اشتريت امجراند 7 فيرانى منذ اسبوع وبعد الغسيل العادي بالمياه وقليل من البريل
لاحظت تغيير فى اللون فى بقعة مدورة قطرها نصف متر علي الكبوت بلون رمادى وفي السقف دايرتين صغيرين ايضا يعنى لون فاتح عن لون العربية الاصلى
السؤال هل يوجد احد عنده نفس المشكلة ؟
وهل تفتكروا انهم هيرشوا لى البقع دية في صيانة الالف كيلو ؟
طبعا انا لسة ماشى 400 كم فقط لكن الحمد لله مافيش اى مشكلة عندى فى العربية
رجاء الافادة وشكرا
مفيش صور ياباشا قبل اى حاجه؟؟
لازم التوكيل يتصرف لان داعيب فى رش العربية بالتاكيد وربنا أعلم
ماتقلقش تروح التوكيل هيعملوها ده رطوبه فالدهان مش هتترش و لا حاجه
شكرا على الردود
لكن يا باشا طبعا مافيش حاجة هتظهر في الصورة علشان مابتظهرش البقع الا من زاوية
يعنى خصوصا تظهر بالليل اوضح
وشكرا
اخى midoo
يعنى هتتصلح ازاى الرطوبة دى لو سمحت
وشكرا
انا مش عارف بالضبط ازاى بيحلوها لكن الى قابلته المشكله ديه اتحلت فالتوكيل من غير رش و لا حاجه بس تقريبا بيسخنوا مكان الرطوبه ديهاقتباس:
المشاركة الأصلية كتبت بواسطة محمد-عيسى
شكرا اخى ميدو
ربنا يستر واشوف كدة فى الصيانة هيعملوا ايه
وشكرا
علي التوكيل يا باشا و اطلب رش العربية فبريقة من جديد و متغسلش العربية بالبريل تاني عشان بيخلي اللون يبهت
سؤال بس... العربية عشان تترش هتتسحق وتترش تاني... وده هيقلل من سعرها لو اقترحوا عليك تترش...ارفض
اوعي ترش ، واشتكي في جهاز حماية المستهلك لو رفضوا تبديل العربية
رش فبريقة يا باشا مينزلش من سعر العربيةاقتباس:
المشاركة الأصلية كتبت بواسطة firstknight_eg
لا هيرشوا ولا حاجه ...حصلت ادامي لواحد معاه شيفورليه لانوس بيحطوها تحت جهاز كده بيسخن المنطقه المطلوبه و ترجع زي الاول
انا لا اعتقد انهم يرشوا العربية كلها لانها بقعة صغيرة باهتة يعنى قطرها حوالى 30 سم
انا من 7 سنوات اشتريت فيرنا واتخربشت زى 4 أصابع اليد طول كل خربوش حوالى 8 سم وكان واصل لطبقة الفيللر
وفى صيانة الالف كيلو دخلت لورشة الدهان فى غبور ابو رواش
وبالود شرحت لفنى الدهان الظروف وقال لى قول للمهندس انها محتاجة تضبيط هياكل وانا هاستلمها وادهنها لك
ورجعت زى ماكانت بعد ساعة ونصف وطبعا شكرته واعطيته 50 جنيه
لكن فى حالتى دى المفروض تتعمل من غير كلام
اتمنى ان يكون فى مركز صيانة اسماعيلية عمل دهان
وشكرا
اليوم اتصلت بغبور ابو رواش وشرحت موضوع البقعة الباهتة على الكبوت
قالوالى البقعة مالهاش دعوة بصيانة الالف ده عيب تصنيع لازم تروح مركز قليوب هم يشوفوا العيب ده
كلمت مركز صيانة غبور قليوب قالوا لى تعالى غدا موجود واحد من غبور ابورواش مسئول عن عيوب الدهان
وتيجى من غير حجز وممكن يجرب جهاز التسخين على البقعة لو اتعالجت يبقى مافيش مشاكل وان لم تتحل المشكلة هيرشها على نفس الوضع بدون اى معجون او اى حاجة يعنى مايعيبش العربية فى اي حاجة
وربنا يستر سوف اضطر للسفر غدا ان شاء الله
ادعوا لنا
وشكرا
الله يقوى ملاك هذة السيارة المتعبه ....السؤال هو متى تنتهى هذة العيوب ؟
اليوم رحت غبور قليوب الخاص بالهياكل والدهان
المهندس اسامة روحى شاف البقع وقال هنسخن عليها بالاشعة تحت الحمرا
ولكن بعد انتظار اكثر من 3 ساعات اتعملت ولكن ظلت البقع ولكن اخف شئ ما
والفنى قال لى ﻻزم تترش الكبوت وجزء من السقف جنب الزجاج البربريز و جزء من القايم اليمين فوق الباب بالعرض وقالوا لى انتظر مكالمة نقول لك تجيب العربية وتسيبها يومين عشان تترش صح وتنشف تمام
ربنا يسهل وفى الاتتظار
وشكرا
ياباشا حرام عليك العربيه زيرو رش ايه بس سيبك من الكلام ده واطلع على حماية المستهلك انا مش فاهم ازاى المهندس يقول تترش كده بسهوله وعربيه لسه زيرو فى شرع مين دهاقتباس:
المشاركة الأصلية كتبت بواسطة محمد-عيسى
رش اية بس فى عربية زيرو اطلع على حماية المستهلك و اعمل لهم فضيحة دة استهبالاقتباس:
المشاركة الأصلية كتبت بواسطة محمد-عيسى
ترش اية و العربية زيرو .. اعمل شكوي في حماية السمتهلك يا باشااقتباس:
المشاركة الأصلية كتبت بواسطة محمد-عيسى
ربنا يستر علشان انا برضه نفس العيب عندي 500 ك لحد دلوقتي وعندي نفس العيب بالظبط! بقع ع الكبوت ده غير قطع في كاوتش الباب و ورة في الكمبروسر و عضة بايخة في الفتيس!
بصراحة مش عارف فاضل ايه تاني!
ما قولنا كده من الاول.... العربية عشان تترش لازم تتسحق وبعد كده يرش تاني، عشان الدهان يثبت، بص حتي لو روحت لحماية المسنهلك، مش هيعملولك حاجة عشان الشركة عرضت الاصلاح، انت بأه اتفاوض انك تغير العربية بواحدة تانية وتدفع فرق ده احسن حلاقتباس:
المشاركة الأصلية كتبت بواسطة محمد-عيسى
سؤال: التسخين اللي بيعملوه بيكون بأيه يعني ممكن هوت دراير عادي نسخن بيه ولا ده جهاز خاص عندهم!