عرض للطباعة
السلام عليكم .... الحمد لله قررت شراء اوبل فيكترا 2008
وذلك لان انا سمعت ان الفيكترا مش هتكون موجودة والانسينيا الجديدة هى اللى هتكون بديل للفيكترا ........
اطلب منك النصيحة فى احسن معرض واحسن نظام قسط ؟؟؟؟
واذا كان هناك اى معلومات عن العربية ياريت تفيدونى ؟؟؟؟؟
شكرا لكم.......
ارجو الافادة ضرورى ....
فينكم يا اوبلاوية ؟؟؟؟؟؟
شوف يا باشا..
لو ناوي علي شرا يبقي ممكن تستغل الفرصة لحد اخر رمضان..
ادفع المقدم اللي انت عايزه.. و التقسيط علي سنة بدون فوايد.. من التوكيل نفسه.. و ده افضل مكان تجيب منه العربية او موزع معتمد.. فرع لمنصور يعني..
و موضوع الانسنيا و الكلام ده.. هي هتنزل هتنزل بس سعرها في اي حال لن يقل عن 250 الف جنيه لأقل فئة.. يعني هتعدي الباسات لأنها في نفس فئتها..
فلو فلوسك علي قد دي توكل علي الله و متستناش حاجة..
شكرا استاذ ahmed allawy .....
بس ممكن حضرتك تجيب ليا معلومات زيادة شوية ......
واشمعنى لغاية اخر رمضان ؟؟؟؟
وايه نظام التقسيط عند منصور ......
شكرا ..........
والله مش عارف غير اللي قولتهولك..
يعني هما حاطين اعلانات كتير ف الشوارع تقسيط نفايدة 0 %..
واخد صاحبي سأل قالوله لحد اخر رمضان.. هو العرض بتاعهم كده..
وفي شركات كتير عاملة نفس الحكاية..
تدفع اي مقدم.. و تقسط الباقي علي سنة واحدة من غير فوايد..
غير كده انا ماعرفش تفاصيل اكتر..
ممكن سعاتك تتصل بيهم و تسأل 16424
شكرا يا استاذ احمد العلاوى .....
ربنا يخليك تعبتك معايا ......
بس انا حاولت اتصل بالرقم ده بس المشكلة انى مش من القاهرة .....
والرقم ده لازم من القاهرة ..... فشكلى كدا هنزل بأذن الله القاهرة عشان الحق عرض رمضان ....وربنا يقدم اللى فيه الخير .....
فى اى حد عنده اخبار يا اوبلاوية ......
طيب في حل تاني..
شوف المكان اللي انت فيه فين..
و دور في الدليل علي اقرب موزع معتمد لمنصور عندك..
و اكيد هيكون في حد قريب..
خد رقم تليفونه.. و اتصل بيه.. و هتعرف كل التفاصيل..
أنا سألت يا باشا على النظام دة من فترة ، هو من قبل رمضان كمان و هو شغال و دة عشان نهاية العام و عروض تصفيات الموديلات عشان موديلات السنة الجديدة، العرض كالآتي :
إدفع ٥٠٪ من الثمن و الباقي على سنة بدون فوايد
أو إدفع كاش و هتاخد خصم حوالي ٢٪ على تمن السيارة الكلي
و لو عايز أي استفسارات عن العربية نفسها تحت أمرك
توكل علي الله و أشتري, أنا لسه شاري العربية دي, الأيزي ترونيك, ميه ميه, مفيش مشاكل و لا صوت زي ما سمعت عنها و سحبها جبار, تدفع النص و الباقي علي سنة من غير فوائد
شكرا يا جماعة على اهتمامكم .......
انا يا أستاذ Ahmed Allawy ساكن فى السويس وبسافر كتير اسماعلية وبورسعيد .... لو فى موزع لمنصور فى اى مكان ياريت تقولى عليه ....وانا بده هدور عليهم .....
استاذ farahat كنت عايز اسالك تعرف العرض ده مستمر لغاية امتى ؟؟؟ .... وبرده فى مشكلة تانية 50% من ثمن العربية كتير مش هقدر عليه ... عشان فى عربية تانية (لانوس ) دفع قسطها ومش هقدر ادفع المقدم الكبير ده .....وربنا يقوينى على الاتنين ...
انا إن شاء الله ناوى اشترى مانيوال كاملة لون اسود ..... ايه رايكوا اللون ده حلو ولا ايه ؟؟؟؟ .... بس انا بحس انه بيخلى شكل العربية محترم وفخم ....
شكرا أستاذ moh3377 على مشاركتك .... وكنت عايز اعرف لو الفرش الداخلى للعربية لونه ايه ؟؟؟؟
شكرا ليكوا يا جماعة ....
انا لقيت موزع لمنصور فى اسماعلية .... إن شاء الله هسافر بكرة اشوف الموضوع ده ...واقول لكم ع اخر الاخبار
معلش يا جماعة ....
انا كنت عايز اسال عن اسعار قطع الغيار ..... متوسطة ولا غالية ؟؟؟؟
وخصوصا الكبالن بتوع العربية .... عشان انا سمعت انهم غاليين ....
شكرا........
لو علي الكبالن يبقي متحملش هم خااالص..
الكبالن دي هتبقي معمرة جداااااااااااا..
يعني في عربيات فيكترا كتير موديل 96 و 97 و يمكن قبل كده كمان..
مغيرتش كبالن.. ولا بتطقطق ولا بتعمل اي حاجة..
لكن اسعار اي قطع غيار تانية فا لتوكيل بقي و طالما هتقسط يبقي هتأمن ..
يبقي متحملش هم الكلام ده دلوقتي..
اخر الاخبار ......
نزلت عند أخوان القاضى (توكيل منصور فى اسماعلية ) سالته على سعر العربية ... قال لى 160الف وده فى رمضان بس وبعد كدا 167 الف ..... قولت لو فى نصيب هالحق عرض رمضان ....فسالته ع نظام التقسيط لقيت ان سعر العربية كله على 5 سنين هيوصل الى 220 الف .....:oops:....... بس كدا ...
وسالته ع العرض اللى عامله منصور قالى احنا توكيل او موزع معتمد ليه بس انا ملناش اى علاقة بعروضه ومميزاته .....
وبعد لما قعدت مع نفسى شوية :innocent::innocent::innocent: .... لقيت ان انا ممكن اجي اى حاجة يابانى بسعر اقل شوية .... وفى نفس الوقت ممكن ادور على اوبل فيكترا مستعمل ( كسر الزيرو ) .....
فقولت انا ممكن اجيب الشارك او البوما او الكورولا .......
بس يا جماعة لو فى اى فيكترا ( كسر الزيرو ) موجودة للبيع ...والله مستعد للشراء ... بس حد يقولى عليها ....
شكرا ليكوا يا جماعة تعبتكوا معايا ....
ولا يهمك يا باشا..
حصل خير و كل شيء نصيب..
ممكن تجيب استرا وفى استرا سيدان نازلة غالبا هتبقى على السنة الجديدة بس الاسعار لسة مش معروفة
حرام تفكر فى فكترا او استرا حتى وبعدين تقول كورولا ولانسر
شكرا يا استاذ Ahmed واستاذ NoNaMe ....
انا بحب الفيكترا جدا وخصوصا الشكل الجديد وكان نفسى اجيبها .... وذلك لانى سوقتها وجربت الباسات ودى عجبتنى اكتر ....
بس هنعمل ايه ... ما باليد حيلة ....
فقولت انزل شوية ادور على حاجة كويسة فقولت الكورولا ....
شكرا على مساعدتكوا .... ولو فى حد شاف فيكترا الشكل الجديد مستعملة (كسر الزيرو) يبقى كتر خيركوا .....