استفسار بخصوص تغير موتور دايو لانوس 1 2000

**محمد متولى** · 09-01-2014 11:12 AM

بسم الله الرحمن الرحيم
السادة الأفاضل بمنتدى نايل موتورز
فى البداية أود أن أشكركم على المجهود الرائع لأننى متابع للمنتدى من فترة وتعلمت منه الكثير ولكنى لم أشترك إلا الان
الموضوع
اشتريت عربيه دايو لانوس 1 موديل 2000 من 6 أشهر وصاحبها كان واحد معرفه وكان مغير لها موتور بس غير موتور نوبيرا وكان لسه مسجله على الرخصه وللأمانه هو قالى انت احتمال تحتاج تغير ماكينة بعد سنه او سنه ونص
المهم توكلت على الله واشتريتها وتعلمت عليها بس حصل مشكله انى لقيت الموتور به زنه وعزم العربيه ضعيف قولت ممكن تكون ملخبطه كهربا روحت للميكانيكى قعد يزود بنزين وحل الوش الفيبر بتاع الموتور وقعد يزود بنزين لقى الزنه بتزيد فقالى العربيه فيها بستم مكسور وهتحتاج عمره أحسنلك هات مكنه استيراد ونركبها المهم الغويشه بتاعت الفتيس للغيار الخامس لازم تسندها بأيدك فقلت طالما هنغير موتور نغير فتيس بالمرة فسألت على الموتور اللانوس شورت بلوك فى الحرفيين ب 2500 وموتور كامل ب 3500 والموتور بالفتيس 4200 السؤال هنا
س1 : إنتم رايكم أغير موتور كامل ولا شورت بلوك؟
س2: بما إنى هغير ممكن أركب موتور أتوماتيك بفتيس اتوماتيك ولو ينفع هتتكلف فى حدود كام؟
س3: لو نفع اغير موتور اتوماتيك بفتيس هل هيكون فى مشاكل بعد كده وهيأثر على العزم؟ وهل هيكون هناك مشاكل فى المرور لأن العربيه لسه مرورها القديم ولسه مجدد لها بإسم صاحبها فلو كده هيكون نقل ترخيص وتغير موتور ؟ مع العلم انى قرأت موضوع الاستاذ عبدالرحمن (http://www.nilemotors.net/Nile/145435-a.html) طريقة تحويل اللانوس من مانيوال لأتوماتيك

**MITSUKERO** · 09-01-2014 01:13 PM

اللي اعرفة ان الموتور بالفتيس عند سوسو ب 3500

**medo11_1** · 09-01-2014 01:15 PM

متايع +1111111

**mada_512** · 09-01-2014 02:03 PM

مرحبا بك اخي الفاضل معنا في نايل موتورز
انا رأيي الشخصي طالما هتغير موتور يفضل تركب موتور لانوس افضل عشان لو حبيت تبيع في اي وقت انا شايف ان موتورر نوبيرا ده تعديل مش ظريف
و لو معاك تكلفة التعديل لاوتو هات موتور لانوس يفتيسه الاوتو من نفس النص بالكنترول بالضفيرة و استمتع براحة الاوتوماتيك
بالتوفيق ان شاء الله

**starlanos** · 09-01-2014 07:34 PM

عند سوسو ارخص

**صبرى ابراهيم** · 09-01-2014 08:16 PM

سيارتي دايو لانوس ون 2000
عايز اشتري موتور من على نص ويكون عامل اقل من 50000 الف كيلو اجيبة منين ويعمل كام

**محمد متولى** · 10-01-2014 08:40 AM

بسم الله الرحمن الرحيم
السادة الأفاضل شكرا لكل من تفاعل مع الموضوع
بس كنت عايز اعرف ايه موضوع انى اشترى نص يعنى بشترى نص عربية امامى بالموتور والفتيس والرادياتير والصاج وكله ولا ايه وبيكون سعره فى حدود كام وبيبقى مديك ورق له علشان الترخيص لأن انا عندى قربة المساحات وبعض علب الفيبر ناقصة فلو كده الواحد يجيب يكمل عربيته
وشكرا