عرض للطباعة
انا عاوز عربية اتوماتيك زيرو بسعر مناسب ... ايه رايكوا في الفرنا ..... المشكلة ان انا قراءت في المنتدى كتير عن مشاكل في الفرنا خاصة الاتوماتيك و دا والعربية لسه في اول سنة ..... ممكن الكلام يكون فيه مبالغة او واقعي عن تجربة؟؟؟؟
ياريت اسمع اراءكوا عن تجربة و بحياديه ......... و لو الفرنا اتوماتيك مش زابطة..... ايه البديل ما يزدش عن 80,000
mohamed hanafi
البديل الجن 2
بص حضرتك تقريبا مالك الفيرنا الاتوماتيك الوحيد في المنتدي هو خبير الهيونداي استاذ احمد انور
ان شاء الله يرد عليك
ممكن الافيو او الكليو
او الجين 2 بس هى اغلى من 80000
وهو طبعا فى بدايل اكتر
شكراً لكل من بادر بالرد......... و في انتظار المزيد
السلام عليكم
هوا حضرتك مفيش مشاكل كتير في الاتوماتيك في المنتدي
تقريبا معانا حوالي خمسة معاهم فيرنا اتوماتيك من 2004
و فيه واحد بس هوا اللي عمل موضوع كان الصراحة يخوف و عبارة عن ماسأة انسانية
و عموما ده ردي علي أخ فاضل كان بيسألني في الخاص
********************************
السلام عليكم ،،
تحية لحضرتك و العائلة ،،
بخصوص عيوب الفيرنا الأتوماتيك
هيا عيوب الفيرنا عموما
صالون مش فخم و الكنبة الخلفية ضيقة -صوت موتور عالي - عيوب التجميع المحلي
و كلمة عيوب التجميع المحلي دي مش محدده بشئ معين
يعني هوا و حظه
بالنسبة ليا ظهرلي العيوب دي ،،
- الحدفة و الرجة و و اتعالجت بمتابعة الترصيص و ضبط الزوايا اوب باول مع ملاحظة انا الاوتو بتنزل بجنوط 14
- تسريب زيت فتيس بسيط جدا و اتعالج في الضمان و الصيانة الدورية
حاجات صغيرة تانية بقي دواسة بتزيق احيانا ، فاصل الكبوت مرحل سنه عن الرفرف كده يعني و انا مبسكتشي علي حاجة بخليهم يعملوها في الصيانة
السحب بالنسبة ليا كويس و مش بحس انها اتوماتيك
بس ممكن يكون بالنسبة لغيري مش كويس و التكييف بيأثر علي السحب
الاستهلاك ان حسبته علي الطوالي سرعة من 90 ل 100 بدون تكييف ،، 6.5 لتر كل مائة كيلو
داخل المدينة بالتكييف 10 لتر كل مائة كم
و ممكن يزيد طبعا لأن أن استخدامي داخل المدينة بس مش نص البلد
الأتوماتيك نفسه نقله ناعم و مفهوش مشاكل حتي الآن ،، بس هما 25 الف كم فقط
باختصار ميزات الفيرنا 1600 هيا
موتور قوي - عفشة كويسة 0 تكييف قوي
غير كده مفيش مميزات تذكر
اتمني اكون افادتك بحيادية
*************************************
الفارق بس ان حاليا ان وصلت ل 30 الف كم ،،
ملحوظة اخري ان الاوتوماتيك بتاعها هوا بتاع الماتريكس و الالنترا القديمة و الجيتز
و أنا رأيي الشخصي ان حاليا سعرها وصل 78 الف ،، أنا كنت شاريها ب 72 الف
فاعتقد سعرها حاليا مش مغري للدرجة و الأفضل انك تتجه للجيتز اوتوماتيك او النيو اكسنت أو الريو أو السيريون لأن فرق السعر مش مغري مقابل راحة بالك من هاجس مشاكل التجميع و إلا تكون متوقع اشياء من هذا القبيل
بس الاتوماتيك نفسه مسمعتش عن كل الموديلات دي مشاكل عامة
اتمني اكون افدتك بحيادية
شكراً جداً استاذ احمد ......... الحقيقة انا فكرت كويس في النيو اكسنت لكن انا توقعت ان بعد سنتين تلاتة ان شاء الله لما تتصنع في مصر سعرها هينزل حوالي 10,000 ج زي ما حصل مع الفرنا الكوري ...... كانت ب90,000
ودلوقتي 78,000......
شوف الكيا سيراتو
تحفة
هتلاقى تقرير عنها كامل عاملة استاذ ahmed_su فى منتدى الكيا
كويسة فى الرنج دا
السيراتو ب 90 الف يا استاذ رامي
هو عاوز عربيه في اواخر السبعينات و اوائل التمانينات
و انا ارشح الجين تو في حاله عدم رغبتك في الفيرنا
البديل هيكون فعلا جين تو زى ما الاخوة قالو بس الاوتوماتيك منها ب 89 و المانوال ب 84
هوا انا مش قصدي اسود الدنيا في وشك بخصوص الفيرنااقتباس:
المشاركة الأصلية كتبت بواسطة mshanafi
بس انا بحب اقول العيوب قبل المميزات و ابالغ فيها
عشان محدهش يدعي عليا
لو بتبص لناحية اقتصادية الفيرنا ارخصهم و ارخص قطع غيار بمراحل و افضل اعادة بيع
و كمان قيادتها ظريفة كموتور 106 حصان و جنوط 14 و فول اوبشنز
مقابل عربية شعبية منتشرة :tt2:
مفهاش اي برستيج يتناسب مع ال 78 الف
ممكن تكرهها بس من تعليقات الناس
افيو ب 82 حاليا وب 84 بعد رمضان
انا سايق الفيرنا الاوتوماتك من 2004
مفيش والحمد لله اى عيب يذكر من الفتيس
وطبعاً عيوب التقفيل تعتبر مش موجودة عشان دي كوري
لكن بالنسبة للفتيس كويس جداً والحمد لله
المهم المحافظة على الصيانة الدورية واستعماله بصورة صحيحة