سواااق جديييييييييييييد

**blazer** · 24-09-2008 03:12 AM

المشاركة الأصلية كتبت بواسطة Noha-M

تخيل؟؟

. طيب تتخيلها انت دى

شفت بقينا بنستحمل ازاى

. اصل لو ركزت فى الموضوع هموووووووووت من حرقة الدم بس الواحد والله من كتر ما شاف هنا مواضيع توجع القلب و يبقي الواحد لسه شارى زيرو و عامل حادثة و العربية تتدمر فبجد والله فعلا مزعلتش اوى زة ما كنت متخيلة
انا فعلا مسغربة ردة فعلى

بس والله تصدق السيراتو طلعت اصيلة بجد , انا عايزة اقولك انى سمعت صوت خبطة و صوت الصاج و هو بيطبق و بيتعجن و ايه من اول الفانوس الامامى لحد الخلفي لانه ماشي بعجلته و ال container الحديد بتاعه دة راشق في عربيتي و بيخبط بافترا !!!!!!! على اساس ان انا ابويا دة كان تاجر مخدرات و جايبلي العربية دى للمشاوير النص كم و البورش راكنة فى الجراج

فبقولك لما روحت بقا و نزلت اشوف حصل ايه بجد والله الصاج محصلش فيه اى حاااااااااااجة بس تجريحات كدة و اديني بدورلها على كومباوند و ان شاء الله تتظبط

و هو ماشى كدا ولا فارقه معاه
يمكن تطلعى بنت وزير ولا لواء مش تاجر مخدرات :)

**دموع الثلج** · 24-09-2008 03:14 AM

شوفى موضوع نادر تحفه بخصوص الكمباوند والبولش

هنا

**Noha.M** · 24-09-2008 03:18 AM

المشاركة الأصلية كتبت بواسطة blazer

و هو ماشى كدا ولا فارقه معاه
يمكن تطلعى بنت وزير ولا لواء مش تاجر مخدرات :)

لا بجد والله الناس بتتعامل مع اللى راكبين عربيات كأنهم سارقيينها مثلا او مش تعبانييين فيييهااا فبيتعاملو بمبدأ ان الناس حلال فيها نخبطلهم عربياتهم

**blazer** · 24-09-2008 03:27 AM

اه بيقولوا دا راكب عربيه بلشىء الفلانى (حتى لو راكب 128)
و حتى فى الاشارات تلاقى الشجاتين لازقين فى العربيه عشان يبعدوا لازم تدفع الاتاوه

**OlaOsman** · 24-09-2008 03:43 AM

أنا شكلي كده هابدأ أقنن استخدامي للعربية يعني مش هاخدها كل المشاوير في كل الأوقات.. هحاول أبعد عن الأوقات المعروفة بالازدحام و احسبها 100 مرة قبل ما أقرر آخدها مشوار.. مع ان ده مش حل مثالي لحد دافع دم قلبه في عربية.. انما احسن ما أشوفها قدام عيني بتتبهدل كل يوم و لسه ما عداش عليها معايا شهرين :(

**Noha.M** · 24-09-2008 03:54 AM

المشاركة الأصلية كتبت بواسطة OlaOsman

أنا شكلي كده هابدأ أقنن استخدامي للعربية يعني مش هاخدها كل المشاوير في كل الأوقات.. هحاول أبعد عن الأوقات المعروفة بالازدحام و احسبها 100 مرة قبل ما أقرر آخدها مشوار.. مع ان ده مش حل مثالي لحد دافع دم قلبه في عربية.. انما احسن ما أشوفها قدام عيني بتتبهدل كل يوم و لسه ما عداش عليها معايا شهرين :(

لا بجد متفكرييش انتى نفذي على طول . مش كل المشاوير تاخديلها العربية و تغامرى بيها كدة فى الطريق . بجد والله حرام

انا قررت ان شاء الله لو فيه مشاوير فى المعادى كدة همشيها و اهى منه رياضة برده

لكن كل شوية هخرج و حاطة أيدي على قلبي من اللى ممكن يحصلي انا كدة هموت و انا فى زهرة شبابي

**mahamedaraby** · 24-09-2008 04:46 AM

ياجدعان احنا ليه منطبقش التجربه الصينه ونركب العجل احسن

انا اكتر واحد فى مصر استخدمت الكمباندو والبلوش على عربيتى

بجد اغبى اختراع فى العربيات هو اللون الاسود بجد لون مجرب ومعفن وبيبان فيه كل حاجه غلط ندمان عليه انى اخترت اللون الاسود ماله الاحمر

**Nour_Peugeot** · 24-09-2008 04:55 AM

ا شباب ده بقولك خش يا ملاكي و ينزل يفضل يخبط علي العربية علشان اخش و القيه افل عليا بس وحياتي مبعدية ميجبها غير شببها بقي هههههههههههه

**ams** · 24-09-2008 05:19 AM

المشاركة الأصلية كتبت بواسطة zalpany2000

اعزائي نايل موتورزوية
كل سنة انتوا طيبين... ورمضان كريم

طيب
ده الوحش
فين الحلو بقى ؟!

**عزيز محمد** · 24-09-2008 12:36 PM

الكلام لصاحب الموضوع:
أول حاجة: أذكار الخروج من المنزل،
خد بقى عنك يا سيدى:
1- لا تهتم بالشكل الخارجى لسيارتك (على رأى أحد الأعضاء: هتتخبط هتتخبط)
2- افترض فى السائقين الآخرين منتهى الجهل بقواعد القيادة، وانعدام القدرة على التفكير السليم
3- سوق صح: إدى إشارات قبل ما تحود، وانتظار عند المطبات والمواقف الطارئة
4- ماتجريش نهائى(السيارة الخاصة وسيلة مواصلات مريحة وليست وسيلة مواصلات سريعة) ولا تغرنك السرعات اللى الناس بتتكلم عليها، مصر زحمة جدا حتى طرقها السريعة (وانت بنفسك جربت الطريق الزراعى بتاع مائدة الرحمن، وطبعا الكورنيش)
5- ماتمشيش ورا أو جنب (الميكروباصات والأوتوبيسات أيا كان حجمها، النقل بأنواعه)
6- المشاة ماعندهمش فكرة عن إمكانيات العربيات، تعامل معهم بمنتهى الحرص.
7- ولع نورك بالليل عشان تشوف كويس، حتى لو اللى جاى قصادك عمل قرد عشان تطفى النور
8- عند أى يوتيرن هدى جدا جدا (حتى لو فى شارع جانبى) سواء كنت بتعدى من اليوتيرن أو مكمل فى طريقك (راجع رقم 2: معظم المشاكل بتحصل عند اليوتيرنات ومشكلة مين اللى يعدى الأول ومين اللى مفروض يهدى)
9- الركن مشكلة لا حل لها، إحمد ربنا إن أصلا عربيتك صغيرة
10- ماتستفزش حد، وماتسمحش لحد يستفزك لا بكلاكس ولا بنور ولا بحركة غباء عملها فيك (المسامح كريم)، وعلى فكرة الناس اللى بتكاسر وتكبس وتجرى ما بيوصلوش بسرعة ولا حاجة، هما بس بيكونوا أقنعوا نفسهم إنهم أحسن من غيرهم (بتوع الملاكى اللى مبيعرفوش يسوقوا دول).
11- من خرج من داره اتقل مقداره، حكمة سبعاوى الشهيرة والصحيحة، مش معنى إن معاك عربية يبقى تخرج بيها فى أى وقت وتروح بيها أى مكان.
12- مش فاكر حاجة تانى بصراحة، هو حضرتك عضو هيئة تدريس فييين؟