الموضوع: قلق و ترقب

السلام عليكم يا احلى موقع انا ان شاء الله قررت اجيب نيسان صنى سوبر صالون 2014 بعد طول تفكير و مقارنه بينها و بين بيجو 301 و اوبترا و الحمد لله رحت دفعت المقدمه و اخترت اللون الرمادى كرغبه اولى و اللون البرونزى كرغبه تانيه و قالولى هتستلمها على اخر الشهر دا ان شاء الله دعواتكم بقى و يا ريت توجيهاتكم ليا و نصائحكم و خبراتكم لانى اول مره هركب اوتوماتيك و انا بقالى 5 سنين ماشى بلانوس2 و بصراحه عربيه عظيمه جدا جدا جدا عملت بيها كل اللى فى نفسى و عمرها ما كسفتنى و لا وقفت منى بس دا بفضل الله اولا و لانى كنت واخدها كسر زيرو و ايدى فيها باستمرار و هبيعها ان شاء الله و هيا لسه بحالتها ربنا يبارك للى هياخدها المهم انا فى واحد صحبى قعد يقوللى حد يسيب البيجو و الاوبترا اللى هما 1600 و تقفيل بره سواء اسبانى او كورى و تاخد نيسان هندى فى مصرى لدرجة انه كرهنى فيها و انا لسه مستلمتهاش و خلانى فكرت اسحب فلوسي تانى لكن انا كنت فكرت كويس لانى لقيت فيها اوبشن ووسع مش موجود فى نفس فئتها من حيث السعر و الاداء و كمان كلام اغلب اراء الاعضاء هنا هوا اللى شجعنى قوى على دا فيا ريت تنصحونى و تدونى من خبرتكم و ارائكم العظيمه هل استمر او اتراجع
و لو استمريت هل اختيار الالوان موفق ولا لا و اول خطوات القياده و الصيانه و خلافه و افضل مركز صيانه فى القاهره و يكون قريب لمدينة نصر ...... اسف للاطاله بس انتوا عارفين بقى التردد وحش

هية البيجو 301 قا قيمة مقابل سعر تحفة و عربية تحفة بجد بس لو انت مقتنع بل الصنى خليك فيها انت الى هتركب وشكرا

زين ما اخترت
و ان شاء الله هتنبسط جامد من الاوبشن اللي فيها و خصوصا انك جاي من لانوس زي حالاتي
البيجو علي عيني و علي راسي بس انا واحد مستحيل اشتري عربيه لسه اول سنه ليها و خصوصا ان التوكيل مايعرفش فيها كل حاجه (التوكيل ده بني ادم زيه زيك مش منزل يعني)
ديه السنه التالته للنيسان و عددها 20 الف+ عربيه في مصر

المشاركة الأصلية كتبت بواسطة ashrafwolf

زين ما اخترت
و ان شاء الله هتنبسط جامد من الاوبشن اللي فيها و خصوصا انك جاي من لانوس زي حالاتي
البيجو علي عيني و علي راسي بس انا واحد مستحيل اشتري عربيه لسه اول سنه ليها و خصوصا ان التوكيل مايعرفش فيها كل حاجه (التوكيل ده بني ادم زيه زيك مش منزل يعني)
ديه السنه التالته للنيسان و عددها 20 الف+ عربيه في مصر

>>>>>>>>>>>>>>>>>
اشكرك كتير بس بما انها معاك انا ليا سؤال ؟؟
انا سمعت ان الكاوتش اللى بتنزل بيه وحش فأنا فكرت اجيب نوع كويس و اعرضه ل 195\60
ايه رأيك اعمل كده و الكاوتش بتاعها لسه جديد ولا ايه

السلام عليكم
اشكركم جميعا على ارائكم الجميله الصائبه و التى تنم عن ناس فاهمه و بتتكلم صح عدا طبعا الاخ الفاضل بتاع البيجو اللى قال ان النيسان كورى و كلام تانى كتير ملوش علاقه بالسياره اللى بنتكلم عليها خالص لكن انا مش جايب العربيه اتمنظر بيها انا جايبها لانها اصبحت من اهم الضروريات و انا بعاملها زى اولادى تمام لانها شايلانا جميعا و مببخلش عليها بشئ و اغلب مشاويرى بيها سفر و كفايه انها بتصون كرامتى و كرامة اسرتى من بهدلة المواصلات (اللهم ديمها نعمه ) اما البيجو بحس انها للمنظره لاننا لو قارنناها بالنيسان هتلاقى النيسان عمليه اكتر من جميع الجهات عموما انا شايف ان السيارتين كويسين لكن النيسان واضحة المعالم اكتر من البيجو اشكركم جميعا و اول ما استلم هعرفكوا و احاول انقل اكبر كم ممكن من المعلومات عنها لكى يستفيد الجميع لكن ليا استفسار للناس اللى معاها النيسان الجديده انا عاوز اغير مقاس الكاوتش للاكبر شويه و نوع افضل من اللى فيها لانى سمعت و بالاجماع انه مش كويس بس مش عارف لو غيرت لمقاس 195\60 او 205 \60 هل دا يضر بالعربيه او عفشتها او يؤثر على استهلاك البنزين و الجنط السبور بتاعها يشيل المقاسات دى و لا لا اسف للاطاله و ارجو الافاده

الف مبروك
لكن البيجو برقبة الصني

يعني انت شفت نيسان صني وركبتها انا ركبتها وسقتها العربيه فاشله جدا وعيب على شركة نيسان تصنع وحده زي ده والله تحسها تاتا من جوه الشكل الخارجي جيد جدا بس من الداخل حاجه ايه هي الاكسسورات زرين بتوع المكيف وازرار المرايه والراديو وده هتلاقي احسن من في المحلات فاضل ايه والعداد والعربيه تحس انها لحسه الاسفلت واطيه جدا غير كده العربيه دي كوري يعني ايه كوري يعني عربيه مصنعه في كوريا شاله علامه كوريا وحطوا نيسان ما فهاش امان ولا رفاهيه خالص