تقرير مبدئى عن سيراتو كوبيه 2014 ومقارنتها بالشكل القديم
السلام عليكم ورحمه الله وبركاته
امبارح قولت اعدى على توكيل كيا واشوف السيراتو الكوبيه الجديده هى نازله من كام يوم بس مافضتش اشوفها الصراحه
انا هقول على الاختلاف مع الشكل القديم الى معايا
اولا الى كانت معروضه الماتور 2000 سى سى وكان فى نوعين منها sl & slx
اولا اول ملاحظه انها شاسيه اطول من القديمه حيث انى جلست فى المقعد الخلفى وكان ممتاز ومريح
ثانيا هنالك مخدع فى النصف وبه حامل اكواب وهذا لا يوجد فى الشكل السابق
ثالثا يوجد نور للصالون خلفى خلف نهايه فتحه السقف مباشره غير نور الصالون الامامى وده كان موضوع مضايقنى قوى فى الشكل السابق
رابعا التابلوه مثل السيراتو العاديه بدون اضافه لون جلد الاحمر مثل الشكل القديم وكان مديها طابع رياضى شويه
خامسا فتحه السقف لا تفتح للخارج مثل الشكل القديم وكان برضه مديها طابع رياضى
سادسا لايوجد انوار على السماعات والصدمه بقى ان الشنطه بتاعتها صغيره جدا مقارنه بالشكل السابق حيث هذا ماشجعنى فى الشكل السابق لاقتنائها
وهناك كاميرا خلفيه مدمجه فى الشنطه وطبعا الجنط بتاعها مختلف جدا عن السابق وشكله جميل ايضا ونسيت اقول ان سعرها بقى 84 و 77 الف ريال للنوعين ولما ينزل منها 1600 هنشوف سعرها هيبقى كام
وان شاء الله هبقى اصورها وارفعها والى محتاج يسال انا تحت امركم