مشكلة كبيرة ومحتاج رايكم ضرورى

**nos502000** · 09-01-2014 08:31 PM

السلام عليكم

يا جماعة انا واقع فى مشكلة ومحتاج اعرف رايكم فيها ايه

انا كنت اشتريت موتور من حوالى سنتين او سنة ونص وانا من المنيا بس الموتور جيبته من القاهرة الراجل اللى جبت منه الموتور ادانى الورق بتاعه وهو عبارة عن ( فاتورة شراء مختومة بختم النسر وختم ان التاجر معتمد--وصورة الافراج الجمركى ومختومة بختمين ختم نسر جمرك بور سعيد وختم يفيد بان اوراق الموتور تم حرقها فى احداث 25 يناير)

الكلام ده من سنة تقريبا الورق بقى معايا بس انا خليت الورق لحد مجه ميعاد الترخيص والفحص النهاردة ورحت المرور علشان اضيف الموتور الجديد فالرخصة

رحت بالفاتورة وصورة الافراج والاتنين مختومين بشعار الجمهورية بتاع جمارك بورسعيد كما زكرت

فوجئت انهم بيقولو لازم الافراج الجمركى نفسه
يا جماعة دا اتحرق فبورسعيد والكلام ده مثبوت فى صورة الافراج
الظابط قالى لا مش هقدر ارخصلك غير لما تجيبلى اصل الافراج

يا جماعة انا مش عارف اعمل ايه دلوقتى وهل فى اى اوراق ممكن اجيبها من بورسعيد غير صورة الافراج

لان فى ناس قالتلى ممكن تجيب شهادة بيانات او تطلع بدل فاقد

ولو الكلام ده صحيح انا اللى هعمله ولا التاجر اللى اشتريت منه

ولا ممكن يرخصو بصورة الافراج بس اللى مكتوب عليها ان الورق اتحرق

انا بصراحة مش عارف اعمل ايهياريت اللى عنده معلومة يفيدنى ضرورى جدا لان الرخصة انتهت والعربية واقفة كده ومش راضيين يرخصولى

**start_wow** · 09-01-2014 10:26 PM

حضرتك الامر معقد لكن هوا فيه حل وحاول تخليه اخر الحلول انك تشتري ماتور تاني..

**nos502000** · 09-01-2014 11:27 PM

المشاركة الأصلية كتبت بواسطة start_wow

حضرتك الامر معقد لكن هوا فيه حل وحاول تخليه اخر الحلول انك تشتري ماتور تاني..

متهيألى ان الموضوع ده مر على ناس كتير لان الاوراق كلها قبل 25 يناير اتحرقت مش ورق موتورى انا بس

فياريت اللى يعرف الحل ايه او الناس دى كلها عملت ايه يقولى

فاكيد باذن الله ليها حل ياريت مساعدتكم بس باى معلومة

**nesr6060** · 11-01-2014 05:54 AM

انت مرور ايه انا ممكن فى يوم ابقى فاضى اجى معاك احاول اخلصلك الحوار

ولو كدا انت ممكن تطلع بدل فاقد للافراج الجمركى عادى جدااااا من مصلحه الجمارك اعتقد