كل عام وأنت بخير
طبعا كلنا عارفين مصاريف رمضان والعيد ودخول المدارس شطبوا على الواحد
فقررت اجرب بنزين 80 فى عربيتى النوبيرا
استنيت لما لمبه البنزين نورت وحطيت 40 لتر 80
بالصراحه كنت خايف
الصراحه لما كنت استعمل 90 وانا على الغيار التالت والسرعه تقل لغايه 20 كنت أكسل اديها الغيار التانى وكنت أدوس بنزين العربيه تسحب عادى وتمشى من غير ما تسقف
لكن مع بنزين 80 لازم كل غيار تديله حفه علشان ما تسقفش
سحب العربيه قل بنسبه بسيطه جدا جدا حتى مع التحميل وتشغيل التكييف وطلوع الكبارى عادى مفيش مشكله
لكن مع توفرالماديات أو عند الذهاب للتوكيل أحط 90 طبعا
وعلى فكره 80 حيبقى ممتاز فى السفر جدا
دى تجربتى ياريت الأعضاء يجربوا ويقولوا حصل أيه معاهم
وتكون الصفحه دى لكل أسئله وحوارات ملاك النوبيرا
عيد فطر مبارك