فيديو :ادارة المرور تعلن عن غلق الدائرى لمدة 40 يوم

http://nileup.com/up/uploads/nilemotors_13893609911.jpg

اعلن اللواء مدحت قريم مدير الادارة العامة للمرور عن اغلاق الطريق الدائرى لمدة 40 يوم خلال مداخلة هاتفية مع محمود سعد في برنامج اخر النهار وذلك وفقا للخطة الموضوع لتعديلات واصلاح الطريق

وضح ايضا ان الاغلاق سيتم بداية من يوم الاحد المقبل بغلق الطريق 4 ساعات في وقت الذروة على سبيل التجربة وفى حال نجاح التجربة سيتم اغلاق كل اتجاه لمدة 20 يوم بلتبادل

مع وجود تحويلات مرورية لتسهيل حركة المرور في الشارع في محاولات لتخفيف نسبة الازدحام الذى يسببه غلق الدئرى.

-
-

[youtube]http://www.youtube.com/watch?v=vA0Dj51-xKw[/youtube]
-

هما دول متخيلين ان الشلل المروري حيحصل على الدائري ؟؟ بالعكس ابسولوتلي .. الشلل كله حيحصل في الشوارع الرئيسية ومش بسبب العربيات .. بسبب النقل التقيل .. تخيلوا كدة منظر ميدان الرماية او طريق الفيوم او شارع الهرم كدة والنقل التقيل نازل فيه وانتوا عارفين اننا واحنا عالدائري بنبقى متحاوطين بتلات مقطورات على الاقل .. المنطقة اللي مابين منزل الرماية لغاية محور المريوطية ( دة وانت جاي من اكتوبر ) او محور صفط لو بيفكروا كويس عشان بعد محور المريوطية الطريق مابيتمشيش فيه حتبقى مقفولة تماما وافضل طريق تمشي فيه عشان تطلع المعادي مثلا هو انك تمشي ياطريق فيوم ثم رماية ثم شارع الهرم يا اما الدائري من طريق الواحات وتنزل رماية .. ثم كانوا فين في وقت الحظر نفسي افهم ؟؟ كنا بنقعد في البيت يوم الجمعة من الساعة 7 ليه ؟؟ مفيش حاجة اسمها امر شغل يتحركوا بيه ويصلحوا كوبري اكتوبر مثلا ؟؟

كلامك حلو يا هوبا

اقتباس:

---

وضح ايضا ان الاغلاق سيتم بداية من يوم الاحد المقبل بغلق الطريق 4 ساعات في وقت الذروة على سبيل التجربة وفى حال نجاح التجربة سيتم اغلاق كل اتجاه لمدة 20 يوم بلتبادل

---

طب هوا اللي يقفل طريق حيوي زي دا,,
يقفلة 4 ساعات وقت الذروة ولا بليل ويعمله شغله وهوا الطريق مش عليه ضغط.!
هوا ليه التخطيط غريب كدا ؟

ده اسمه انتحار عاصمه

اااااااااه ... هي ناقصة :-\

اللواء بيتكلم عن غلق وصلة المريوطية مع الدائري لغاية مخرج الصحراوي مش بيتكلم عن غلق الدائري كله

طيب ما تشتغلوا بالليل يا خونا .... ايه القرف ده .

اقتباس:

---

المشاركة الأصلية كتبت بواسطة ahmed amin

طب هوا اللي يقفل طريق حيوي زي دا,,
يقفلة 4 ساعات وقت الذروة ولا بليل ويعمله شغله وهوا الطريق مش عليه ضغط.!
هوا ليه التخطيط غريب كدا ؟

---

عشان لازم لما يتصلح مفيش عربية تمشي عليه لفترة معينة وميعملوش زي الشركة المتخلفة اللي قبلهم , الصراحة المقاولين العرب ربنا يباركلهم

دة اسموا انتحار
ربنا يصبرنا علي العقول المتحجرة المتحكمة فينا

من اكبر خطايا المرور فى مصر ان المتحكمين فيه هى وزارة الداخليه

لان علم هندسه المرور هو علم يدرس فى كليات الهندسه فقط

ولذلك لن نتقدم خطوه واحده للامام طالما اللى ماسك المرور ناس غير مؤهله لذلك

تم تاجيل القرار
و هيتم تجربه الغلق يوم واحد وهو غدا الاحد الموافق 12/1
و بناء علي التجربيه هيتم اتخاذ القرار النهائي

اقتباس:

---

المشاركة الأصلية كتبت بواسطة amr011111

من اكبر خطايا المرور فى مصر ان المتحكمين فيه هى وزارة الداخليه

لان علم هندسه المرور هو علم يدرس فى كليات الهندسه فقط

ولذلك لن نتقدم خطوه واحده للامام طالما اللى ماسك المرور ناس غير مؤهله لذلك

---

متفق معاك مليون في 100
احنا معندناش ثقافه التخصص في مصر