بعد تجربة الاوكتافيا a4 لمدة 4 شهور و تدمير الفتيس و كارتيرة الزيت .. نصائح مني ليكو

**صعيدي** · 15-01-2014 11:40 AM

sniperff للأسف مفيش عندنا شركات او حتي ميكانيكي يفهم فيها
ده حتي بفكر لو جبت الجوان اركبو انا
ربنا يستر

**sniperff** · 15-01-2014 11:45 AM

المشاركة الأصلية كتبت بواسطة bmya

العربيه دي داخله دماغي اوي بس كله مخوفني من الغتيس الاتوماتك وانا واخد على اتوماتك الياباني بحرق عليه ولا اي اندهاش خايف اوي من الحوار ده وفي نفس الوقت مش عاوز اجيب مانوال تنصحني بايه واسعرها ايه حاليا وايه الزيت المناسب ليها

بص يا باشا هاتها اوتوماتيك بس انا كان قصدي بالحرق الجامد اني ادي نقلة مرة واحدة اقل من الاستبترونيك نفسو الارقام الي في الفتيس 3 نقلات ...بلاش تيجي جنبهم عايز تشد شد بالd و بس ... بص يا باشا عمرك مايحصلك الي حصلي ...انا ظابط جيش و بسافر بيها سينا و ياما غرزت مني في الرمل كتير و العربية مش معمولة لكده.....اهم حاجة ...انت لو عايز اوتوماتيك و تجري بيه مافيش مشكلة ابدا بس تجري بيه بطريقة منطقية شوية....يعني ماتعودش تحرق بيه علي ار بي ام عالي لأن العربية تقيلة اصلا...و محتاجة تطلع واحدة واحدة من غير ما صوت الموتور يعلي

**sniperff** · 15-01-2014 11:46 AM

المشاركة الأصلية كتبت بواسطة j a g u a r

تقرير اكثر من رائع ...

شكرا ليك يا باشا و انا تحت امرك

**bmya** · 15-01-2014 03:07 PM

وده اسمه كلام يعني لو غصب عني حرقت ممكن يروح الفتيس فيها دي غريبه اوي بصراحه يعني انا متعود اصلا في الشد بقلبها زي المانوال بالنقلات اللي في الفتيس دول بقه ممنوع استخدمهم طيب هي سعرها في حدود كام دلوقتي موديلات ايه

**bmya** · 16-01-2014 12:21 AM

تمام يعني الفتيس مش بتاع فحن وردم زي الياباني طيب رنج السعر كام

**bassemali** · 20-01-2014 04:04 AM

بصراحه أنا بعشق العربيات المانيوال عموما .. لكن الزحمه الغير طبيعيه ف مصرنا الحبيبه هيا اللي بتخليني أفكر .. هل أتخلى عن حبي للمانيوال عشان أرتاح ولا أصبر ع الزحمه عشان المانيوال اللي بحبه .. والله ما أنا عارف ... خليها على الله .

**Honda_lover** · 25-01-2014 03:11 AM

مشكور عالنصائح المفيدة

**محمد بلال** · 03-02-2014 03:10 PM

المشاركة الأصلية كتبت بواسطة sniperff

انا شاب بحب الشد بالعربية جدا و بحب السرعة و جبت اوكتافيا اي4 علشان ثباتها ممتاز علي الطريق في السفر مهما وصلت بيك سرعة العربية....المهم دي شوية نصائح مني ليكو و يارب تفيدكو...

1: الاوكتافيا عربية ممتازة جدا في الثبات و دي حاجة محدش يقدر ينكرها يعني انا سوقت اللانسر و سقت الاوكتافيا ... ثبات اللانسر بالنسبة للاوكتافيا ولا حاجة

2:عايز تشد بالاوكتافيا؟؟ عليك و علي المانيوال و فكك من الاوتوماتيك زي الي عندي كده...لأن الفتيس الاوتوماتيك حساس اوي اوي ...لكن لو اتعاملت معاة بحرص كده و بالراحة عمره ما حيشتكي خالص ان شالله تمشي بيه علي 200 بس المهم تاخد معاه السرعة بالتدريج و بلاش الشد الاوفر يعني

3:مشكلة العربية ان كارتيرة الزيت واطية اوي علي الارض فا احرص علي انك تجيب مصفحة بتركب تحت الكارتيرة و بتحميها و المصفحة دي ممكن تجيبها من بنك الاسكان من بورسعيد او من التوكيل او اي محل قطع غيار...

4:احرص علي تغير زيت الفتيس كل 30000 مثلا علي حسب الي مكتوب علي العلبة و انك تكشف عليه كل فترة....انا اهملت الموضوع ده و كان الزيت عندي ناقص 2 لتر و ماكنتش اعرف لغايت ما الفتيس اتاكل من جوة و التروس اتاكلت جامد...و طبعا مع الضد الزيادة انا كسرت التروس الي جوة و غيرت فتيس كامل جبته استيراد...

5:من الاخر الاوكتافيا الاوتوماتيك دي ملخصها عربية مريحة جدا جدا في السواقة و السفر و جوة البلد و ثابتة و لكن مش بتاعت شد و سباقات يعني...عكس العربيات الكوري و الياباني ممكن تشد بالاوتوماتيك عادي جدا...الاوكتافيا عربية عائلية جداو تنفع للشباب برضه و شيك اوي و سواقتها تحس فيها بأمان و انت علي طريق السفر العربية بتستجيب معاك حلو اوي....يعني انا كنت مرة علي طريق اسماعيلية بورسعيد في عربية مقطورة زنقت عليا مرة واحدة و كنت داخل تحتها و دست فرامل مرة واحدة و العربية بدأت تفرك في الارض و تخمس مني بس لما اديتها امر بالدريكسيون اني احود عكس العربية و الله العظيم العربية مرة واحدة طلعت من جنب كاوتش المقطورة و دخلت في طووب...بس الحمد لله ربنا ستر ....بس دي لو كانت عربية خفيفة و مش ثابتة كانت اتقلبت....ده من ناحية الامان....بعد كل ده انا مش ندمان اني اشتريتها بجد عربية فوق الروعة ......العربية دي ممكن تاخد بيها ملف حاد علي سرعة اكبر من 140 من غير ما تميل اصلا منك و ده نتيجة ان العفشة بتاعتها خشنة و ده بيديها ثبات عالي جدا....انا عارف اني طولت عليكم بس ده تقرير مني للاوكتافيا اي 4 اوتوماتيك و طبعا المانيوال مافيهاش مشاكل الفتيس الاوتوماتيك

خالص تحياتى لحضرتك
انا معايا a4 2000 حضرتك قلت " كارتيرة الزيت واطية اوي علي الارض فا احرص علي انك تجيب مصفحة بتركب تحت الكارتيرة و بتحميها " ممكن اعرف سعر المصفحة بكام وهل منها انواع وبتركب على موديل 2000 ومين بيبيعها فى القاهرة لان اتكسرت عندى الكارتيره مرتين

الموضوع: بعد تجربة الاوكتافيا a4 لمدة 4 شهور و تدمير الفتيس و كارتيرة الزيت .. نصائح مني ليكو

LinkBack

أدوات الموضوع

عرض

-

-

-

-

-

-

المواضيع المتشابهه

تجربتي مع كيا ريو 2013 لمدة ٥ شهور

لتخزين bmw لمدة 6 شهور

كارتيرة الزيت

كارتيرة الزيت

شرخ في كارتيرة الزيت

الكلمات الدلالية لهذا الموضوع

المفضلات

المفضلات

ضوابط المشاركة