مشكلة صب مع جي إم .. رجاء الدخول من أهل الخبرة
السلام عليكم أعضاء المنتدى الكرام
دلوقتي انا موصل الكمبيوتر بتاعي على جي ام وصب
والمشكلة اني مش عارف اظبط الجي ام .. والكمبيوتر طبعاً بحيث آخد أحسن بيس ممكن
علماً بأن الجي ام Alpine Pmx-640
640 وات ... 4 قنوات .. منهم اثنين للصب .. موصل الصب bridged على القناتين دول
الصب Infinity أمريكي أصلي 10 بوصة كنت شاريه بالبوكس بتاعه .. بوكس محترم والمفروض انه معمول بالمقاسات الأصلية وفيه فتحة لخروج الهوا
المشكلة اني كنت مشغل صبين على كل قناة من القناتين بتوع الصب وكانو شغالين كويس ... بس صب منهم كان بتاع panasonic sound system والحمد لله الـ system اتصلح ... وشغلت الصب بتاعه عليه وما بقتش محتاج للجي ام معاه
وحيث ان القناة اللي كنت مشغل عليها الصب الباناسونيك بقت فاضية ... فأنا شغلت الصب الـ infinity على القناتين بتوع الصب bridged ... لاحظت طبعاً ان الصوت بقا أقوى بكتير .. بس المشكلة انه بقا قوي زيادة عن اللزوم
يعني لقيت كل حاجة تقريباً في الأوضة بتتهز ... وإزاز الباب وإزاز الشباك بيتهزوا .. وبقيت سامع صوتهم ومضايقني
حتى صوت خروج الهوا من الكون اللي معمول بقا مزعج وعامل زي الصفير
وطيت البيس خالص من الكمبيوتر .. ومسكت الجي ام .. فيه 3 أماكن أتحكم منها في البيس
1- gain :
- Min, Normal, Max
2- filter 80HZ :
- off, HP, LP
3- Bass EQ :
- 0db, +6db, +12db
حاولت اظبط الثلاثة مع بعض بحيث يدي بيس قوي ... ما يبقاش بيشوش على الصوت العالي لأن الصب مع الصوت العالي على إعدادات قوية من الجي ام كنت بحس ان الرق بتاعه هيطلع من مكانه .. وفي نفس الوقت ما يبقاش البيس ناعم وكأن العدة دي مالهاش لازمة لأن أقل إعدادات طبعاً اللي هي 0db بتخلي البيس يبقا ناعم جدااااااااااااً
الفلتر off بيخلي الصوت زي الزفت ، LP أحسن فلتر للبيس
Gain مش بخليه ماكس عشان هو الجي ام قايم بالواجب على أقل من الماكس وأزيد من النورمال شوية.
6 و 12 db البيس معاهم بيكون مزعج
انا طبعاً تعبت من كتر ما حاولت اظبطهم ورايح جاي بين الكمبيوتر والجي ام والصب .. وكل شوية الاقي حاجات تقع من مكانها من كتر ما الصب بيهز كل حاجة .. آخر ما زهقت سبته على أقل إعدادات زي ما قلتلكو مخلية البيس ناعم وطبعاً أنا مش راضي ... لأني لما بكتم صوت السيستم الباناسونيك مش بحس بفرق كبير ... والعدة دي وظيفتها طبعاً انها تطلع بيس محترم على الصوت الواطي أولاً ... ولما أعلي الصوت البيس ما يبقاش مشوش ... لحد ما ربنا يكرم ان شاء الله بالعربية والعدة تروح لمكانها الطبيعي
آآآآآآآآآآآآآآآآآآآآآآآسف جداً على الإطالة ... بس حبيت اوضح كل صغيرة وكبيرة ... وشكراً لكل من اهتم .. والسلام ختام.
