مساء الورد
كنت عايز أجيب الثرموستات عشان ملغى من عندى و مبهدلى العربية جدا شوفت نوع صينى كدا على 110 بس ما جبتوش عشان معرفش المفروض ماركته إيه ..... فبم تنصحونى ؟
ماركته إيه ؟
و يعمل كام ؟
عرض للطباعة
مساء الورد
كنت عايز أجيب الثرموستات عشان ملغى من عندى و مبهدلى العربية جدا شوفت نوع صينى كدا على 110 بس ما جبتوش عشان معرفش المفروض ماركته إيه ..... فبم تنصحونى ؟
ماركته إيه ؟
و يعمل كام ؟
مبهدلك العربية لية اية الى بيجرى عندك
بلاش صيني ممكن يقفش ويقفل ويعلي حراره الموتور في لحظه ويعمل مشاكل اكبر
احسن نوع في السوق اسمه beher استيراد الشركه الهندسيه الماني ب135 تقريبا
هات تروموسات نضيفه عشان يظبط الحراره
اشتريت ترموستات ماركة فاليو بـ 140 جنيه او حاجة قريبة من كدا مش فاكر بكام بالظبط من حوالي 6 شهور ، واهو شغال كويس لغاية دلوقتي والحمد لله مافيش منه مشاكل ظهرت ، ولكن ...
في الحاجات ديه بالذات الأفضل انك تشتري الـ gm ، ولو النوع اللي بيقول عليه فادي كويس ومجربه من فترة كبيرة فاتوكل على الله وهاته لو فيه فرق في السعر كبير بينه وبين الجي إم ، أما لو الفرق صغير جدا يبقى خليك في الأصلي
والله ياجماعه الله ينور عليكم ويفتح عليكم بجد .... بس بقى انا عايز أحقد عليكم شويه ( للاستاذ فادى محمد ومحمود باشا maam ) :argue2: ياجماعه احنا مسييرين غير مخيريين عندنا فى بلادنا والله بجد يعنى مجرد انك تلاقى اساسا ثرموستات دى فى حد ذاتها إنجاز مالوش حل .... هههههه انما بقى انواع ده بقى يبقى يوم عالمى بجد :POINTIy2[2]: ادعولنا ياجماعه ربنا يكملها علينا بالستر
لازم تكون واقعي يا هيثم ، يعني اشتري عربية نادر قطع غيارها في البلد اللي ساكن فيها يبقى باتعب نفسي جامد
انا لسه مركب ثرموستات الكوعة فى عربيتى كانت متشالة والعربية كانت مبهدله على الاخر استهلاك البنزين فى العالى ودرجة الحرارة عند الازرق فى اغلب الاحوال وفى الشتاء لازم تقعد ربع ساعة علشان مؤشر الحرارة يتحرك من مكانة
المهم رحت للميكانيكى قولتلة عايز اركب ثرموستات الكوعة قالى اية وازاى ياباشا ده كل بيشيل والكلام ده ودى بتاعت بلاد بره مش بتاعتنا ولاقيتة بيقولى انت عارف اليابانى ليه مش بيسخن قولتلة لية ياعم الفالح قالى علشان مفيش فية ثرموستات :oh: الكوعة قولتلة فى سرى والنبى قعد ساكت ومتقفلنيش اكتر من كدة علشان كل كلمة بتقولها بتعك اكتر
المهم فكها بعد عناء راكبة فى حتة صعبة لازم تفك سير الكاتينة والباور وفيلم كدة المهم فكها روحت ادور عليها ادور عليها
لقيت نوعين نوع الاول بتاع الدايو وده كان ب 150 تقريبا وكورى والنوع التانى جى ام اصلى بتاعها وده 250 جنية جبت الجى ام الاصلى وركبت وبسم الله ماشاء الله فرق كبير للافضل الحمد لله وعرفت كلمة متعدلش على الخواجة ولا تسمعش كلام صنايعي
وطبعا الفضل الحمد لله بعد ربنا طبعا هو ليكم اللى عرفنى اهميتها فى العربية و الا كان زمانى بسمع كلام الميكانيكى واقولة الله ينور ياباشمهندس