كيفيه فك ماكينه رفع الزجاج لتغيير الموتور

**atpo56a** · 09-01-2014 07:55 AM

السلام عليكم احبائي اعضاء المنتدي
عندي الزجاج اللي بجوار السواق بيعلق في الرفع رحت لصنايعي بص علي الحركه في الصعود والنزول قاللي ده موتور عايز يتغير ويتكلف 110جنيه بصراحه هو غالي فقلت انا اعمل الموضوع ده بنفسي واخلي واحد صاحبي ليه في الكهربا يصلح الموتور ويغير له شربون
المشكله مش عارفين ازاي نفك الزجاج ونطلع ماكينه الرفع خارج الباب علشان نفك الموتور
يا ريت اللي عنده خبره وجرب موضوع الفك ده يشرح لي الخطوات علشان فيه اعضاء بيحبوا يعملوا حاجتهم بأيديهم بمبدأ ولا الحاجه لذل الصنايعيه والمرمطه يعني ساعه عند البيت احسن من 4ساعات قدام صنايعي علي ما يخلص اللي قبلك .......... انا منتظر الردود علشان عاوز اعرف ازاي واطبق بالحرف علشان افك الماكينه الله يكرمكم كل اللي يقرأ الموضوع وله خبره يرد للشرح والافاده وجزاكم الله كل خيييييييييييييييييييييييي ييييير والف شكر مقدما

**master793** · 09-01-2014 11:02 AM

أقولك سهلة جداً وعملتها قبل كده

هتشيل الوش بتاع الباب هتنزل الزجاج للأخر هتفك مسمارين من على الحته البيضه البلاستيك إلى ماسك فيها الزجاج وخلى وانتا بتفك الحته البلاسيتك دى حد يمسك معاك الزجاج وهتشد الزجاج لفوق من بره العربيه خلى الباب إمامك وانتا بترفع الزجاح خليه بميل ناحيه المرايا بعد كده هتفك 4 مسمار مسكين العمو د 2 فوق 2 تحت وبعد كده 4 مسمار مسكين المكنه هتفكهم وهتمسك العمود والمكنه وتنزل بيهم لتحت وبكده إنتا خلاصت ومبروك عليك

**atpo56a** · 09-01-2014 04:05 PM

اشكرك للرد والافاده بس لو سمحت لو فيه موضوع في المنتدي اتكتب فيه نفس الموضوع يا ريت يكون مدعوم بالصور علشان الشرح يبقي كامل الله يكرمكم
يا ريت الافاده برابط يشرح فيديو او بالصور كيفيه فك ماكينه رفع الزجاج