الخير
تحياتى

عدم وجود مراكز خدمة فالصعيد هيأثر في إنتشار السيارة بالذات في الصعيد الجواني البعيد عن القاهرة
ده هيعمل حاجتين متناقضتين
الحاجة الكويسة: تميز صاحب السيارة وسط جميع السيارات (يعني هتلاقي ناس فاكراها ب180 ألف و لا حاجة) لكن في القاهرة و الأسكندرية و بحري عموما إنتشار العربية هيخلي طوب الأرض عارف إنها عربية إقتصادية

الحاجة السيئة: الإضطرار للسفر عند الأعطال..
الصيانات مفيهاش مشكلة إنت كده كده هتبقى عامل حسابك على سفر و مجهز أمورك و العربية بإذن الله هتكون في حالة كويسة
لكن المشكلة الحقيقية في الأعطال لأنها بتظهر فجأة و في أوقات حرجة أحيانا و بتبقى محتاج حد يلحقك
أنا فالأسكندرية و عربية من 2001 (بيجو 206) و حتى الآن لو روحت لأي كهربائي بيبوظلي الدنيا و يjumper أي دايرة مش فاهمها..مبالك فأسوان و عربية جديدة و مفيش مركز خدمة و لا حتى كهربائي أو ميكانيكي أشتغل فالعربية قبل كده

الموضوع محتاج تفكير عميق
و رغم إني حاجز العربية لكن نصيحتي شوف عربية تانية ليها مركز خدمة قريب عشان بعد كام سنة لما تبدأ أعطال تظهر فالعربية و متلاقيش حد ينجدك أو كل تصليح محتاج مشوار 750 كيلو و يا سلام بقى لو العربية مش عايزة تتحرك و محتاجة تصليح ساعتها هتأجر ونش يخدها لحد القاهرة..هتكره العربية و السواقة و الشوارع..حتى ملحق الأهرام بتاع السيارات :new:

مجرد رأي..و عليك بالإستخارة و إن شاء الله موفق

اقتباس:

---

المشاركة الأصلية كتبت بواسطة aswasiam

حصل خير يا اخوانا و ارائكم كلها علي راسي و مشكورين جميعا علي مساعدتي و مش هنخسر بعض عشان رأيي و للاسف انا ما عنديش اي توكيل في اسوان غير مركز خدمة معتمد لرينو و الفلوينس فوق امكانياتي و الداستر مانيوال بس و انا بطلت اركب مانيوال من 5 سنين يعني في كل الحالات هاسافر للصيانة بس الفرق اسافر اسيوط ولا القاهرة لو بيجو يبقي القاهرة بس انا ما باحبش السفر بالعربية و غالبا باسافر القاهرة طيران و ربنا يوفقني للي فيه الخير و مشكورين جميعا علي مشاركاتكم

---

اعتقد انه فيه مركز معتمد للتويوتا (البرجسى) فى دراو اسوان كمان

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

اقتباس:

---

المشاركة الأصلية كتبت بواسطة aswasiam

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

---

على كده العربية معاك تبقى لسه زيرو ده انا بايع عربيتى موديل 2010 لانوس من شهرين فاتوا كانت عامله معايه 118000 كيلو والله المستعان

اقتباس:

---

المشاركة الأصلية كتبت بواسطة eng_alaaali440

على كده العربية معاك تبقى لسه زيرو ده انا بايع عربيتى موديل 2010 لانوس من شهرين فاتوا كانت عامله معايه 118000 كيلو والله المستعان

---

فعلا العربية لسه زي الزيرو و بحالتها و غالبا مش هابيعها غير لحد معرفة لاني مستخسر ابيعها لتاجر بس انا عاوز احسن وضعي شوية و اركب فئة اعلي عشان كده بافكر في ال 301 لانها فيه كل اللي باتمناه في عربية بسعر مناسب و الله المستعان

اقتباس:

---

المشاركة الأصلية كتبت بواسطة aswasiam

فعلا العربية لسه زي الزيرو و بحالتها و غالبا مش هابيعها غير لحد معرفة لاني مستخسر ابيعها لتاجر بس انا عاوز احسن وضعي شوية و اركب فئة اعلي عشان كده بافكر في ال 301 لانها فيه كل اللي باتمناه في عربية بسعر مناسب و الله المستعان

---

انا بصراحة قاعت فترة طويلة افكر ومتابع كل الموديلات الجديدة الى نزلت السوق وبصراحة بعد تفكير كثير استقريت على بيجو 301 هاى لاين وحجزتها وهستلم الأسبوع ده انشاء الله وعلى فكرة اخر مقارنة كانت بين البيجو والرينو الفلوانس والبيجو كسبت علشان سعرها وقطع غيارها الى زى العربيات الكورى ويمكن اقل من الكورى

اقتباس:

---

المشاركة الأصلية كتبت بواسطة aswasiam

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

---

أكيد طبيعة إستخدامك هتأثر على قرارك
إستخدام أقل يبقى إستهلاك أقل و بإذن الله أعطال أقل و عدد مرات صيانة أقل
كده البيجو ممكن تبقى خيار إقتصادي و عملي في نفس الوقت

ربنا يوفقك للقرار المناسب ..وفي رأي المتواضع موش فارقة أن مفيش مركز صيانة في أسوان(مقابل قيمة وامتلاك عربية زى دى) وخاصة إن استهلاك حضرتك زى ماقلت خفيف
إما بالنسبة للأعطال يعنى لاقدر الله موش قبل 3 سنين ساعتها يكون لكل حادث حديث ويمكن تكون أسوان بقت عاصمة مصر:)

اقتباس:

---

المشاركة الأصلية كتبت بواسطة aswasiam

عاجز عن الشكر يا اخوانا علي ردودكم الهايلة بس في نقطة انا هاوضحها انا استخدامي للعربية خفيف يعني عربيتي فيرنا 2007 جايبها زيرو و عاملة 28 الف كيلو لحد النهاردة و في الغالب البيجو لو جبتها ان شاء الله بردو هيكون نفس الاستخدام تقريبا و بردو هاغيرها بعد 5 او 6 سنين فهل ده هيفرق في قراري ولا ايه رايكم

---

لو ده استخدامك .. يبقي اوعي تركب حاجه غير بيجو 301
و ربنا يكرمك فيها إن شاء الله.