انا عايز اشتري عربية في حدود 100 الف جنيه وتكون مستعملة فمنفضلكم تقدرو ترشحولي عربية
انا عن نفسي حاليا مستقر علي شيفورليه كروز
عرض للطباعة
انا عايز اشتري عربية في حدود 100 الف جنيه وتكون مستعملة فمنفضلكم تقدرو ترشحولي عربية
انا عن نفسي حاليا مستقر علي شيفورليه كروز
ياريت توضح انت عايز ايه من العربية عشان نقدر نساعدك
اولا الكروز شكل بس
ثانيا ماعنديش فكرة كل اللى اعرفه انه ضعيفة فى السحب
ثالثا هتلاقيها بس ماعتقدش باسعار معقولة
رابعا سوقها واقف
خامسا اكيد فيه عيب فيها خلها متنافسش الالنترا ولا السيراتو رغم شكلها اللى يجذبك ليها
سادسا توكيل حقير بشهادة الاعضاء وملاك الشيفرولية ومفيش عربية تحت ايده ناجخة واعظم مثال الاوبل انسيجينا
يبقى ليه تبهدل نفسك ماممكن تجيب زيرو وارشحلك البيجو 301 طالما هتطلع فوق ال 100 الف وتريح دماغك اول 3 سنين ولا قطع غيار بلا هم
لو انت بتحب تغير او هتبيع قى اقل من سنتين يبقى هات سيراتو 2010 هاى لاين سوقها موجود وقطع غيار متوفرة
حيرتك دى انا كنت فيها وفى الاخر الحمد لله جبت البيجو واستقرت عليها ومبسوط جدا منها لو الفكرة موجوده وينفع تجيب بيجو ادخل القسم وشوف الناس بتشكر فيها ازاى ولو عايز تسال على حاجة فيها انا معاك
البيجو كانت في دماغي بس حاسس ان مش دي العربية الي اجيبها اوبشنز قليلة لو هتجيب الي ب 107 و حجمها شكله صغير + شكلها من الخلف ميشدش هو من قدام حلو اه وانا قريت كل التعليقات عن العربية وعارف ان الكل بيشكر فيها فمش بتكلم علي كونها كويسة او لا
بس بص بشكل عام انا عايز مستعمل لان المستعمل ممكن مثلا اجيب هاي او توب لين الجديد لا
عامة هحط السيراتو كمان من ضمن اختياراتي مع ان شكلها مش شاددني :\ هل في عربيات تانية ؟؟
تمام عموما هى حجمها ما بين الاكسنت والالنترا
بس مش مشكلة بالنسبة للعربيات المستعملة على حسب احتياجاتك يعنى لو هتحتاج اعادة بيع يبقى كورى او يا بانى وفيه شرط موديل معين كل اللى هكبته ده ينفع تجيبه باختلاف الفئة والموديل
اكسنت ار بى - النترا شكل قديم-ريو -لانسر -سيفيك-مورولا-ياريس -استرا
وممكن تجيب جديد هاى لاين دول
لو ليك فى الصينى ممكن تجبلك كروس
او اوربى وتجيب رينو سانديرو استيب واى
انا لو مكانك هركب بي ام e46
سيراتو كارينز لانسر النترا اختيراتك كتير حدد انت عاوز اية عاوز عربية رياضية عفشة ناشفة عليك و على السيراتو عاوز عربية عائلية و شيك متور بطى نسبيا خد كارينز 2010 عاوز راحة و و نعومة على الطريق و شكل حلو نسبيا بس عيبها خفيفة على الطريق و البور مبيفسلش على السرعات هتخاف تجرى بيها عليك و على الانترا 2009 عاوز عفشة ولا نعمة ولا ناشفة عاوز تسارع متوسط او فوق المتوسط عاوز راحة بال و قطع غيار ببلاش و عربية محفوظا من الشعب تكيف قوى ثبات ممتاز لحد 160 عاوز عربية لو اكصدام اتكسر تغيرو 150 جنية استيراد و فنوس 95 جنية قصاد كل دة الاسف شكل راح علية نسبيا عليك و على لانسر كسر زيرو انا معاية العربية دى من 2008 لحد دلوقتى عامل 290 الف مبغيرش غير سيور وفلاتر بس فقط لا غير و على العموم اى خدمة انا موجود
سيفيك عربية شبابية اكتر او فلوانس عربية فخيمة
شكرا جدااااا يا جماعة بجد والله افدتوني جداااا
انا عامة استفدت كمان من كارينز مكنتش اعرف ان 2010 يوصل 100 الف مع اني اعرف ان سحبها بطيء برده بس شيء ممكن اتغاضا عنه في نظير اني شكل العربية اكون مرتاح معاه انا مش بحب الجري اوي يعني
والصراحة انا مبحبش الهيونداي باقي العربيات هبص عليها ان شاء الله
طيب مفيش ولا واحد رشحلي الكروز اشلها من حساباتي يعني ؟! ؟!
الكروز بطة بلدى و عليها بودى تقيل و هتتخنق منها فبلاش منها بقول شعر واللة ههههه
نصيحة فى حدود المبلغ رينو فلوينس 2011 او هوندا سيفيك 2009 افضل بس حتزود شوية ولاكن حتجيب حاجة تستاهل .
خلاص بلاها الكروووز
طيب واضح انها هترسي علي حد من اسرة الكيا
في تعليق علي السيراتو الكوبيه ؟؟ لاني لسة مشفتش التعليقات عن الاثنين الصراحة
زود واركب سيفيك
رايي شوف سيراتو 2010 جنط 16
كيا سول
بالنسبة لي مش فاهم الناس متحاملة ليه على الكروز مع انها -في رأيي- افضل الكوري في الشكل والثبات، ودول نقطتين حضرتك ذكرتهم في اولوياتك... صدقني الكروز اثبت عربية كوري بلا منازع!! قطع غيارها معرفش ايه ظروفها ممكن حد من ملاكها يفيدنا... انما هي عربية بجد، وان كنت اسمع ان 2010 منها تحديدا كان فيها مشاكل في الكهرباء تقريبا (برضه محتاجين نعرف)...
ولو انا شخصيا -وكل واحد ليه دماغه- هحاول اوقع عربية امكانياتها اعلى من سعرها، او بمعنى اصح اشوف عربية المستعمل بتاعها سعره بيبقى واقع والعربية تستاهل اكتر منه... وفي الحالة دي يبقى هختار شارك/امبريزا/مازدا3 لأنهم عربيات بمعنى الكلمة وممكن تاخد مثلا شارك ماشية قليل واعلى فئة واقل من سعرها بكتير، والكلام ينطبق على المازدا والامبريزا (افضلهم بالدفع الرباعي)...
غير كده هخش على الأوروبي... وانا من عشاق الفيكترا سي بس مش عارف الـ100 ألف يجيبوا توبلاين 2008 مثلا ولا لأ... عربية راااائعة فعلا ومش بيبان عليها البهدلة!!
لو قلتلي سيفيك هقولك عربية ممتازة بس المستعمل منها اسعاره استفزازية، والكورولا اساسا بشوفها اقل الياباني اللي ذكرته كله كثبات وقوة + سعرها المستفز برضه...
الاختيارات كتييييييير!!
ار بى ممتازة واحلى عربيه فى السعر وشكلها احلى كثير من عربيات جت بعدها زى اليارس وغيرها