استفسار عن مخاطر عمليه ازاله المراره

**ihabyossef** · 09-01-2014 08:20 AM

السلام عليكم
استاذ طارق اولا ربنا يشفيها شفاء لا يغادر سقما

احب اطمن حضرتك انا عامل استئصال مرارة وزايدة بالمنظار من حوالي سنة والحمد لله من بعدها مفيش اي اعراض والدكتور من بعد العملية بيومين قاللي اكل كل حاجة بس بلاش الدهون الجامدة ( اللية مثلا )
بس من وقت لاخر قد يكون هناك نوبات اسهال بدون اي سبب لمدة يوم
والعملية عبارة عن 5 فتحات منهم واحدة في السرة وحرج حوالي 1.5 سم لااكثر
بس اهم حاجة بالله عليك تكون مستشفى كويسة من حيث التعقيم والتمريض

وفي النهاية ربنا يطمنك على بنتك وتشوفها في احسن حال يارب

اخوك ايهاب يوسف

**A.Saad** · 09-01-2014 09:23 AM

الاثر لازالة المرارة هو انها لازم تنظم اكلها بعد كدة على مدار حياتها بحيث يكون خالى تقريبا من الدهون

**تامر.محمد** · 09-01-2014 09:42 AM

سلام عليكم
معلش استفسار اضافي في نفس الموضوع لو اذن لي استاذ طارق

في حالة لو اللي شال المرارة اكل دهون بيحصل ايه بالظبط ؟

انا عندي حصوة في المرارة , و لما باكل كمية كبيرة او وجبتين على بعض او حاجة تقيلة اوي بتجي لي كتمة في فم المعدة
لو نفس القصة يبقى الواحد هايشيلها ليه بقى ؟
انا قالوا لي ان الحصوة اللي عندي كبيرة لدرجة ان مافيش احتمال انها تنزل القناة المرارية اصلا , انا عايش بيها بقى لي 4 سنين تقريبا

**احمد المصرى** · 09-01-2014 10:32 AM

طيب يا شباب لا قدر الله لو الحصوه نزلت القناه المراريه ايه المشكله ال هتحصل ساعدها

**TAMERMEGAHED** · 09-01-2014 11:52 AM

شفاها الله وعافاهاه من كل سوء

**Ahmed Selim** · 09-01-2014 12:24 PM

شفاها الله و عفاها إن شاء الله.

أنا شيلتها من أكتر من سنة....منظار برضه.....الحمد لله مفيش حاجة غريبة.....يمكن قعدت بعد العملية شهرين كنت ساعات بحس بألم شبه ألم المرارة شوية بس أخف و بيروح بمسكن عادي.....حصلتلي خلال الشهرين مرتين أو تلاتة.

غير كده مفيش.

أهم حاجة بس التعقيم و الدكتور يكونوا كويسين.......و إن شاء الله تقوم بالسلامة و تنور بيتها تاني.

**Ahmed Selim** · 09-01-2014 12:29 PM

المشاركة الأصلية كتبت بواسطة تامر.محمد

سلام عليكم
معلش استفسار اضافي في نفس الموضوع لو اذن لي استاذ طارق

في حالة لو اللي شال المرارة اكل دهون بيحصل ايه بالظبط ؟

انا عندي حصوة في المرارة , و لما باكل كمية كبيرة او وجبتين على بعض او حاجة تقيلة اوي بتجي لي كتمة في فم المعدة
لو نفس القصة يبقى الواحد هايشيلها ليه بقى ؟
انا قالوا لي ان الحصوة اللي عندي كبيرة لدرجة ان مافيش احتمال انها تنزل القناة المرارية اصلا , انا عايش بيها بقى لي 4 سنين تقريبا

بص يا حاج تامر.......أنا مش دكتور.....بس أسمحلي أفتي

لو فيه أحتمال 1% أنها تنزل القناة المرارية يبقى أخلص منها.

لو هي كبيرة قوي و نزلت القناة المرارية لا قدر الله....هيكون الألم عنيف.

أنا مكنتش أعرف أصلاً أن عندي حصوة لحد ما حصلي ألم صعب شويتين تاني يوم رمضان 2012 ( كان فى شهر 8 يمكن).....كبرت دماغي شوية......و بعد كده حصل نفس الألم مرتين تلاتة خلال 3 شهور.....و كان ألم صعب....يعني مش بيروح بمسكنات عادية.....شيلتها فى ديسمبر 2012.

**طارق _عبد السلام** · 09-01-2014 04:11 PM

اسئل الله العظيم رب العرش العظيم ان يبعد عنكم الشرور والامراض وان يبارك لكم فى صحتكم وفى ذريتكم جميعا
جزاكم الله كل خير على الدعاء

-

الموضوع: استفسار عن مخاطر عمليه ازاله المراره

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار بخصوص عمليه الليزك

استفسار للي عامل عمليه lasik

الساد ه الاطباء انا شيلت المراره

هى حصوات المراره ليها اى علاج

صنايعي جابلي المراره

الكلمات الدلالية لهذا الموضوع

المفضلات

المفضلات

ضوابط المشاركة