يا جدعان عايز مكان يكون بيقسط اسلامى بجد ومن غير تحويل مرتب .. ومش لاقى؟؟!!

بقالى شهر بدور على مكان يكون بيقسط اسلامى بجد ..اللى هو شروطه
1- ان العربية تكون مملوكة للشركة او البنك فعلا
2- ان ملكية العربية تتنقل ليا من غير اى بنود فى العقد تفيد ان العربية ملك للشركة او البنك و من غير توكيل منى للشركة بالبيع و الشراء .. انما الحظر فقط متهيالى ينفع
3- مش شرط التأمين ولو شرط يبقى بيسمحلى انى اعمل تأمين فى اى مكان على مزاجى (بحيث اعرف اعمل تأمين فى حاجة اسلامى و كده)
4- من غير غرامات تاخير
وزود عليهم بقى انى مش عايز احول مرتب خالص عشان الاجراء ده عندى فى الشغل مقرف
هل فى امل الاقى حد بيعمل الشروط دى ولا بالسلامة كده؟؟؟

مش هتلاقي

للأسف مش حتلاقى حاجه إلا وفيها ربا واضح أو شبهة ربا

ربنا يبارك فيك ويبارك لك وإثبت على موقفك لأن الجنه ثمنها غالى

بص ياباشا فيه نظام واحد يس هو اللى هيناسبك ومش مخالف للشريعة الاسلامية ومش هتدفع جنيه فايده وبدون اجراءات (غير الثقة )--مفيش قدامك غير تدور على جمعية تناسبك وان شاء الله تلاقى وتريح دماغك من هم التقسيط ربنا يوفقك